Leendawi 4:5 - Ala Wone Peenok Peebi Mbanak

⁵ It aa'nduk nen mbi-mbiingga ombat abe mban nunggo nogogwaarak nogo, yogondak inambi abu nen tu paga kambit nogwe, It maan nen nogo yum abe laambu paga nogo yogo nogogwaarak nogo yogondak nen aakumi inambeebuk pugu logonak paga nogo yugwi, Eeko agaarik o.

Leendawi 4:5 ပူးပေါင်းရင်းမြစ်များ

2 Tamuwen 1:24

Kit kumi Iterali mendek yi wae. At Tawun nen kinayum abe laambu yirippinagage, Mbuti emas paga kinayum obaanggi-obaangge eerogo punuk wokkirage, Eeke nagaarak me, Arigi nen leenggu maa'nip o.

2 Endagembogut 18:27

Yoreegwaarak kwe, aap wim eeka inowe nogo nen it yorage logonet, “Kit kinogoba endagembogut kinom mban wone yokkiroorak nduk, nogoba nen nappani wagaarak mbakop? Lek o. It aakumi pak wurik irimbaga kwi'ndak wonogwe ti, kinom kinaan wuppatinuk nunggwi, kinomayo tenembunuk nunggwi, eerumunggup me, wone yi, kit abok aret yokkiroorak nduk, nappani wagaarak o.”

Ayup 24:8

Puut nggelok-nggobok paga mayu nggulu aago nugwi, It ineebe op logowok nduk, yugum lunik me nabennari unggwogwe, Eekwi iigak,

Kini Wuppiige 31:21

At ogonggelo-aagalogwe inom yum togwi yum yirik wonogwe me, ndugu-ndugu miin tu eerogo pit wage kenok, at agabiti mbaka'lek wonage,

Leendawi 1:11

At aagalogwe time menggaarak abok nen mbi kwaarit nugu logonet, “Ai-ao,” yogwe, Kangga'lek ineenik logowok nduk inamendek onggo iya mendek paga mbi kunggologwe, Eeko agaarik o. Eekwi me, “Kaliku ALA wae. Aakumi nen, Ogole o, yinuk, yo'nugwi yi, kenegen pe'neege, liippanege, Eeke logot o.” Yinuk, yoge agaarik o.

Lukat 15:16

Nappereegerak nage nagagerik, arum wonage logonet, Naanogum pale yuwak nduk, mbi agabolo yibirik wam nengge yi, an nengge logokit lak ao, mbareegerak kwe, aanggo unde nogo nen mbi agabolo at wogoga'lek aret wonagagerak.

Lukat 16:19

Yorage nagagerik, wone ambi yorage logonet, “Aap ambi eenggi warak lombok me, ayum laambu kigirikwe mban yikkolage nagagerak. At ko'lu-kii'me paalo aago mban logonet, ale'nggen mban wonagagerak.

Lukat 7:25

Nano mendek kaawok nduk nogotak? Aap ambi yum kigirikwe yirik kaawok nduk, nogotak? Wologwe! Yum kigirikwe yikwi, obeelom mban wonogwe, eekwi nogo ti, aap inendagembogut iname nogome mban menggaarak o.

1 Timotiyut 5:6

It kumi ineenggi eekwi lek amburu warak mban na mbarit nugwi iinok ti, ineenik wonogwe kwe, kambak negen aret wonogwe o.