Lukat 1:59 - Ala Wone Peenok Peebi Mbanak

⁵⁹ Eeko mbareegwa, nda'nagagerak kagak, nogo 7 yippunuk, ko'lu wulaga nogo agabolo mbanuwok nduk, ka nogogwaarak. Ka nogo nogogwaarik, agabolo mbambunuk, “Endage ti, ogoba Takariya endage ndak-ndak toonuwok,” mbareegwaarak kwe,

Lukat 1:59 ပူးပေါင်းရင်းမြစ်များ

Ala Unde 12:3

Nogo 7 yippege logomenggerik, ko'lu ari nage kenok, aagaluk wulaga nogo agabolo mbanuwak o.

Lukat 2:21

Nogo 7 yinuk, ko'lu elege nogo agabolo mbaniyak age kenok, mbanggo mbareegwa, at agalo awo abila aga'lek kagak at malayikat nogo nen, “Endage Yetut toonenu o,” yoreegerak nogo aret endage Yetut tooneegwaarak.

Nappiigak 7:8

Yoge nagagerik, Abarakam Ala imbirak wone abuk nggaruk togon mbaneegwaarak nogo aberak logowak nduk, inagabolo mbanggo logorak wone nogo yoreegerak. Yoreegerak paga Itak aret nda'nage mbareegi, nogo 7 yippunuk, ko'lu agabolo mbaneegerak. Ti'nuk, peebi Itak nen Yakup ndake, ndi, at Yakup nen nit ninombomini 12 nogo ndaganake, eereegwaarak.

Pilipi 3:5

An ndarak neegak nogo 7 yippunuk, 8 paga nagabolo mbaneegwaarak. Neebe ti, Iterali mendek aret kwe, nanebunu perak, Mbeniyamin mendek aret o. Nagalo-nogoba kunduk, Iberani mendek aret. Ndi, Muta wone yugu liiru mbanak li'lak eeka an Pariti mendek aret wonagagirak.