Leendawi 3:37 - Ala Wone Peenok Peebi Mbanak

³⁷ Ninogoba Ala nen eeriyak wone lengganogo wumbenetak lek en aap ta nen, “Togop aruwak o,” ari kenok, a'ne mbakop?

Leendawi 3:37 ပူးပေါင်းရင်းမြစ်များ

2 Tamuwen 16:10

Yoreegerak kwe, aap endagembogut nogo nen at Abitayi yoge logonet, “Kwe Teruya aagalogwe yi wae. An eeppanugwi nogo ti, kit kinobaalombok nen kooniyak lek o. At Aliku ALA nen, Ndawut pulunogo pu o, yoge paga pulunogo panugwi kenok, Nonggop nduk eeko ogotik o, yinuk, aap ta nen yoroorak mbakop?”

1 Endagembogut 22:34

Teppunuk, wim namburit nogo logonet, Iterali inowe endagembogut nogo, aap ambi nen anggweendo paga wonok nage me, aap ambi nen omaale ugun namburogo nappereegerak arin yirik abo yobok me wake mbareegi, aap nggweendo paga wonok nege nogo yoge logonet, “An muk nookaarak me, wim nambukwi me yime nen nomoninuk wundi nak o.”

2 Endagembogut 6:33

At Elita nogo wone ti awo yorage me, aap nappi wagagerak nogo aa'nduk wage, ndi, aap endagembogut nogo ambokan wage, eeko nogogwaarik, aap endagembogut nen yoge logonet, “Aaninggin-paaninggin ninoba agaarak yi, at Aliku ALA nen aret eeppinanege me, at Aliku ALA nen ambi yeenggwa nirigin me nduk, tokkage logorak mbaken? Lek o,” yinuk, yoreegerak.

Ayup 10:13

Togop kwe, Yogop eeppikit, nomba'nuk eeppaniyak Kinikime kumaappatinuk wonage nogo, Neenu aret me, yokkiri o.

Ayup 2:10

Yoreegerak kwe, Ayup nen akwe nogo yoge logonet, “Kat kumi kumiligwe nen yogo mengga kwak ari agandik o. At Ala nen nit obeelom eeppinanege kenok waganggwi, ndi, maluk mendek eeppinangge kenok mbo pugwi, eeriyak nduk ari agandik ya?” yinuk, yoreegerak. Ti abok aret oba age kagak, Ayup nen wone ambi yereegerak paga maluk ambi eerulik aret o.

Wundeegwaarak 10:10

Yoge mbareegi, at Pirawun nen, “Togop kenok, Aliku ALA kinom namunggup o.” Ari nagagerik, ti'nuk, iniki yungguppunuk yorage logonet, “Kinakuwi-kinapurilogwe apit aret kinom noorak, yokkirage neenok ti, kiniki alik eeriyak koonit nookwak me,

Kini Wuppiige 16:9

Aakumi inikime nen, “Yogop eerikit, ndogop eerikit,” mbako menggaarak kwe, Aliku ALA nen perak, “Ti eeppunuk ti ee'nip o. Ti eeppunuk ti ee'nip o,” yinuk, koonogo yorage menggerak.

Kini Wuppiige 19:21

Aakumi nen yi eeriyak ndi eeriyak ambik iniki koonggo menggaarak kwe, Aliku ALA nen eeriyak mbake perak, aret age menggerak.

Kini Wuppiige 21:30

“Aliku ALA tebenogo puwok o,” yinuk, aap iniki warak nogo nen at yogwi, Aap yelok kaga nen, Wone ndogop yogwi niinok, “E o,” yuurak yelok kagarak me yogwi, Aap wone koongga nen iniki liirogon koombunuk yogwi, Eeremenggaarak kwe, meek aret kaagun o.

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Yeremiya 23:32

Aliku ALA nen ari logonet, “It aap, Nabi ndogop kagarak o, yinuk, pilit agan nugwi ti kunduk, neebi mbake minggirak. Wone yoraawak nduk, an nen lengganogo yorage, an nen nappiige, eerulik kwe, wone yuurak lek mendek kagak inoone ugun-ugun pilit agan nogo logonet, Nabi ndogop kagarak o, yinuk, yoranet nugwi paga it an napuri nomoniren nogo menggaarak me, it aap ti, aakumi yi, obeelom ambi eeppiyoorak lek kagak we aanom warogo agan nugu menggaarak,” yegerak o.

Ndaniyen 4:35

Aakumi inanebunu lombok nggween paga wonogwe abok aret, It iya lek o, inombake, Ndi, it mbogut paga inomaawi menggaarak inom, it yi aakumi ndi aakumi o nggween paga menggaarak inom, eeppiyoorak mbake kenok mban eeppiige, Eeke menggerak me, It aakumi nen at eenggi awiirogo pugwi, Ndi, Ti nonggop nduk eekendak o? yinuk, at yogwi, Eeriyak meek o, yinuk, yereegirak.

Oroma 9:15

Ala nen Muta yoge logonet, “An nen aakumi inabuwa nen teppiyoorak mbake kenok, teppiige, Ndi, obeelom eeppiyoorak mbake kenok, obeelom eeppiige, Eeke minggirak o,” yinuk, yoreegerak kenok, yokkiragi o.

Epetut 1:11

At eeriyak koonggetak ndak-ndak aret eeke menggerak nogo nen, “An napuri ndogop obeelom eeppiyaakit o,” yinuk, o maan togon nit nda'naga'lek niigak, koonogo pereegerak nogo ndak-ndak, Keritut eeremenggerak paga nit at apuri aret miirogo pinaneegerak wonogo ogoorik o.