Lukat 1:48 - Ala Wone Peenok Peebi Mbanak

⁴⁸ An at ayeloman tebenak wonage neegak, liippanggerak me, It aakumi abok aret yogondak kuli nen peebi mondok-mondok iniki ale'nggen wonage nombako logogun o.

Lukat 1:48 ပူးပေါင်းရင်းမြစ်များ

Wakkagagerak 30:13

Ndake mbareegi, at Leya nen ari logonet, “An niniki ale'nggen ambik ee'nake kenok, it kumi abok nen, Kwe yi ale'nggen alik negen eeke kogo, yinuk, yogo logogun me, endage ti, Atet aret o,” yinuk, tooneegerak.

2 Tamuwen 7:8

Togop aret me, At Omaawi Lombok Menggerak Aliku ALA nen ndogop yegerak, nayeloman Ndawut yorenok nduk, yokkiri o. At o karume kambin-ndomba ndegeninabit nege me, an nen wagangge nagagirik, napuri aakumi Iterali inowe endagembogut logonet, inarum logowak nduk, eerogo pereegirak o.

Ndawi 102:17

It kapuri tebenak logonet tamban eekwi nogo, Kena koonogo nagiige, It nggino yokkugwi nogo, Kat nen meek inombaka'lek karuk konengge, Eeke logomunggun o.

Ndawi 136:23

Nit abu tebenak wonogwe niinok, at nen aret ninoba abereegerak me, “Wa,” yogo logonip o. & Ninabuwa mbake ti, itok kunik wonage o.

Ndawi 138:6

Kat Kaliku ALA ti, Mondok tiyanak lombok menggendak kwe, Aap meek mendek nogo kenegen wugiya wage, It aap iniki wogoppako menggaarak nogo kat nda nen liippiige, Eeke menggendak o.

Ndawi 72:17

At endage mondok-mondok ki aret wonage, Oonegen eya lek aga'lek wonage kagak, endage wiganinuk nage, Eeke logowak o. At eeppiinet nage paga Yi aakumi ndi aakumi abok nen inale'nggen kaagun me, “Kat kale'nggen at oba pege logot o,” yinuk, Ala yogo logogun o.

Yetaya 66:2

Yi mendek ndi mendek ogobakkigirik yi, an nen mban ogobakkigireegirak me, Aret wonage menggerak nogo lek a?” yinuk, Aliku ALA nen yegerak o. “It aap iniki tebenak wonogwe, Maluk eekirak, ao, mbakwi, noone ari neenok inaganak wake, Eekwi iinok, An liippiige minggirak kwe,

Maleyaki 3:12

“Ti eerogo piminggirak paga it iname time abu obeelom mban wonage kenok, aakumi inanebunu lombok abok aret nen yogo logonet, It inale'nggen paga wonogwe ti kwak ninom op logone, yinuk, yogo logogun o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Lukat 1:28

Nappi wagagerak nogo kolaga owagam wage nagagerik, at yoge logonet, “Niri Mariya wa! Nogoba Ala kimbirak logonet, ale'nggen nggwok koba pagagerak me, wa!”

Lukat 1:42

at oone nggwok paga ari logonet, “It kumi ando wonogwe iigak kwe, Ala ale'nggen kat mban koba wonage o. Ndi, kaagaluk kinikime wonage nogo kunduk, ale'nggen oba wonage o.

Lukat 1:45

Nogoba Ala yokkegerak nogo a'me lik yigin abet aret mbakendak me, kale'nggen ambik kaamunggun yokkigi o,” yinuk, yoreegerak.

Lukat 1:49

At Omaawi Lombok Menggerak nogo nen iya tit eeppaneegerak o. At endage mondok abe alik leenak aret menggerak.

Lukat 11:27

Wone ti yorage mbareegi, aakumi apit kuwak aago inenggela'me nen kwe ambi oone tiyarogon ari logonet, “Kwe ndakkake nagagerik, elak kunggake nagagerak nogo, iniki ale'nggen kombake logogin o.”

1 Tamuwen 1:11

“Ai, nogoba. Kat Komaawi Lombok Menggendak Kaliku ALA aret me, kayeloman niniki tebenak wonage yi, liippanege, ndi, an kayeloman kee'nggot aga'lek abe'nake, eeke logomenggendik, naagaluk aap ambi wo'niru o. Wo'nege keenok, at eenik kagak eeruwak mbangga'lek mondok-mondok Kaliku ALA kake leenogo teppagagin o,” yinuk, wone abuk nggaruk togon kumbuk mbanogo Aliku ALA yoreegerak.

1 Tamuwen 2:8

It aap abu meek liirubu paga, Ndenen warak wonogwe nogo pilanogo mippiige, Iniki aaninggin nen purok lengge eerak wonogwe nogo, Iniki obeelom eerogo piige, Eerogo piinok, Aap inendagembogut inapuri nogo inom nugu logowak nduk piige, Inayuk warak logowak nduk, yabu unde eeppiige, Eeke menggendak. Kaliku ALA nen aret nggween alom yi, O eyak kwak wurake nagagindik, Nggween ogombaga ndoonogo kwippereegindak me,