Lukat 1:54 - Ala Wone Peenok Peebi Mbanak

^54-55 Ndi, wone maan ninombomini Abarakam ombowologwe inom mondok-mondok inabuwa nen obeelom eeppiyoorak yoragagerak nogo, Abeke logonet, at ayeloman Iterali yeenggwaara wagagerak o,” yinuk, yereegerak.

Lukat 1:54 ပူးပေါင်းရင်းမြစ်များ

Ndawi 46:5

At Ala o kota time aret menggerak me, Kota ti, pup eerogo pugun lek o. O weerikit nduk eeke kagak, maluk eeppi wogwe iyo, Ala nen o ti, ili eeppunuk logogin o.

Ndawi 98:3

At apuri Iterali iniki kunik aganabit nage, Yoragaatak liirogon eeppiinet wundi wage, Eeke nagagerak nogo abeke logonet, Ninogoba Ala eegin tiyak yegerak nogo Yi aakumi ndi aakumi o irip-irip wonogwe Abok aret inigen kagaarak o.

Yetaya 44:21

Ala nen ari logonet, “It Yakup mendek ti, an wone yorage yi, abekwi, It Iterali mendek ti, an nayeloman mini aret me, liippugwi, Eeko logowak o. An nen aret ogobakkigirogo piyareegirak me, it an nayeloman mini aret agaarik o. It Iterali mendek ti, an nami eerogo piyaagin lek o.

Yeremiya 31:20

At Eparayim nogo ti, naput niniki kunik eeke, Napuluk ninikilom mbake, Eeke minggirak nogo lek a? Kulinik aret mberigitak kwe, oba aberak wonage me, Kaakit lak, ao, yinuk, niniki nggilu ari, Abuwa lombok mbake, Eeke minggirak o,” yinuk, Aliku ALA nen aret yegerak o.

Yeremiya 31:3

O maan aa'nduk Aliku ALA nen nit ninowagam kin ari wa'nuk yo'nirage logonet, “An kinabuwa nen niniki kunik eekkinabeegirak nogo ti, Lek ariyak lek mondok-mondok logorak nogo mendek paga eekkinabeegirak me, Ninom kunik lombok logowok nduk, niniki kunik eekkinakak mban eeke minggirak o.

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.

Lukat 1:53

It abu wonogwe nogo abe mendek kalo logonogo wogorage, It aap ineenggi warak nogo wogoraga'lek we nappiige, Eereegerak o.