Lukat 1:46 - Ala Wone Peenok Peebi Mbanak

⁴⁶ Yoge mbareegi, at kwe Mariya nogo nen ari logonet, “An niniki paga nogoba Ala tiyappege agarik o.

Lukat 1:46 ပူးပေါင်းရင်းမြစ်များ

Ndawi 35:9

Ti ogwe iinok, “Aliku ALA nen eekerak o,” yinuk, nale'nggen mbake, “At nen aret nagap ndakerak o,” mba'nuk, Niniki ale'nggen wunuk ari, Eerigin o.

Yetaya 45:25

It Iterali paga wiganak nogo perak, abok aret Aliku ALA nen, “Aakumi yi iniki abe koonak aret o,” yinuk, eeppiige paga at endage tiyappogo logogun o.

Yetaya 61:10

O Tiyon nen ari logonet, “Aap kwe lambumbugwi paga aap nen anobak paga obaanggi-obaangge eekkolage menggi kwak, Kolaga nen alilibano eekkolage menggi kwak, Yum yippiigo mengga kokwak at nogoba Ala nen nagap ndarogo panege, Yum age langgumbiigo mengga kwak, an obeelom eerit nage logokit nduk eeppanege, Eekerak me, Aliku ALA eeppanegerak ti paga nale'nggen alik negen ee'nake, Nogoba Ala nen eekerak paga niniki ale'nggen kani negen wunuk ari, Eeke agaarik o.

Oroma 5:11

Ti eereegerak paga mban ninale'nggen mbako logorak lek o. Ata, ambi nit ninowe Yetut Keritut eereegerak nogo paga Ala ninom lambunogo pinaneegerak me, “Ala wa,” yinuk, ninale'nggen mbako logowok o.

1 Korindut 1:31

Togop me, “Aap ambi nen wone tiyappuurak mbake kenok, ninowe eeppinanege menggerak wone nogo mban tiyappogo logowok o,” yinuk, yereegerak liiru mbanak ndak-ndak at mban wogoppogo logonip o.

2 Korindut 2:14

Yime wagagirak wonage me, Ala nen mbo panulik o. It aap wim nambuppunuk, “Wi!” iraawak nduk, aap waka'ngget awuri inom ndegen-ndegen aago kombogonak wogo mengga kwak, nit ndak-ndak ninowe Keritut eegin tiyak ari kenok ninom ndegen-ndegen aago mondok tiyanak nugwi me, Ala mondok alut eeko logowok o. Obari obeelom wiganinuk nage menggi kwak, Keritut eeke menggerak obeelom wone nit paga nen wiganinuk nage logowak nduk, Ala nen eeppinanege menggerak.

Pilipi 3:3

“Neebe ndogop eeppaneegwaarak o,” yinuk, niniki ti paga panggombunuk, tiyappugwi lek o. Ala Aberiniki nen ninikime yo'nirage kagak, Ala alut eekwi, Keritut Yetut ee'ninabeegerak nogo tiyappugwi, eeko monggoorak nogo ti, ninagabolo abe mbanak nit aret o.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.

1 Tetalonika 5:23

Ndi, yogondak niniki ugun tayenak ale'nggen logowok nduk, eeppinanege menggerak Ala nogo nen, kit kineebe at ake leenogo pake logonet, kinomaluk abu lek eerogo pinagage, ndi, ninowe Yetut Keritut woroorak eyom paga maluk kinoba pinagage kero, kiniki-kineebe abok aret enaani nggelorogon pinagago wonage, eeke logowak o.

1 Peterut 1:8

Kit Yetut kinigen kaga'lek kwe, kagak, kiniki kunik eekwi, ndi, yogondak at eebe kinigen kaga'lek kwe, kiniki at oba panggombunuk, abet mbakwi, eeko logonet, “Nit niniki abet mbakwi nogo, anggen yugu paga nineebe ninagap ndarigin,” mba'nuk, kiniki ale'nggen mbakwi nogo ti, mondok nggwok alik negen agaarak me, nonggop togon mbininogo yuubok aga o.