Lukat 1:2 - Ala Wone Peenok Peebi Mbanak

² Eereegwaarak me, it obeelom wone yoranet nugu nogogwaarak nogo iyaalok nen eerit wage inigen kogo nogogwaarik, mbininogo nit yo'nirogogwaarak nogo ndak-ndak,

Lukat 1:2 ပူးပေါင်းရင်းမြစ်များ

Marakut 1:1

At Yetut Keritut Ala aput eerit nage nagagerak obeelom wone aa'nduk lombok wareneegerak nogo yi aret o.

Marakut 16:20

Ndi, it at oone waganggwi nogo yi awi ndi awi abok aret wone yoranet nugwi iigak, ninowe Yetut nen yeenggwaaranet nege nagagerak me, inagabiti warak ineenu ariyak mendek eerit nugwi paga it aakumi apit nogo nen, “Wone yi abet aret kogo o,” yinuk, waganggo nogogwaarak.

Marakut 4:14

Aap awi yumbungge menggerak nen awi yumbunit nagagerak nogo kwak ti, wone obeelom wone yoranet nugwi ti aret o.

Lukat 24:48

Eeke neegotak yi abok aret paganogo yoranet nugu logorak kit aret me,

Yaya 15:27

Kit o aa'nduk nen ninom wonogogutak me, kit kunduk, an nabok paganogo yoranet nugu logomunggup o,” yinuk, yoragagerak.

Yaya 16:4

Aa'nduk yokkirage logolik kwe, eekkinaburak eyom panggoni wage kenok, wone yokkiragarak yi, abeko logomunggup nduk, yogondak yi aret yokkiragi o,” yoragagerak. At Yetut ambinom yorage logonet, “An aa'nduk kit ninom logonet, wone yi yokkirage logolik kwe,

Nappiigak 1:3

At wareegwaarak nogo eenik age nagagerik, “It nawuri ti nen an abet aret neenik agarak ineenu aruwak o,” yinuk, nigiige, ndi, Ala abu'me piyoorak wone nogo yorage, eerit nage kagak, nogo 40 aret yege nagagerak.

Nappiigak 1:8

Kit nogo Aberiniki kinoba wambi wage logonet, at omaawi eeppinagage kenok, o Yerutalem inom, o Yureya abok inom, o Tamariya inom, yi awi ndi awi irip-irip time abok aret inom, an eerit nege kinigen neego nogogutak wone nogo yoranet nugu logomunggup o,” yinuk, yoragagerak.

Nappiigak 14:25

O kota Peraga nogome wone yorogo nogogwaarik, o Ataliya unggwi woraanuk,

Nappiigak 16:6

Ti'nuk, at Aberiniki nen, “O Atiya time Ala wone yora nagup o,” yorage mbareegi, at Pawulut oreewi inom nogwe nogo, o Pirigiya nen o Nggalatiya nogo nogogwaarik,

Nappiigak 17:11

It aakumi Tetalonika mendek ti, inogogumbuk kwe, it Mbereya mendek perak, iniki abu obeelom me, Ala wone yorogogwaarak nogo, iniki ale'nggen paga waganggo nogogwaarik, “At Pawulut nen wone yo'nirage yi, abet aret ilik?” yinuk, ko'lu-kii'me Ala wone liiru mbanak malenggo nogogwaarak.

Nappiigak 26:16

Kat nayeloman a'nuk, yogondak eeke neegendak inom, peebi eerit nage logorak yokkirigin nogo inom, wone ti yoranet nege logorak leenogo pagakit nduk, nikkeya wagarak me, mi'naru o.

Nappiigak 4:20

Ninaruk konenggwi, ninigen kogwe, eekoorak wone ti, yoraga'lek puk ariyak meek ee'ninake me, yorogo logogun aret o.”

Nappiigak 8:4

It Ala apuri kole ma'narit nogogwaarak nogo nen, yi awi ndi awi wone obeelom wone yoranet nugu nogogwaarak.

1 Korindut 4:1

Togop me, “It Ala wone kote kumaarak mendek unde eeppiyareegerak me, it at Keritut ayeloman mini aret iigo,” ninombako logonip o.

Iberani 2:3

nit ninagap ndariyak wone mondok iya kooneegerak nogo, kobak eerogo punuk wonogwe niinok, nit teppinanigin mbakop? Mondok lek o. Wone ti, aa'nduk ninowe nen aret paganogo yorage mbareegi, it koneneegwaarak nogo nen iniki yungguppegak yo'niroolik inoone mondok abet aret yo'nirogwe iigak,

1 Peterut 5:1

Nowe-nawot o. Kit Ala apuri inenggela'me logonet inarum monggotak kwak, an togon Ala apuri inarum minggirak nen wone ambi yokkira o. At Keritut aaninggin-paaninggin oba pogo nogogwaarak nogo, an nenegen kagagirak me, peebi at pi wakwi iigak, woroorak eyom paga, “An togon tiyappani woraagin,” mbake logonet, “Wone eebe yokkiraakit,” mbakirak nogo liirogon konenggo logobagip nduk, yokkira o.

2 Peterut 1:16

Nit ninowe Yetut Keritut, “Wi,” yinuk, pi wakwi iigak woroorak wone yokkirogogurak nogo ti, it aakumi nen timbayok wone mbininggo logonet, inoone amburu ndik-ndik yogo menggaarak nogo paga niniki panggombunuk yokkirogo logolik o. Ata, at Yetut Keritut mondok tiyanak lombok menggerak ninigen abe nen kogogurak nogo aret yokkirogogurak o.