Lukat 1:37 - Ala Wone Peenok Peebi Mbanak

³⁷ Ala nen ambi eeriyak meek ti, mondok lek o,” yinuk, yoreegerak.

Lukat 1:37 ပူးပေါင်းရင်းမြစ်များ

Wakkagagerak 18:14

An Naliku ALA nen koonggitak nogo ambi eeriyak, Meek me, yinuk, ari agaarik? Tahun ambi eeppunuk, keya woraagin, yagarak nogo ndak-ndak ari wage kenok, woraagin aret me, at Tara aagaluk aap aret ndarigin o.”

1 Endagembogut 17:16

at Aliku ALA nen Eliya yoge kagak, Eliya nen yoreegerak nogo ndak-ndak, tepung yonggolak nogo lek age, ndi, wam amburu toolak nogo lek age, eeka'lek aret wonagagerak.

2 Endagembogut 3:18

Ti eerigin nogo ti, at Aliku ALA enegen kagak, we negen aret eerigin o. Ndi, it Mowap mendek kunduk, Iterali ineenggime piyamenggerak me,

Ayup 13:2

Kit kineenu nogo an kunduk neenu mban wonage me, Kit mban iya lek o. Ninom ndak-ndak aret ogoorik o.

Yeremiya 32:17

“Kaliku Kitok Menggendak ALA ai. Kat nen eeriyak meek ambi lek ti lek abok op mban aret o. Keenggi omaawi paga eeriyak kobam aret me, nggween inom, mbogut inom, wakkagagindak o.

Yeremiya 32:27

“It yi aap ndi aap abok inogoba Naliku Ala an aret me, an nen ambi eeriyak meek aret nombaken?

Takariya 8:6

At Omaawi Lombok Menggerak Aliku ALA nen an yo'nege logonet, “Ti eeppiyoorak nogo ti, it aakumi ando yumbunik nogo nen, Iya eeriyak mendek ti abet aret eekwi iyaamun, ilik, lek a? mbaremenggaarak kwe, it nen eeriyak iya mbakwi ti, an eeriyak iya mbakeelik o,” yinuk, at Omaawi Lombok Menggerak Aliku ALA nen aret yo'nege,

Linggineegwaarak 11:23

Yoge mbareegi, at Aliku ALA nen Muta yoge logonet, “Naliku an ALA nen eeriyak nobam lek nomba'nuk yagan ya? An yagarak ti, abet aret eeke neyaamunggun ilik, lek a? kenegen kaamunggun o,” yinuk, yoreegerak.

Matiyut 19:26

Yogo mbareegwa, at Yetut nogo enegen pegiige logonet, “Ti eeriyak nogo, it aakumi nen eeriyak meek aret kwe, Ala nen perak, yi mendek ndi mendek abok aret eeriyak op mban aret o.”

Marakut 10:27

Yogo mbareegwa, at Yetut nen enegen pegiige logonet, “Ti eeriyak nogo, it aakumi nen eeriyak meek kwe, Ala nen eeriyak perak, op o. At Ala nen yi mendek ndi mendek abok aret eeriyak op mban aret o.”

Lukat 1:36

Ndi, koweeluk Elitabet nogo abu kweegelo kagak at kunduk, abila agaarak o. Kwe wubili o, yogo nogogwaarak nogo kwe, abila agaarak kagak, tut muk 6 penenggerak me, yokkigi o.

Lukat 1:38

Yoge mbareegi, at Mariya nen, “E o. Nogoba Ala ayeloman an aret me, yo'negendak nogo ti, mondok ndak-ndak aret eeppanuwak o,” yoge mbareegi, malayikat nogo nen kolaga nogo teppunuk, nagagerak.

Lukat 18:27

Yogo mbareegwa, at Yetut nen, “It aakumi nen eeriyak meek kogwe nogo, Ala nen eeriyak op aret kage menggerak o,” yinuk, yoragagerak.

Pilipi 3:21

Wambi wage logonet, at omaawi paga yi mendek ndi mendek abok aret at abu'me logowak nduk, tebemborogo menggerak nogo paga nen ninagabolo maluk pili age menggerak mendek yi, nggonenogo mbo punuk, obaane'me at agabolo mondok alik ngget mendek nogo aret yippinanigin o.