Lukat 1:17 - Ala Wone Peenok Peebi Mbanak

¹⁷ Aberiniki aap Eliya oba age nagagerik, omaawi paga eerit nege nagagerak nogo, at Yaya oba a'nuk, ninogoba Ala woroorak nduk eeke kagak, at aa'nduk eeppiinet nage logonet, inapuri-inogobamini inom lambuninake, it aakumi inogogumbuk menggaarak nogo, it aap iniki abe koonak nen iniki warak logonet, eerit nugwi it ndak-ndak eeko logowak nduk, eeppiige, ndi, ninowe Yetut awuri logowak nduk, ake pipuk eerogo piige, eerit nage logogin o,” yinuk, yoreegerak.

Lukat 1:17 ပူးပေါင်းရင်းမြစ်များ

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

1 Endagembogut 18:18

Yoge mbareegi, at Eliya nen at yoge logonet, “An nen Iterali naalop-kaalop eerogo piigeelik o. Ata, at Aliku ALA nen, Yogop ee'nu ndogop ee'nu, wone yugu taganogo punuk, kugi Mba'an nogo mugurok nogwe paga kat inom, kowe-kawot inom, kit nen aret Iterali naalop-kaalop eerogo piigo monggotak me,

1 Endagembogut 21:20

Yoreegerak nage mbareegi, Akap nogo Eliya nage enegen kage nagagerik, “Kat nimbirak ogoorak monggoorak yi, o yogondak aret kwaa'naken o.” Yoge mbareegi, at Eliya nen at onggo yoge, “Abet aret kwaakkeegi o. Maluk ayeloman arikit o, yinuk, miike nagandik, Aliku ALA enegen kagak, maluk eerit nage menggendak me,

2 Endagembogut 1:16

Wambi woraanuk, at Eliya nogo nen aap endagembogut nogo yoge, “At Aliku ALA nen ari logonet, It Iterali wonogwe me yime an Ala neebe lek neenok, it Ekoron mendek inagugi Mba'an-Tebup nen yoraawak nduk, nggino yoriyak nappiigerak ya? Ti eekerak paga aap endagembogut nogo, nogo yege menggim nen mi'narigin mondok lek o. Ata, at nogo yege me time nen aret kambigin, yegerak me, yokkigi o,” yinuk, yoreegerak.

1 Mbinineegwaarak 29:18

Ninombomini Abarakam, Itak, Iterali, inogoba Kaliku ALA wae. It kapuri iniki nen kake pi woroorak uugwe mbakaarak nogo, mondok-mondok uugwe mbakwi, ndi, Ninogoba Ala kat mban mondok-mondok mukkeren noorak koonggwi, eeko logowak nduk, eeppiige,

2 Mbinineegwaarak 29:36

Ndi, eerit wogogwaarak nogo Ala nen aakumi at apuri yeenggwaarage kagak mbet-mbet aret eereegwaarak me, at Kitikiya inom, aakumi abok aret inom, inale'nggen mbareegwaarak.

Ndawi 10:17

Kaliku ALA wae. It aap nggween paga mendek nen Aap iniki ma'naruwak nduk ambinom eeginako logokwak, It aakumi tebenak wonogwe iniki, “Ao,” mbakwi nogo, Kat liippiige, iniki eyak wappiige, Inale yogo logonet, yokkugwi nogo karuk konengge, Eeke logonet, It elege moono inom, it aap tebenak wonogwe inom, Inili eerogo piige menggendak o.

Ndawi 111:10

Aap iniki warak mamunggolaawok nduk eekwi nogo ti, Aliku ALA inagabiti mbakwi ti aret. Ndi, aap abok aret at wone lengganogo yorage nogo, Mugurok nogwe iinok, Yi wone ndi wone abok ineenu eeppiige menggerak. Togop me, ninoone puk aga'lek mondok-mondok at tiyappogo logowok o.

Yetaya 29:24

It aap eeriyak kagak nomo agan nogwe nogo yelok kogwe, Ineebi-ineeba yogo menggaarak nogo wone mamunirogwe iinok, Abet aret o, yinuk, waganggwi, Eeko logogun o,” ari kagarak me, yokkiragi o.

Amot 4:12

“Iterali mendek ti, an togop aret eerogo piyaagin o. It Iterali ti, inogoba an Ala ninom lambunugun me, it ti, pipuk eeko logowak o, yinuk, Aliku ALA nen wone yi abok aret yegerak me, yokkiragi o,” yoragagirak.

Matiyut 11:14

kinikime woorak mbakwi kiinok, at Eliya woroorak nogo ti, eebe Yaya aret kaamunggup o.

