Leendawi 5:14 - Ala Wone Peenok Peebi Mbanak

¹⁴ Aap inanggok o kota tu unggwogo menggam kuwak ari waga'lek wonogwe, Wologwe tawe nggitat oone eeka'lek wonogwe, Eeko agaarik o.

Leendawi 5:14 ပူးပေါင်းရင်းမြစ်များ

Ayup 30:1

Togop eeppiige nagagirak kwe, Yogondak it nen aret nagi'ndok kanggwi, An aa'nduk ndarak neegak kwe, It peebi ndarak nen meek eerogo panugwi, Eeko agaarik o. It inogobamini nogo ti, Naanggumi ndomba inarum menggerak nggeewo nogo Inom inarum logowak nduk piyoorak kwe, Inanggok a'nuk inamiya lek agaarak paga An yeenggwa niriyak inomaawi lek me, Abu meek aret iyareegirak o.

Ayup 30:31

Nanggitat nen le ndawi mban tiyangge, Nenggawiwak nen leenggu maako menggaarak mban ari, Eeko agaarik o.

Yeremiya 25:10

“Ti eeke logonet, it wonogwe me time inale'nggen mbakwi, iniki ale'nggen nggelok ari, eeko logonet, inoone yogwe nogo lek eerogo pege, aap akwe kolage me inale'nggen nen noone-koone yogwe nogo lek eerogo pege, gandum yigika yugum oone ne-ne ari nogo lek eerogo pege, ndi, ndi wuninik nogo nogonogo pege, eerigin o.

Yeremiya 7:34

O yime nggween mondok mbuk arigin me, Yekura kota-kota inom, o Yerutalem tu paga tu paga inom, iniki ale'nggen nen inoone amburu paga agan nugwi, kumi-aap lambuninako logonet, inoone agan nugwi, eekwi nogo an nen lek eerogo piyaagin,” yegerak o.

Leendawi 1:19

An ninom kunik nogo nen yeenggwa niruwak nduk, wiiragagirak kwe, E o, E o, mban yo'nugwi, It aap Ala unde narum wonaga inom, it aap noweewi inom, ineenik logowok nduk, inambi kwaakko'net nugu logonet, O kota yime abok aret kambit nogwe, Eereegwaarak o.

Leendawi 1:4

Inale'nggen paga laago nggwok lariyak koonak nogo lari waga'lek iinok, o Tiyon nogo menggam tu nogo nen le ari, O Tiyon tu unggwi wogo menggam abok aret aakumi nebek lek iinok, it aap Ala unde o time eekwi nogo nen, “Nonggop eeruwi o?” yinuk, iniki piirik wonogwe, At aagalogwe komologwe tawe nen iniki wakkologwe, At kunduk, iniki andi eerogo pake, Eeko agaarik o.

Leendawi 2:10

O Tiyon Aagalukwe oweewi nen inarugup nggobok togon eerak nggween paga kwi'ndak wonogwe, Liirubu inanobak paga yumbunogo pakwi, Inayum nibinik maluk mendek yikkologwe, Ndi, o kota Yerutalem aagalogwe komologwe nogo nggween paga inanep kumbunuk wonogwe, Eeko agaarik o.

Yetikiyen 26:13

O kota time inale'nggen nen ndawi warit nogo logonet, noone-koone yogwe, nggitat oone eerit nogwe, eekwi nogo an nen lek eerogo pigin me, ambinom inaruk konenggo logogun lek o.

Oteya 2:13

At nen obari abe kaga it kugi Mba'an inake kani kungge, Obaanggi-obaangge eeke logonet, iinggen enggaanok me yikkolage, aruk ayo eekkolage, Eeke nagaatik, It at iniki kunik eeko menggaarak nogo muguren nage logonet, ami eerogo mbo paneegerak me, An nen aaninggin at oba kwippigin o,” yinuk, at Aliku ALA nen aret yereegerak o.

Pelaareegerak 16:18

Yorage nagagerik, ambi yorage logonet, “At Aliku kinogoba Ala o wokkiramenggerak kinawi kota alitak lombok logonet, aakumi li'lak inawone amburu mbanggo logowak nduk, aap inowak loongga inom, inanebunu inalitak lombok wone lengganogo yoraga inoweewi inom, mippiyaamunggup o.

Wayu 18:22

Kit o Mbaben monggotak yi, It aakumi inanebunu lombok abok aret iya kinombaruwak nduk, tili paganit nogo logonet, nomoniren nogwe, Ndi it Ala apuri alik leenak inom, Ala nen yorage kagak yoraga inom, nogo inamiya nunggwi, Yi aakumi ndi aakumi nggween paga menggaarak abok aret inoorogo piinok, inamiya nunggwi, Eekwi nogo, Ala nen kiyareegerak me, Mbuti luu'ngget inom, nggawiiwak luu'ngget inom, nggitat inom, oone nggwok eeka trompet inom, O kota time nen oone eerit nogwe konenggo nogotak nogo ambinom konenggwi, Yi aap ndi aap nen yi mendek ndi mendek ineenggi paalo eerogo patit nugwi, Gandum yigiko logonet, inale'nggen paga inoone agan nugwi, Kwe amili lako logonet, inale'nggen nen noone-koone yogwe, Eerit nogo logonet, inoone konenggwi, Eekwi nogo abok aret ambinom eerit nogo logogun mondok lek o. Ndi, o kota nggwok me, ndi ambik wunuk agan nage nagaarak nogo yogondak ambiriluk ambi wunuk agan nage kogo logogun mondok lek o,” yinuk, ari naruk konenggirak.