Lukat 1:15 - Ala Wone Peenok Peebi Mbanak

¹⁵ At ninogoba Ala nen at aap nggwok aret kaagin o. Ndi, anggur amburu inom, amburu omaawi kumili aganake mendek inom, at nengge logogin mondok lek aret o. At awo agalo inikime nen Aberiniki inikime mondok liinik nda'narigin o.

Lukat 1:15 ပူးပေါင်းရင်းမြစ်များ

Wakkagagerak 12:2

Time namenggendak me, Nale'nggen koba pagage logonet, Kat paga nen kanebunu nggwok wigak yuwak nduk eeppagage, Kendage nggwok aruwak nduk tiyappagage, Eeriminggirak paga Aakumi ambik obeelom eeppiige logomunggun o.

Wakkagagerak 48:19

Yoreegerak kwe, at ogoba nogo nen, “Lek o, naput! Yagandak ti neenu aret o. At kunduk anebunu ambik age logomenggerik, endage nggwok aret arigin kwe, awuluk perak, endage mondok nggwok lombok age logomenggerik, apuri ndappiyamenggerak wigannarit nogo logonet, inanebunu ambik aret arugun me nduk, eeki o,” yoreegerak.

1 Mbinineegwaarak 17:8

Pege nagagirik, at nggeeme noorak iniki koombunuk nage kenok, an nimbirak aret nage, an naa'nduk a'nuk awim mendek inoorogo piige, eeke nagagirik, yogondak it aakumi nggween paga inendage warak lombok mengga kwak, at endage warak lombok togop aret eerogo pigin o.

1 Mbinineegwaarak 29:12

Yi mendek ndi mendek kat mban unde wonage me, Aakumi ineenggi warak eeppiige, Aap inayuk warak logorak eeppiige, Eeke menggendak o. Kat mban keenggi omaawi wonage, Yi mendek ndi mendek porogo wonage, Eeke menggendak me, Aakumi inendage tiyappiige, Yi aap ndi aap inomaawi eeppiige, Eeke menggendak o.

Ndawi 22:9

Togop eekwi kwe, an nagalo inikime nen wumbani wage, Nagalo elak awo nengge logonet, Koba panggombagakit nduk eeppanege, Eereegindak o.

Yeremiya 1:5

“Kagalo inikime awo keenggi-kiyok warak eerogo pagaga'lek logonet, keebe neenu wonage, Kagalo nen awo ndakkaka'lek kagak, keebe leenogo pagage, An nen yokkege neegak, it aakumi inanebunu lombok yoranet nege logonok nduk eerogo pagage, Eereegirak o.”

Yeremiya 35:6

Yorage mbareegi, onggo yo'nogo logonet, “Nit ninombo Erekap aput Yonarap nen, Kit inom, kit paga nda'narugun inom, anggur amburu nonggo logorak mondok mage o, yinuk, wone lengganogo yo'niragagerak me, nit anggur amburu nunggulik o.

Ala Unde 10:9

“Kat kapurilogwe kinom kinoorukwak, niyo anggur amburu ilik, amburu kumili aganake menggerak nogo mendek a, neenok, an ninom lambungge minggim nawooliya wurik me time unggwi noorak mondok mage o. Wone lengganogo yokkirage yi nogo ti, kapuri-kombowologwe nda'narit nogo logogun kinom mondok eeko logorak wone ti aret.

Takariya 9:15

Ndi, nogwe iigak, at Omaawi Lombok Menggerak Aliku ALA nen it ineebe op logowak nduk, nobarogo piige, Eerigin o. Togop aret eerigin me, at apuri nen it inawim nogo ineebe lek eerogo piigwi, It yugum anggen keele paga nggelembunuk nambukwi nogo paga tebenogo piigwi, Anggur amburu nenok ugun agan nugu mengga kwak kumili-kumili negen agan nugu logonet, aakumi ugun inoorogo piinet nogwe, Togolowak amiya eno korok togon toolak wonok Ala ake warogo wogogo menggam ogobakkigirik unggut-unggut kilirogo pit nogo mengga kwak Aakumi inoorit nogwe paga inamiya togop aret wambit nage, Eeke logogin o.

Lukat 1:14

Kat kiniki ale'nggen kage logonet, keyage ambik wake logomunggun o. Ndi, at nda'naremenggerak paga aakumi apit aret iniki ale'nggen mbako logogun o.

Lukat 7:28

At Yaya endage warak lombok nda'nagagerak kokwak it kumi inaagalogwe togop ti, ambi ndaganakulik kwe, Ala abu'me piige menggim inendage lek tebenak wonogwe nogo ti, Yaya tiyanak kagak at irimbaga lombok aret logogun o, yinuk, yokkiragi o.”

Lukat 7:33

At Yiime Wuppiiga Yaya nogo mbi inom, anggur amburu inom, nengga'lek aret wagagerak kwe, kit nen, Kugi inikime unggwegerak o, yogo monggotak.

Yaya 5:35

Aap Yaya ti, ndi wuninik abinak ambik eeke menggi kwak wonagagerak me, eya eekkinake kwak yokkirage nagagerak paga kiniki ale'nggen ne ambiriluk mbakotak kwe,

Nappiigak 2:4

Inoba arit nage kogwe iigak, it abok aret Aberiniki inikime mondok lik yit unggwage nagagerik, yorage kagak, it aakumi inalitak lombok inoone lalin negen woppunuk yogo nogogwaarak.

Nggalatiya 1:15

Togop tit eerit nage neegak kwe, nagalo inikime awo nda'naga'lek neegak, at nabuwa mba'nuk, mii'nake nagagerik, yonggo paneegerak Ala nogo nen

Epetut 5:18

Ndi, anggur amburu nonggo logomonggotik, kumili kunit namonggotak paga maluk eekkinaburak me, mbo punuk, Aberiniki mban kiniki me liinik logowak nduk, eeko logonip o.

Yotuwa 3:7

at Aliku ALA nen Yotuwa yoge, “An Muta nimbirak wonagagirak nogo pogom yogondak kat nimbirak wonage nogo it aakumi Iterali ineenu aruwak nduk, inenggaanom paga kat kendage tiyappagagin o.