Lukat 1:63 - Ala Wone Peenok Peebi Mbanak

⁶³ Yogo mbareegwa, Takariya nen batu tulis ambi ngginoorage nagagerik, wogogo mbareegwa, “At endage Yaya aret o,” yinuk, liiru mbaneegerak. Mbangge mbareegi, aakumi apit nen, “Wi!” yinuk, pi wareegwaarak.

Lukat 1:63 ပူးပေါင်းရင်းမြစ်များ

Kini Wuppiige 3:3

Kat Ala kiniki kunik eeke, At oone yugu nogo liirogon mugurok nage, Eeke nogo Kat nen mbo puurak mage o. Ata, kagiinggen kwak kenggaanok me yikkolage, Kinikime liiru negen mbanogo pake, Eeke logot o.

Yetaya 30:8

“Togop me, it aakumi ti, peebi inigen kenok, Ndogop nduk liiru mbaneegerak o, yinuk, Mondok-mondok abeko logowak nduk, yugum tabak paga ayo wagangge, Mbuku pirik-perek aago paga liiru mbangge, Eeri nak o.

Yeremiya 17:1

At Aliku ALA nen ari logonet, “It Yekura inomaluk ti, liiru mbangga irip mbuti kunik paga inom, Liiru mbangga irip yugum mee'nggen kunik paga inom, Yugum tabak paga kwak inikime mbanak wonage, Ndi, warogo kani kunggo menggam unggut-unggut to ari nogo paga ayo wogo wonage, Eerak aret agaarik o.

Abakuk 2:2

Ari mbareegi, at Aliku ALA nen an onggo yo'nege logonet, “At liiru mbanak lunemenggerak nogo nen aakumi yoranet nage logowak nduk, kat kabinggaanggo kagandak nogo liiru mbanogo pege, Aakumi nen malenggo logowak nduk, yugum tabak paga kin paga ayo waganogo pege, Eeru o.

Matiyut 8:10

Yoreegerak nogo at Yetut aruk konengge nagagerik, “Wi!” yinuk, pi wake logonet, at inom wogwe nogo yorage logonet, “It Iterali mendek inenggela'me nen aap iniki mondok iya lombok abet nombake yogop ambi an kaga'lek aret agarik o, yinuk, abet aret yokkiragi o.

Lukat 1:13

at malayikat nogo nen, “Takariya wae. Kagabiti mbarugun o. Kat tamban eeke nagagindak nogo Ala muk aruk koneneegerak me, kakwe Elitabet nogo kapuluk ndakkirigin o. Ndakkege kenok, at endage Yaya aret toonenu o.

Lukat 1:60

at agalo nen, “Lek o. At endage ti, Yaya aret o.”