Leendawi 4:7 - Ala Wone Peenok Peebi Mbanak

⁷ It inoweewi nagawan-nagawan ti, ndugu-ndugu abinak kwak lek, ineebe abu abe kikak naka'lek wonogwe, Inagabolo ti, yanggwi lan ari menggi kwak lek, abu alik lombok wonogwe, Ineebe ti, anen pera aago wonogwe, Ndi, yugum abinak lan ari menggi kwak inete togop aret wonogwe, Eerak wonogogwaarak kwe,

Leendawi 4:7 ပူးပေါင်းရင်းမြစ်များ

Ayup 28:16

Mbuti emas abu abe o Opit mendek nogo paga kunggwi, Yugum kere'li-kere'lo eerak onggo nggwok yebibit ilik, ye kibu-kibu a? ti paga kunggwi, Eeriyak meek o.

Ayup 28:18

Ye nogo inom, Yi yenggenak me yugum alok ko aago paga inom, Ti paga onggo ndak-ndak lek me onggo pugwi, Eeko logorak meek o. Iniki warak nogo ti iya lombok me, Yugum kundali iya aret kwe ti paga kunggwi,

Ndawi 144:12

Ti eeke keenok, ninapuri wologwe ti, Yi mendek ndi mendek awi yarak mbilangge nagaatik, Abe nggwok lagangge menggi kwak wonogwe, Ndi, ninapurilogwe komologwe ti, Aap endagembogut awi o nggwok abe wurik Eyak yinik paga enete abe kaawak nduk, Ayo waganogo pugu kwak wonogwe, Eerugun o.

Ndawi 51:7

Wumukot amburu paga noba koorogo panege keenok, Niniki abu koorak aret age, Ndi, yi paga koorogo panege keenok, Ndugu-ndugu kwak niniki yanggwi lombok age, Eeruwak nduk, eeppanu o.

Wundeegwaarak 24:10

yugum nilam mbogut mili ket yanggo aago ndik tabak ndoonak negen me, Iterali inogoba Ala iyok ti paga punuk mi'ndak wonage inigen kogogwaarak.

Ndawi Iya 5:10

At niniki kunik ti, Enete teretak wonage, etenggen mbeyo aago tawe wonage, Aap sepuluh ribu wonogwe inenggela'me at tiyanak lombok wonage,

Ndawi Iya 5:15

At owak mbelan ti, yugum muuni paga ogobakkigippunuk, iyok mbuti emas paga kwi'ndak menggi kwak wonage, At eebe ti, eyo nggabina yerek-nggorek abu obeelom o Libanon menggi kwak wonage,

Ndaniyen 1:15

Ne 10 abu aret ari nage mbareegi, pegiige nagagerik, it aap tawe at aap endagembogut ambi nonggo nogogwaarak nogo, ineebe abok aret meek negen iyareegerak kwe, at Ndaniyen oreewi inom perak, ineebe obeelom mondok inomaawi ambik wonogwe iyareegerak.

Lukat 1:15

At ninogoba Ala nen at aap nggwok aret kaagin o. Ndi, anggur amburu inom, amburu omaawi kumili aganake mendek inom, at nengge logogin mondok lek aret o. At awo agalo inikime nen Aberiniki inikime mondok liinik nda'narigin o.

Owak Loongga 13:7

at nen mban an yo'nege logonet, Kat kabila age logomenggendik, kaagaluk aap aret ndarumunggun o. Wulaga ti, nda'narigin kuli nen nok, kambi noorak kuli paga Ala ake leenak aret logogin me, kat anggur amburu inom, niyo kumili eeginaka mendek inom, yi mendek ndi mendek noorak mage yugu mendek inom, nengge logorak mage, yo'negerak o,” yinuk, yoreegerak.

Owak Loongga 16:17

Mbake nagagerik, wone inikime kiraarak wonage nogo abok aret paganogo at yoge logonet, “An nda'nagagirak kuli nen neebe yi nogo Ala ake leenak logokit nduk, eerogo paneegerak me, inamboro mbangga paga neeruwak abu mbannakulik aret minggirak o. Ndi, an neeruwak mbaniyak kenok perak, an nomaawi abu lek a'nuk, it aakumi inomaawi lek mengga kwak an togop aret ee'nabigin o,” yinuk, yoreegerak.

1 Tamuwen 16:12

Yoge mbareegi, at Itayi nogo nen aap ambi apuluk wa nawak nduk, nappereegerak wonok wage mbareegi, etenggen teretak eebe abu kigirikwe mondok yelok abe wonage mbareegi, at Aliku ALA nen Tamuwen yoge, “An miikkirak nogo yi aret me, mi'na'nuk, amburu oba kilippu o.”