Lukat 1:28 - Ala Wone Peenok Peebi Mbanak

²⁸ Nappi wagagerak nogo kolaga owagam wage nagagerik, at yoge logonet, “Niri Mariya wa! Nogoba Ala kimbirak logonet, ale'nggen nggwok koba pagagerak me, wa!”

Lukat 1:28 ပူးပေါင်းရင်းမြစ်များ

Yetaya 43:5

An ninom wonage me, inagabiti mbarugwaarik o. Oonegen lagi wage menggim pa'nggwe nen it inombowologwe wogoren piya wage, Oonegen kilu yi nage menggim pa'nggwe nen it kuwak eerogo piya wage, Eerigin o.

Ndaniyen 10:19

Nomaawi eerogo paninuk yo'nege logonet, “At Ala iniki kunik eekkake menggerak yi wae. Kagabiti mbarugun o. Kiniki ugun kale'nggen paga wonage, kiniki mondok nu'lek eeppunuk komaawi eekkolage, eeke logot o,” yinuk, awo yo'nege kagak, nomaawi aret age mbareegi, at yoge logonet, “Nogoba o. Nomaawi eerogo panegendak me, wone ti, yo'niru o,” yinuk, yoreegirak.

Oteya 14:2

Kit Iterali mendek yi wae. Kit maluk lombok eeko monggotak ti paga nggelenogo pateegutak me, Kinomaluk mbo punuk kiniyokan yungguninuk kinogoba Aliku Ala owagam wa'nip o.

Matiyut 12:48

Yoge mbareegi, at Yetut nen, “An nagalo-nawurilogwe ti, taani mbaken o?”

Lukat 1:27

Kwe tawe ambi aap kigin waka'lek endage Mariya Ndawut ombooluk endage Yutup miireegerak nogo wonage me, nappi wagagerak.

Lukat 1:29

Yoreegerak nogo, kwe Mariya iniki aaninggin a'nuk, koongge logonet, “Nonggop nduk togop yo'nigi?”

Lukat 1:30

Mbake mbareegi, at malayikat nogo nen at yoge logonet, “Mariya wae. Kagabiti mbarugun o. Ala kabuwa mbake logonet, ale'nggen koba pagarak koonggerak me,

Lukat 1:42

at oone nggwok paga ari logonet, “It kumi ando wonogwe iigak kwe, Ala ale'nggen kat mban koba wonage o. Ndi, kaagaluk kinikime wonage nogo kunduk, ale'nggen oba wonage o.

Epetut 1:6

Ninabuwa mbake logonet, at aput iniki kunik nen wo'niragagerak nogo paga, amendek mondok alik negen ngginu-ngginu eerogo wo'nirage menggerak me, nit mondok at alut eeko logowok o.

Owak Loongga 5:24

Yi kumi ndi kumi iigak, aap Kenit mendek Kebet akwe Yawen nogo inale'nggen oba pugwi, Kumi abok inawooliyana wonogwe iigak kwe, at mban inale'nggen oba pugwi, Eeko logowak o.

Owak Loongga 6:12

Kwi'nage nagagerik, Aliku ALA ayonggo malayikat nogo at kaawak nduk kin a'nuk, Nggireyon yoge logonet, “Kat aap wim nambuka wakaa'ngget lombok aret me, at Aliku ALA kimbirak wonage o.”

Urut 2:4

Ari nanuk, anebenggolage me, aap Mbowat nogo o Mbe'lekem nen nage nagagerik, it waabuk negen jelai mbanggo menggaarak nogo keyage wappiige logonet, “At Aliku ALA kinom aret wonage o.” Yorage mbareegi, it nen at yogo logonet, “Ninogoba kat kunduk, Aliku ALA ale'nggen koba logowak o.”