Leendawi 4:10 - Ala Wone Peenok Peebi Mbanak

¹⁰ Togop me, it an nanebunu mendek inoorogo piinet nogogwaarak ti eyom paga Kumi iniki yanggonak mendek nen it inaagalogwe lombok aret kagak inambi negen inoorogo lakkologo nogogwaarak.

Leendawi 4:10 ပူးပေါင်းရင်းမြစ်များ

2 Endagembogut 25:3

Ndi, tut 4 penenak tanggal 9 paga o kota time aakumi inambi noorak abu lek aret agagerak me, mbi abu mondok iya aganabeegerak.

Yetaya 49:15

Ari kenok, at Ala nen ari logonet, “Kwe ambi aagaluk awo elak nengge kagak ami age, Ndi, at lombok nen ndareegerak nogo abuwa mbaka'lek mbo pege, Eeriyak op mbaken? At aagaluk mari eerogo pemenggerak kwe, an perak, kat o Tiyon nogo koba mari eerogo pagagin lek o.

Yeremiya 19:9

Inawim nen oonda mbanogo inoorit ungguwok nduk wakkagak mban eekwi iigak, Mbi lek me nano nawi? yinuk, inapuri wologwe-komologwe inoorogo inenggaanggum nunggwi, inoreewi inooppunuk inenggaanggum nunggwi, eeruwak nduk, eerogo piyaagin, yegerak, yoret o.

Leendawi 2:11

An nanebunu mendek inenggaawak lek ogwe, Inapuri wologwe komologwe inom, elege ngget ndarak inom, o kota tu paga tu paga time inambuluk pit nogwe, Eekwi ti paga Le ari logonet nenegen piirogo panege, niniki andi lombok ee'nake, niniki awi lik-lek eerogo panege, Eeke agaarik o.

Leendawi 2:20

“Kaliku ALA wae. An eeppanege yi kwak, Ambi ta eeppigirak, nduk eeppanege agandik? Lek aret me, An yi, kenegen pe'neege, liippanege, eeru o. It kumi inaagalogwe inikime nen lombok ndarak inabuwa mbako logonet, ndegeninakwi nogo inoorogo nunggwi, Ndi, it aap keebe unde inom, yorage keegak yoraga inom, nogoba Ala kawi wurik alik leenak me nogome nen inoorogo piigwi, Eekwi ti, op mbaken?

Leendawi 3:48

An nanebunu mendek pup eerogo piigwi me, nale niyo wurik negen wurabit wage agaarik o.

Leendawi 4:3

Mba'ngge nen inaagalogwe inelak kuninako menggaarak kwe, An nanebunu mendek perak, ndiimbu o karume logonet, inaagalogwe inabuwa mbaka'lek mbo piinet nugu mengga kwak Togop aret eerit nugu agaarik o.

Yetikiyen 5:10

at enggela'me time nen it inogobamini nen inapuri lombok inoorogo nunggwi, it inapuri nen inogobamini inoorogo nunggwi, eeko logogun o. Maluk onggo aaninggin oba kwippege logonet, it ando yumbunik nogo o wiya kwak yumbunogo mappiyaagin o.

Ala Unde 26:29

Kwippiyaminggirak paga inambi abu nen inapurilogwe wologwe inom, komologwe inom, inoorogo nonggo logogun o.