Lukat 1:75 - Ala Wone Peenok Peebi Mbanak

⁷⁵ Nit ninagabiti mbaka'lek awo nineenik logonet, at obaalombok mban eerit nugwi, Ndi, at enegen kagak, nit maluk eeka'lek at ake leenak niniki abe koonak wonogwe, Eeko logowak nduk, eereegerak o.

Lukat 1:75 ပူးပေါင်းရင်းမြစ်များ

Takariya 8:19

At Omaawi Lombok Menggerak Aliku ALA nen an yo'nege logonet, “Tut kenagan penembunuk, ambi penenak paga, tut 4 penembunuk ambi penenak paga, tut 6 penembunuk, ambi penenak paga, tut 9 penembunuk, ambi penenak paga, mbi nengga'lek inambe mage negen logonet, it Yekura mendek eekwi nogo ti, inale'nggen mbakwi, inale'nggen nen lubuk yogwe, inale'nggen nen laago nggwok lakwi, eeko logogun me, pilit yaga'lek abet mban yuurak iniki kunik eekkologwe, iniki ambit lambunik logorak inikilom mbakwi, eeko logowak,” yo'nege,

Matiyut 1:21

At aagaluk aap aret ndarigin o. Ndi, ndake kenok, owe-awot inomaluk nogo at nen lek eerogo punuk, inagap ndarigin me, endage Yetut aret toonenu o,” yinuk, yoge kagagerak.

Lukat 1:74

Ti eereegerak nogo ti, it ninom wim mbanak ineenggi me nen ndinogo pinaninuk,

Epetut 1:4

At Ala nen, “Peebi Keritut nen eeppiyamenggerak paga an napuri maluk inoba lenggenna'lek nenggaanom paga mondok alik leenak logowak o,” yinuk, o nggween yi, awo wakkaga'lek kagak mii'ninabeegerak.

Epetut 2:10

Ala nen aret ogobakkigi'ninabeegerak me, nit at amendek aret ogoorik o. Nit nda'naga'lek niigak obeelom eerit nogo logorak Ala nen maan kooneegerak nogo, Keritut Yetut ninom kunik logonet eerit nogo logowok nduk, ogobakkigi'ninabeegerak.

Epetut 4:24

Ala maluk eekeelik obaabut abu abe koonak menggerak nogo kokwak, kit ndak-ndak kinobaabut mondok ngget mendek eerogo pinagawak nduk, yokkiragi o.

1 Tetalonika 4:1

Ndi, noreewi o. Wone irip paga iluk ambi yokkiroorak mbakoorak me yokkiraawi o. Ala inikilom kinombaruwak nduk, “Nonggop eerit nogo logorak?” mamunggirogogurak nogo, muk eerit nogwe aret kwe, ambinom mondok nggwok togon eerit nogo logobagip nduk, ninowe Yetut nen yo'nirage kenok lengganogo yokkirogo o.

2 Tetalonika 2:13

Kit noreewi o. Nit ninowe nen iniki kunik eekkinabeegerak nogo kit aret kiinok, “Ala wa,” yoriyak mban ee'ninake menggerak. Kit Ala ari menggerak wone abet mbakwi kiinok, Ala apuri logobagip nduk, Aberiniki nen leenogo pinagage kagak, Ala nen, “Kinagap ndarikit o,” yinuk, kit kinaa'nduk togon miikkinabeegerak me, “Ala wa,” yoriyak mban ee'ninake menggerak.

2 Timotiyut 1:9

At Ala nen ninagap ndake nagagerik, nit at apuri at ake leenak logowok nduk, ninayonggo pereegerak. Nit ambi eekkologogurak paga ti lek o. Ata, at ee'ninaburak kooneegerak nogo ndak-ndak, iniki kunik nen eeppinanege logonet, ninagap ndareegerak. At iniki kunik nen eeppinanege menggerak nogo ti, o yi awo wakkaga'lek kagak, “Keritut Yetut abet mbakwi paga woorak o,” yinuk, koonogo pinaneegerak nogo, pagak yaga'lek wonagagerak kwe,