Matiyut 3:3

at Ala yoge kagak yoraga Yetaya nogo nen yorage logonet, “Aap ambi karume aakumi lek me kuum ari logonet, Ninogoba Ala woroorak tu ogobakkigirogo yakwi, Ndi, at nage logorak tu koonogo yakwi, Eeko logonip o, Yinuk, agan wage kaamunggup o,” yinuk, yoragagerak nogo ti, at Yaya aret wagagerak o.

Matiyut 3:4

At Yaya nogo, ayum ti, unta eeruwak paga ogobakkigirogo yikkolage, ndi, agabolo poorogo agabee'le yikkolage, eeppunuk logonet, at ambi ti, yibila inom, nggiin amburu inom, nengge nagagerak.

Lukat 1:16

At nen aakumi Iterali mendek apit aret yungguninuk inogoba Ala owagam ka woraawak nduk, eeppiige logogin o.

Lukat 1:76

Ndi, naput kat yi perak, ninogoba eerit nage logorak tu yarit nage logonok nduk, kaa'nduk nage logonet, aakumi inomaluk lek eerogo piige kenok, inagap ndariyak wone nogo, ineenu aruwak nduk, yoranet namenggendak paga kendage, At Tiyanak Lombok Menggerak Oone Yoraga yi aret o, yinuk, yokkogo logogun o.

Yaya 1:13

It aap nogo aakumi inapuri ndaganakwi kwak ndaganabulik o. Ndi, aakumi nggween paga mendek nen, “An naput ndarikit,” mba'nuk, ndaganakwi kwak ndaganabulik mban. Ata. Ala nen aret ndaganabeegerak o.

Yaya 1:34

an aret nenegen kage nagarik, Yi Ala aput aret o, yinuk, paganogo yokkiragi o,” yoragagerak.

Yaya 3:28

Ala nen leenogo mippereegerak nogo ti, an lek o. At eebe peebi woroorak nduk, an we luulu naa'nduk nappani wagagerak o, yinuk, paganogo yokkiragagirak nogo, kit aret konenggo nogogutak.

Nappiigak 10:33

yo'nege mbaki, yonggo nappiigirak yokkiri nogo mbaka, neya wagandak me, nore wa. Neya wagandak me, yogondak kogoba Ala nen, Togop yoranu, yokkegerak nogo abok yo'niraanok nduk Ala enggaanom kuwak eeko o,” yinuk, yoreegerak.

Oroma 9:23

Ndi, ninabuwa nen teppinanege logonet, ninom tiyanak logorak nduk leenogo pinaneegerak nogo at mondok obeelom tiyanak logonet, oba ngginik kagak obeelom eeppinanegak mban eeke menggerak nineenu aruwok nduk, iniki mondok liippunuk eeppinanege logorak koongge kenok ti, nonggop o?

2 Timotiyut 2:21

Togop aret menggerak me, aap ambit-ambi togolowak koorak mondok obeelom wonage kokwak, at omaluk mbo pege kenok, at ogoba nen yi mendek ndi mendek obeelom iya lombok eeke logowak nduk, ogoba ake mondok leenak aret menggerak.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.

1 Yaya 2:28

Ndi, napuri niniki kunik yi wae. Peebi at woroorak nogo eyom paga nit ninenggali lek niniki teeluk logowok nduk, yogondak nen niniki ambit a'nuk Yetut ninom kunik aret logowok o.

Wayu 20:4

Pege mbaki, wone lengganogo yorogo menggam eyo ndoonogo pit nagaarak nogo kage nagarik, it ti paga kwi'ndak wonogwe nogo aakumi inowak loonggo logowak nduk, unde eeppiige kagarak. Ti kage nagarik, it Ala wone mugurok nogo logonet, Yetut wone paganogo yoragagerak nogo abet mba'nuk, yoranet nogwe iigak, inenggaanok mbanogo piyareegwaarak inogoma nogo iigirak. It ti nen, “At nggeewo aa'nduk lagi wagaarak eebe inom, ogut ogobakkigirik nogo inom, nit alut eerugun lek o. Ndi, nggeewo endage nogo ti, nit ninenggaawak paga inom, nineenggi paga inom, ti kunduk, liiru mbanogo puurak lek mban o,” yinuk, yogwi iinok, inenggaanok mbanogo piyareegwaarak inogoma nogo ineenik a'nuk Keritut inom tiyanak logonet, wone lengganogo yorogwe iigak, tahun seribu aret age kagarak.

1 Tamuwen 7:5

Ti eeko mbareegwa, at Tamuwen nen, “Kit Iterali mendek abok aret o Mitapa taati kuwak ari nogwe kiinok, an nen kinake Aliku ALA yorikit o.”