Lukat 1:26 - Ala Wone Peenok Peebi Mbanak

²⁶ Kwe Elitabet nogo abila agagerak kagak, tut 6 penengge mbareegi, at Ala nen malayikat Nggabiriyen nogo o Nggalileya yaga'lelo ambi Nataret time nappi wagagerak.

Lukat 1:26 ပူးပေါင်းရင်းမြစ်များ

Ndaniyen 8:16

Mi'nari wagagerak wonage kagak, at ambi niyo Ulayi ene paga nen oone nggwok paga ari logonet, “Nggabiriyen wae. At aap ti, abinggaanggo kegerak nogo, alom kin paga yoru o,” yinuk, ari naruk koneneegirak o.

Ndaniyen 9:21

Awo yoge neegak, an aa'nduk nabi kage logonet, aap negen neya wage kagagirak Nggabiriyen nogo, it aap kiyoma Ala ake warogo wogogo menggam eyom paga wiganinuk mbe agan neya wage kagagirak.

Matiyut 2:23

Nage nagagerik, o tini endage Nataret aret puk ari nagagerak. Ti nagagerak nogo ti, it Ala yorage kagak yoraga nogo nen, “At aap Nataret mendek aret yogo logogun o,” yinuk, yereegwaarak nogo, a'me aret agagerak.

Lukat 1:19

Yoge mbareegi, malayikat nogo nen, “Ala ake eeke minggirak Nggabiriyen nogo an aret me, wone obeelom wone yi, wonok, Yori nak o, yo'nege mbaki, yokkiri wagi o.

Lukat 2:39

Elege ndake kenok, “Ndogop eeko logorak o,” yinuk, ninogoba Ala nen yereegerak liiru mbanak nogo, agalo-ogoba nen abok aret li'luk eerogo pogo nogogwaarik, iniyok paga iname o Nggalileya yaga'lelo Nataret aret nogogwaarak.

Lukat 2:4

At Ndawut ombowologwe wiganak mendek Yutup nogo, o Nggalileya yaga'lelo Nataret nen o Yureya Ndawut nda'nagagim kota Mbe'lekem nogome aret wagagerak.

Yaya 7:41

ndi, ando nen yogo logonet, “Lek o! Ala nen leenogo mippereegerak Keritut nogo yi aret kogo o,” yogwe, eekwi iigak, it ando nen perak, “At Ala nen leenogo mippereegerak Keritut nogo, o Nggalileya nen woraagin mbakop?