Leendawi 3:58 - Ala Wone Peenok Peebi Mbanak

⁵⁸ Nogoba wae. An nawone mondok koonogo panege, Neenik logokit nduk, nagap ndarogo panege, Eereegindak o.

Leendawi 3:58 ပူးပေါင်းရင်းမြစ်များ

Ayup 35:14

Togop aret me, Kat nen, Ala eeke an kaga'lek aret, ari, Nawone mbanuwak o, yinuk, yogirak naana'le mbanigin me, tokkage agaarik o, ari, Ndi, ambi, It aap maluk eeka nogo at Ala liippiige, Anini mbake logonet maluk onggo eeppiige, Eekeelik o, yinuk, ari, Eeke menggendak ti paga Ala nen kat ari liippagarak mbaken? Abunuk koone konengga'lek mbo pagage logonet, At Ayup, Ai ao, ari ti, we aanom warogo ari, At eenggo'lek logonet, oone ambik agan nage, Eeke agaarik o, Yinuk, yokkirigin mbake logot o,” yinuk, yoreegerak.

Ndawi 103:4

Kambunuk nogo menggam mbuun ambena wambi nage me, non mbanogo pagage, Kabuwa lombok nen iniki kunik mban eekkake,

Ndawi 34:22

At Aliku ALA nen, At ayeloman mini nogo wondet eerogo piige, Ndi, ineebe op logowok nduk abu'me ari unggwogwe nogo Aaninggin inoba kwippiiga'lek teppiige, Eeke menggerak o.

Ndawi 71:23

Nagap ndarogo paneegindak an nogo nen Ndawi paga kalut eeke logonet, Niniki ale'nggen lombok nen kuum-keek ari logogin o.

Ndawi 9:5

Kat nen yi aakumi ndi aakumi mberirage, It maluk eeka nogo lek eerogo piige, Inendage mondok-mondok lek logowak nduk, kagaarogo piige, Eekendak o.

Yetaya 51:22

At kogoba Aliku Itok Menggerak ALA nen, At apuri inawone koonogo piiga kogoba Ala nen yegerak nogo yi aret. “Amburu toolak nenok, neyak-kweyak agan nege, Peebi noorak lek yogondak mban nanini eeppagarak toolak nogo nengge, Eekendak nogo Keenggi me nen abet aret waganggirak o.

Yeremiya 11:20

Togop eeppaniyak yagaarak kwe, eekaatak a'me nggelok eeppiige logonet, inowak loongge, Nit niniki mbakwi, Ndogop eerikit, niniki koonggwi, eekwi nogo ninabut mbangge, Eeka Komaawi Lombok Menggendak Kaliku ALA wae. Nawone amburu mbanenok nduk, neebe aret wokkigirak me, kanini nen it eeppiige keyaakit o.

Yeremiya 31:11

Naliku ALA nen it aakumi Yakup mendek nogo inonggo mbanogo piige, It aakumi mondok inomaawi wonogwe ineenggime nen wondet eerogo piige, Eerigin me,

Yeremiya 38:13

at Yeremiya niyo kabunik me nen keele pugunik nogo paga yabonogo nippi wogogwaarak. Nippi wogo mbareegwa, at Yeremiya nogo aap endagembogut awi nggwok abe wurik tum waka inawoore'nggam nogome aret wonagagerak.

Yeremiya 50:34

Togop eerogo piinok wonogwe kwe, an Wondet Eerogo Piiga ti, nomaawi wonage, Nendage ti, Nomaawi Lombok Minggirak Naliku ALA aret o. An nen aret it Iterali inanggween paga wonogo logonet, inabolok lek logorak eerogo piige, Ndi, it o Mbaben wonogwe perak, inabolok mban yogo logorak eerogo piige, Eeruwak nduk, Iterali inawone liirogon amburu mbanogo piige logogin,” yegerak o.

Yeremiya 51:36

Togop aret me, Aliku ALA nen yegerak nogo yi aret. “An nen napuri Iterali inawone mbanogo piige, It maluk eeppiigwi onggo eeppiige, O Mbaben aniyo laut yenggenak nogo woloonogo pege, Aniyo eneeri nogo poronogo pit nage, Eeke neyaagun o.

1 Tamuwen 25:39

At Naban kambeegerak nogo Ndawut aruk konengge nagagerik, ari logonet, “At Naban nen miyuk-meya eerogo panege mbaki, warikit nduk, eeke neegak, Aliku ALA nen pi'nake nagaarik, naana'le mbangge logonet, at maluk eeppanegerak nogo onggo iniki nen aret wakkolaawak nduk, eeppegerak me, at Aliku ALA endage tiyappege agarik o,” yereegerak. Ari nagagerik, at Ndawut nogo nen kwe Abigayin kolaakit nduk ayeloman mini yonggo nappiyareegerak.