Leendawi 5:6 - Ala Wone Peenok Peebi Mbanak

⁶ Ninambi ndak noorak wo'niraawak nduk, aakumi Metit mendek nineenggi ndek yorogwe, Aakumi Atiyut mendek nggino yorogwe, Eereegurak o.

Leendawi 5:6 ပူးပေါင်းရင်းမြစ်များ

Wakkagagerak 24:2

Ne ambi paga at Abarakam nogo nen at ayeloman mini inowe aap iniki warak lombok amindik-amendek abok aret ndegeninake menggerak nogo yoge logonet, “An naput Itak akwe wogoriyak nduk, it aakumi Kanan mendek an ninom wonogwe yi, inapuluk ambi kwaariyak abu mage o. Ata, an wonagagim nawi alom paga nage logomenggendik, noreewi inapurilogwe ambi kero, kwaarenok nduk, kat keenggi nogo'ne'me pi'nake logonet, at mbogut-nggween wakkagagerak Aliku Ala owak o, yinuk, kumbuk mbanu o.”

2 Endagembogut 10:15

Inoorogo piinok, o time nen wage logonet, aap Erekap aput Yonarap at ka nage me, imbirak lambumbunuk at Yeku nen Yonarap nogo keyage wappunuk, yoge logonet, “An eeri nage yi ndak-ndak, kat eeppagarak mbarulik kwe, Op aret, eerit nage nombake ilik, lek a?” Yoge mbareegi, at Yonarap nen, “Op aret mbake agarik o.” Yoge mbareegi, aap Yeku nen, “Ti kenok, keenggi nippi mok.” Yoreegerak eenggi nippege mbareegi, at Yeku nen eenggi yabonogo nggweendo paga kwippi lagangge nagagerik,

Yetaya 57:9

It nen amburu obari abe mendek wonok kugi Molok alut eerit nogwe, Obari abe eeka mendek inagabolo paga eekwi, It aap o nda time inagugi ninom eeruwok o, yinuk, yonggo nappugwi, Aakumi kambunuk nogo menggam lombok kwaarit wambi nogwe, Eeko menggaarak o.

Yeremiya 2:18

Togop me, yogondak niyo Nin toologo nawak nduk o Metit nogwe ti, nano eekkoloorak nduk nogwe, Niyo Eparat toologo nawak nduk, o Atiyut time nogwe nogo ti, nano eekkoloorak nduk nogwe, Eeko agaarik?

Yeremiya 2:36

Yeenggwa niraawak o, yinuk, ambi me nagak ambi me nagak eerit nugwi ti, nonggop nduk eerit nogo agaarik? It Atiyut mendek eekwi paga inenggali ogogwaarak kwak it Metit mendek nen eeginaburak ti paga togop aret inenggali arugun o.

Yeremiya 50:15

O Mbaben yendok-wandok mi'na'nuk, Nawim o, yinuk, keekok piyanggogo logonet, unggwogwe iinok, At eegin-omaale munogo punuk, Wim mage o, yinuk, eenggi nippege, Wim nggayo wurik nogo mi-mi wangge, Yugum pak wurik langgu-langgu wangge, Eeke agaarik o. Naliku ALA maluk eeppanege onggo eeppuurak yi aret me, eeppanege onggo eeppogo logonet, At nen aakumi eeppiige nagagi kwak at ndak-ndak eerogo pogo logowak o.

Leendawi 4:17

“Nit yeenggwa niraawak lak, ao,” mba'nuk, ninigen na'nagak mban eereegurak kwe, We aanom warogo aret ninigen andi mban ee'ninabeegerak. Aakumi inanebunu ambi nen yeenggwa nira woraagun nduk, o nggayo logorak wurik paga nen toriigo nogogurak kwe, Yeenggwa nira woroolik aret o.

Oteya 12:1

O wiya mugurok nogo logonet, ambi kola nogolik aanom warogo mugurok nogo mengga kwak, It aakumi Eparayim mendek togop aret eerit nogwe, O wiya oonegen lagi wage menggim pa'nggwe nen warit wage nogo mugurok nogwe iigak, O kubondendok nen o kiyoma ari nage menggi kwak eerit nogwe, Eeko agaarik o. Togop eeko logonet, pilit pugunit nogwe nogo nggwok wigak ari, Aakumi maluk eeppiinet nugwi nogo mban pilak ari, Eeke kagak It aap Atiyut mendek ninom yogop eeruwok o, yinuk, iniki ambit eeppunuk wone koonogo pugwi, “Nit ninoreewi aret o,” mbaruwak nduk, tayitun amburu wonok o Metit nogwe, Eeko agaarik o.

Oteya 5:13

It Eparayim mendek nen andi lombok inoba kwi'nagagerak nogo kogwe, It Yekura mendek nen inawin kunik maloppakwi, Eeko nogogwaarik, It Eparayim mendek ti, O Atiyut nen yeenggwa nira woraawak o, yinuk, Aap endagembogut abu tiyanak nogo wonage me yonggo nappiyareegwaarak kwe, At nen obeelom eerogo piya wage, inawin nogo lek eerogo piya wage, Eerulik o.

Oteya 7:11

It Metit mendek nen yeenggwa nira woraawak o, yinuk, yora nogwe, Ti'nuk, it Atiyut mendek nen yeenggwa nira woraawak o, yinuk, inowagam nogwe, Eekwi me, It Iterali ti, towe puume iniki lek we negen wi-wi eeppuurak kwak wonogo agaarik o.

Oteya 9:3

Aliku ALA nen kit Eparayim nggween wokkiragagim nogome wonogo logomunggup lek kiniyokan o Metit nogwe, Ndi, o Atiyut time nen mbi ogole warak mendek nunggwi, Eeko logomunggup o.