Leendawi 3:53 - Ala Wone Peenok Peebi Mbanak

⁵³ An kambikit nduk nggween kabunik me mbo wuppaninuk yugum paga togu eerogo nookwi, Eereegwaarak o.

Leendawi 3:53 ပူးပေါင်းရင်းမြစ်များ

Yeremiya 37:16

Keele maarogo mambiigak o abu'na nggween nenaarogo pit nogogwam ambi me mambereegwaarak wonage kagak, o ndime ari nagagerak.

Yeremiya 37:20

Nogoba kendagembogut wae. An yokkirikit mbakirak yogondak yokkege yi, mbo puurak mage o. Ata, karuk liirogon konengge logot o. O apit inake liiru mbangga aap Yonatan ame niyokan nappanege keenok, kambigin aret me, time nappaniyak mage o.”

Yeremiya 38:6

Yorage mbareegi, it nen Yeremiya wonok aap endagembogut awi wurik tum waka inawoore'nggam aap endagembogut aput Malikiya aniyo kabunik me time eebe keele pugunogo wuppereegwaarak. Wuppogo mbareegwa, nggween kabunik nogo niyo yenggenak lek purok mban wonage me, Yeremiya nogo yobok togon wambeegerak.

Yeremiya 38:9

“Nowe kendagembogut wae. It aap yi nen Ala yoge kagak yoraga Yeremiya eebe waganogo niyo kabunik me wuppegaarak nogo, o kota yime oroti abu lek arit nage paga kambuwak nduk, eekaarak ti, mondok maluk aret eekaarak o.”

Ndaniyen 6:17

Yoge mbareegi, mbuun ambena wuppereegwam nogome yugum tabak ambi waganogo ambe nogo nobappereegwaarak. Yugum nobappereegwaarak nogo paga aap endagembogut nen, “Wumbuurak mage,” ineenu aruwak nduk, at eenggime yirik nogo paga amburu pege, at awuri nagawan-nagawan ineenggime yirik nogo paga amburu pugwi, eereegwaarak.

Ndaniyen 6:18

Pogo nogogwaarik, at aap endagembogut nogo awi nggwok abe wurik me nogome nage nagagerik, oonikiya paga mbi-niyo nengge, “Niniki ale'nggen eerogo pani wa'nip o,” yinuk, ambi yorage, eeka'lek, “Nonggop aga,” yinuk, iniki nggiluuge wonage kagak, o kilim nagabeegerak.

Yunut 2:1

Yunut nogo yikwe inikime nogome yonggolak wonage logonet, Aliku ogoba Ala yoreegerak.

Matiyut 27:60

ndoome yugum eno nendaarogo pateegim mambege nagagerik, yugum tabak nggwok laganogo tungga nappunuk, nagagerak.

Matiyut 27:66

Yorage mbareegi, nogo nogogwaarik, “Yugum narak worekkagaarak kaamun ilik?” yinuk, wa'mbok punuk, it yigin unde nogo nen aap warak pereegwam nogome tum wako logowak nduk, piinok, nogogwaarak.