Lukat 1:14 - Ala Wone Peenok Peebi Mbanak

¹⁴ Kat kiniki ale'nggen kage logonet, keyage ambik wake logomunggun o. Ndi, at nda'naremenggerak paga aakumi apit aret iniki ale'nggen mbako logogun o.

Lukat 1:14 ပူးပေါင်းရင်းမြစ်များ

Wakkagagerak 21:6

Ndake nagagerik, at Tara nen ari logonet, “An niniki ale'nggen paga i'ndok kambikit nduk, Ala nen eeppanegerak ndak-ndak it aakumi ando inaruk konembogo logomenggaarik, an eekirak paga iniki ale'nggen mba'nuk i'ndok kanggo logogun o.”

Kini Wuppiige 15:20

Apuluk iniki warak wonage paga ogoba iniki ale'nggen eeppege menggerak kwe, Wulaga iniki yuundurak wonage paga agalo meek eerogo pege menggerak.

Kini Wuppiige 23:15

Napuluk yi wae. Kat kiniki warak lombok wonage keenok, an niniki ale'nggen aret ee'nake,

Kini Wuppiige 23:24

Aap ambi iniki abe koonak wonage kenok, ogoba ale'nggen ambik aret mbake, Ndi, aap ambi apuluk iniki warak nen eerit nage paga at inikilom aret mbake, Eeko menggaarak.

Yeremiya 20:15

Ndi, Kapuluk kobaane'me nda'nagaarak nogo ti, aap aret o, yinuk, wone wonok nogoba yori wage mbareegi, Nogoba nen ale'nggen nggwok ombareegerak aap ti, pulunik aret logowak o.

Lukat 1:13

at malayikat nogo nen, “Takariya wae. Kagabiti mbarugun o. Kat tamban eeke nagagindak nogo Ala muk aruk koneneegerak me, kakwe Elitabet nogo kapuluk ndakkirigin o. Ndakkege kenok, at endage Yaya aret toonenu o.

Lukat 1:15

At ninogoba Ala nen at aap nggwok aret kaagin o. Ndi, anggur amburu inom, amburu omaawi kumili aganake mendek inom, at nengge logogin mondok lek aret o. At awo agalo inikime nen Aberiniki inikime mondok liinik nda'narigin o.

Lukat 1:58

Ndake mbareegi, at inom menggaarak inom, at owe-awot inom, ninogoba Ala abuwa nen abu obeelom eeppegerak konenggo nogogwaarik, at inom iniki ale'nggen eeko nogogwaarak.