Leendawi 5:7 - Ala Wone Peenok Peebi Mbanak

⁷ Nit ninogobamini nen maluk eeko nogogwaarak nogo ineebe lek ogogwaarak iigak, It inomaluk onggo inoba piyoorak nogo nit aret ninoba agagerak o.

Leendawi 5:7 ပူးပေါင်းရင်းမြစ်များ

Wakkagagerak 42:13

Yorage mbareegi, it nogo nen, “Ninogoba o. Nit kayeloman yi ti, o Kanan time ninogoba ambit nen nineebe 12 aret nda'ninabeegerak me, at age yobok ndarak ti, ogoba imbirak kagak wogoorak. Ndi, ambiret perak, kobak agagerak o.”

Wakkagagerak 42:36

Inagabiti ambik ogo nogogwaarik, Yakup nen yorage logonet, “An naput Yutup nogo eebe lek age, naput Timeyon nogo lek age, ndi, yogondak napuluk Mbeniyamin wonok noorak yogwe, eekwi ti paga an napuri tigitogon lek eerogo piyoorak eekwi me, aaninggin-paaninggin alik negen noba kwi'nagaarak wonage kagi o.”

Ayup 7:21

An nen kat koone taganogo pigirak kenok, mari eerogo panege, Ndi, maluk eekirak kenok, lek eerogo panege, Eeka'lek Nonggop nduk eeke agandik? An o yogondak liirubu enggela'me winnarigin me, Kat nen kwaa'nabit namenggendak kwe, Neebe lek aret neyaamunggun o,” yinuk, yoreegerak.

Ayup 7:8

Kat o yogondak kenegen neege kwe, Kenegen ambinom neyaamunggun lek o. Kwaa'nabit namenggendak kwe, neebe lek me, Neyaamunggun lek o.

Wundeegwaarak 20:5

wogoppiigo logonet, inabu'me tebe yi unggwogwe, inayuk wukwi, eeko logorak mage o. Naliku kinogoba Ala an nalik aret neegak, nobaane'me ambi mippunuk, ayuk wukwi kiinok, Neebi o, yinuk, nanini mbake minggirak me, yi aap ndi aap inanini nombako logonet, maluk eekwi nogo ti, it ineebe inom, inapuri inom, inombowologwe inom, it paga nen wiganak inom, an nen aaninggin inoba piige logogin kwe,

Yeremiya 14:20

Kaliku ALA wae. Nit abet aret maluk eerogo pagagoorak me, Nit maluk eeko monggoorak nogo nineenu age, Ndi, ninombomini maluk eeko nogogwaarak kunduk, Abet aret, inombakwi, Eeko ogoorik o.

Yeremiya 16:11

kat nen it yorage logonet, At Aliku ALA nen, It inombomini an mbo paninuk, an wonage neegak kugi mugurok nogo logonet inake eekwi, inayuk wukwi, eeko nogogwaarak paga aaninggin inoba kwippiyaagin, yegerak, yoraamunggun o. Ndi, it an mbo panugwi, eeko logorak yorage nagagirak nogo eeka'lek teppugwi, eeko nogogwaarak ti abet aret kwe,

Yeremiya 16:12

it inombowologwe yi perak, abunuk inobaabut maluk lombok eerit nogo agaarik o. An yorage nogo it mondok eeka'lek inogogumbuk logonet, maluk eeriyak iniki mbako menggaarak ti mban mugurok nogwe me,

Yeremiya 31:15

Aliku ALA nen yegerak nogo yi aret. “O Arama time nen iniki abu puru aago logonet, leenggu maake, Oone nggwok paga ai-ao ari, Eeke konenggaarak nogo ti, Kwe Araken aagalogwe ineebe lek agaarak me, Le mbannaburak mondok neebi o, mbake logonet, Inale ari ti aret,” yegerak o.

Yeremiya 31:29

“Ne ti eyom paga it aakumi nen, Ninogobamini eyo anggen ale mendek nunggwi paga inapuri ineyak ne agan nage menggerak o, yinuk, ambinom yogo logogun lek o.

Yetikiyen 16:58

Ugun ee'nabuwak o, yinuk, agan nege, ogole warak mendek eeke, eerit nage onggo obaalombok oba aret arigin o,” yinuk, Aliku ALA nen aret yegerak o.

Yetikiyen 18:2

“It Iterali wonogo menggam eekwi iinok, wone wakkagak yogo logonet, Ninogobamini eyo anggen ale mendek nunggwi paga nit inapuri nineyak ne agan nage menggerak o, yinuk, yogo monggotak ti, alom ngge nduk yogo monggotak o?

Takariya 1:5

It kombomini nogo, yogondak nggeeme wonogo agaarik? Ndi, it an nen yorage neegak yorogo nogogwaarak nogo, kangga'lek ineenik mondok-mondok wonogo agaarik ya?