Leendawi 3:38 - Ala Wone Peenok Peebi Mbanak

³⁸ At Tiyanak Lombok Menggerak nen ari kenok, maluk mendek inom, obeelom mendek inom, ninoba age menggerak nogo lek a?

Leendawi 3:38 ပူးပေါင်းရင်းမြစ်များ

2 Tamuwen 16:10

Yoreegerak kwe, aap endagembogut nogo nen at Abitayi yoge logonet, “Kwe Teruya aagalogwe yi wae. An eeppanugwi nogo ti, kit kinobaalombok nen kooniyak lek o. At Aliku ALA nen, Ndawut pulunogo pu o, yoge paga pulunogo panugwi kenok, Nonggop nduk eeko ogotik o, yinuk, aap ta nen yoroorak mbakop?”

Ayup 2:10

Yoreegerak kwe, Ayup nen akwe nogo yoge logonet, “Kat kumi kumiligwe nen yogo mengga kwak ari agandik o. At Ala nen nit obeelom eeppinanege kenok waganggwi, ndi, maluk mendek eeppinangge kenok mbo pugwi, eeriyak nduk ari agandik ya?” yinuk, yoreegerak. Ti abok aret oba age kagak, Ayup nen wone ambi yereegerak paga maluk ambi eerulik aret o.

Ndawi 75:7

Ata, at Ala nen aret aakumi inowak looni woraagin o. Inowak loongge logonet, It ambi tebeppiige, it ambi tiyappiige, eerigin o.

Kini Wuppiige 29:26

Aakumi ambik nen, “Aap ninarum menggerak nogo ninom wone mbanuwok lak, Ao,” mbako menggaarak kwe, At Aliku ALA nen mban eekaatak a'me nggelok eeppiige menggerak o.

Wone Alom Kibingga 7:14

Ne obeelom logorak ari wage kenok, kinale'nggen mbakwi, Ndi, ne maluk logorak ari wage kenok perak, “Peebi ee'ninaburak nit aakumi nineenu arukwak, Ala nen ne obeelom logorak inom, ne maluk logorak inom, imbirak eerogo pinanegerak kogo o,” yinuk, liippugwi, Eeko logonip o.

Yetaya 45:7

O liingge wakkage, oonikiya wakkage, Obeelom eerogo piige, maluk eerogo piige, Eeke minggirak yi abok aret ti, Naliku ALA nen aret eeke minggirak o,” yinuk, yoge kagarak.

Yeremiya 32:42

Aliku ALA nen an yo'nege logonet, “An nen aaninggin mondok alik negen inoba piyareegirak ti pogom, peebi ineebe obeelom mban logowak nduk eerogo piyoorak yoragagirak nogo ndak-ndak aret eerogo piyaagin o.

Amot 3:6

O kota ambime oone nggwok eeka trompet nogo oone pu eekwi iinok, aakumi inogut nggigik ari menggerak lek mbakop? Ndi, at Aliku ALA nen it aakumi o kota ambime menggaarak nogo, aaninggin inoba kwippiyoorak koongga'lek kagak Aaninggin inoba kwi'nage menggerak mbakop?