Leendawi 3:39 - Ala Wone Peenok Peebi Mbanak

³⁹ Nit aakumi aret me, maluk eekwi paga aaninggin ninoba kwippinanege kenok, nonggop togon, “Yi eeppinanege ao,” yinuk, yuurak mbakop?

Leendawi 3:39 ပူးပေါင်းရင်းမြစ်များ

2 Endagembogut 3:13

Ka wogo mbareegwa, at Elita nen aap Iterali inowe endagembogut yoge, “Kat an nimbirak yuurak wone ambi wonage kenok wagan a? Kagalo-kogoba wone yoraga nogo nen yokkiruwak nduk, nak o.” Yoge mbareegi, Iterali inowe endagembogut nen onggo ari logonet, “Togop yugun ubi! Nit aap ninendagembogut kenagan yi, waganogo aap Mowap ineenggime pinanikit nduk, Aliku ALA nen ninayonggo pinanegerak kenok, keya wogo o.”

2 Endagembogut 6:32

Ari nagagerik, aap ambi Elita wonage me aa'nduk nage logowak nduk nappereegerak awo nage kagak, at Elita nogo aap inoweewi inom at ame kwi'ndak wonage logonet, it yorage, “Aap inooka nogo nen an nenggaanok mbanikit nduk nappi wagaarak kineenu ilik, lek a? Aap nappi wagaarak yime wage kenok, name unggwi worookwak, kit tu nappunuk, kineenggi panggombunuk logonu o. At ogoba iyok oone agan ambokan wage ninaruk konenugun nogo lek a?”

2 Endagembogut 6:33

At Elita nogo wone ti awo yorage me, aap nappi wagagerak nogo aa'nduk wage, ndi, aap endagembogut nogo ambokan wage, eeko nogogwaarik, aap endagembogut nen yoge logonet, “Aaninggin-paaninggin ninoba agaarak yi, at Aliku ALA nen aret eeppinanege me, at Aliku ALA nen ambi yeenggwa nirigin me nduk, tokkage logorak mbaken? Lek o,” yinuk, yoreegerak.

Etara 9:13

Nit maluk lombok eerit nogwe, wone yugu abu iya tit lalenogo pugwi, eereegurak paga aaninggin ninoba agagerak yi aret kwe, maluk eeko nogogurak onggo kat ndak-ndak ninoba pinanulik ando yumbunik iluk wondet eerogo pinaninuk, wo'niren wagandak me, ninogoba wa!

Ayup 15:13

Kat kanini nen Ala mberege, Koone yuurak lek mendek mban wunabit nage, Eeke ti, Nonggop nduk eeke agandik?

Ndawi 107:17

It ando iniki lek wi negen logonet, “Ala eeriyak mbake nogo nineebi,” mbakwi paga andi-pandi aganake, Maluk eerit nugwi paga aaninggin-paaninggin inoba kwi'nage,

Kini Wuppiige 19:3

Aap ambi iniki lek wi negen eerit nage paga maluk aret eekkolage nagaatik, anini wuk togon Aliku ALA mberege menggerak.

Yetaya 51:20

Kaagalogwe wologwe iniki lek a'nuk ngginnogwe, Nggwiya keele yilinik kin paga mengga kwak, it togop aret tu nggwok paga ngginnarit nagaarak wonogwe, Eerak aret agaarik o. Aliku ALA anini toolak nogo wogorage, Kogoba Ala nen mberirage, Eekerak paga Ndonggoppiigerak inaanogum panggo eerogo piinet nagaarak agaarik o.

Yeremiya 10:19

Togop me, nit andi-pandi ee'ninake me, ninabuwa o! Ninawinde-ninobaande ee'ninakerak nogo lek ariyak meek aret o. Niniki mbako logonet, “Andi kagak puk arugun,” mbakoorak kwe, meek tit ee'ninake agaarik o.

Yeremiya 30:15

Wone yugu kagak iya tit taganggwi, Ndi, maluk nggwok lombok eekwi, eekwi paga An nen aret aaninggin inoba piyareegirak me, Inawin kunik andi lek ariyak iinggen nogo lek kenok, andi nen, Nawin o, yinuk, nonggop nduk inoone nggwok paga yogo agaarik?

Leendawi 3:22

Aliku ALA ninabuwa mbake logonet eeppinanege nogo ti, lek aga'lek eeppinanegak mban eeke, Iniki kunik lombok ee'ninake paga ninoorogo pinanega'lek teppinanege, Eeke menggerak ti aret.

Ala Unde 26:43

Togop eerigin aret kwe, an nen eeko logorak wone yorage nogo meek mbakwi, ndi, wone lengganogo yoragagirak nogo eeriyak, Nineebi o, yinuk, noone taganggwi, eeremenggaarak nogo ti, maluk aret me, piya woroorak torinake logonet, inanggween nogo lubungge kagak, yi tahun ndi tahun yi mendek ndi mendek yaka'lek ineebe lek o wogo aret teppuwak nduk, eeppiyaagin o.

Mika 7:9

Nit Ala abet aret maluk eeppogoorak me, Aliku ALA ninawone mbangge, “Eekaarak onggo ndogop eeppiyoorak o,” yinuk, a'me nggelok eerogo pinanege, Eeka'lek kagak, At anini eeppinanege nogo, “Op aret o,” yinuk, waganggo logogun o. Nit o apit me nen wo'niren o eya paga pinani wage, A'me nggelok eeppinanege, Eeke kaagun o.

Linggineegwaarak 11:11

Mbake nagagerik, at Aliku ALA yoge logonet, “Kat nonggop nduk an kayeloman yi, maluk eerogo panege agandik? It Iterali mendek wogoren wage, inawone mbangge, eerit nege minggirak kwe, nabuwa mbaka'lek an nonggop eekirak paga it yogwe ti, Kat kobaalombok koonu o, yinuk, mbo panege agandik?

Linggineegwaarak 16:41

Ko'lu, it aakumi Iterali mendek abok aret, “Aap Muta Karun imbirak nen at Aliku ALA apuri aret kagak, inoorogo piigerak kiraap!” yinuk, ineebi-ineeba yogo nogogwaarik,

Linggineegwaarak 17:12

Eeke mbareegi, it aakumi Iterali mendek nogo nen Muta yogo logonet, “A o! Nit mondok ninenggaawak lek ogwe, kanggwi, eeriyak aret kogo o.

Wayu 16:9

Eeppege mbaki, aakumi yaganinabit nage kenok, it nen yogo logonet, “Andi-pandi yogobi eeppinanege me, ninomaluk mbo punuk, Ala endage tiyappogo logowok o,” yinuk, yuurak op aret kwe, kagak, inomaluk iniki kundugu patogo logonet, at andi-pandi eeppiiga unde menggerak Ala nogo endage miyuk-meya eerogo pit nogwe iigirak.