Leendawi 3:30 - Ala Wone Peenok Peebi Mbanak

³⁰ Aap ambi nen aap ti wariyak eeke kenok, waruwak nduk, agandin wogoge, Endage maluk eerogo pugwi iinok, “Nendage maluk aret aruwak o,” yinuk, puk age, Eeruwak o.

Leendawi 3:30 ပူးပေါင်းရင်းမြစ်များ

Ayup 16:10

Aakumi nen, Kayik a! yinuk, nagi'ndok kanggwi, Meek eeppanggo logonet, nagandin telak nookwi, It apit nen inoone yi-wu yo'nugwi, Eeko agaarik o.

Ayup 30:10

Ogole o, yinuk, neya waga'lek tayorogon wonogwe, Netenggen paga inawoori lengge eerogo panggwi,

Ndawi 123:3

Togop aret me, Kaliku ALA wae. Nit abeelik-abeelek eerogo pinanugwi iinok, Wobi-wobe lombok ee'ninabit unggwage me, Nit ninabuwa mbake logot o. It aap ineenggi warak op mban menggaarak nen Miyuk-meya eerogo pinanugwi, It aap, “Nit iya,” mbaka nen Ninabok nggarik-nggarek yogwe, Eekwi iinok, Nineebi lombok ee'ninake me, ninarigi mbake logot o.

Ndawi 69:20

Meek mban eerogo panugwi ti paga nen niniki wakkolage, Niniki abu lek ee'nake, Eeke kenok, Nabuwa nombaruwak nduk toorinakitak kwe, Nabuwa mbaka'lek aret wonogwe, Niniki eyak wappani woraawak lak, “Ao,” mbakitak kwe, Niniki eyak wappani waga'lek aret wonogwe, Eeko logonet,

Ndawi 69:9

Togop aret kwe, kawi wurik nogo op logowak nduk, Niniki aganggen kerek togon eerit nage paga Niniki lek ee'nake kagak, Kat meek eerogo pagagwi nogo an noba aret age menggerak.

Yetaya 50:6

It an nooriyak eekwi iinok, nambot wogorage, Namboro wiiriyak eekwi iinok, nena koonogo nagiige, It meek eerogo panugwi, inawoori lengge eerogo panugwi, eekwi iinok, nenete kumaakkolaga'lek aret wonage, Eekirak o.

Mika 5:1

Togop aret kwe, “O Mbe'lekem-Eparata kat yi perak, It Yekura inanebunu mendek inenggela'me kat mbuuluk aret kwe, kat paga nen at ambi o aa'nduk iyaalok togon wonagagerak nogo, It Iterali inarum logowak nduk, mippigin o,” yinuk, yokkege kagarak.

Matiyut 26:67

Yogo nogogwaarik, woori enete me lenggenggogwe, ineenggi lingginik paga wakwi, ndi, ando ineenggi telak wakwi, eeko logonet,

Matiyut 5:39

an nen perak, Maluk eeppinagagwi iinok, onggo inooriyak mage o. Kinagandin peenok abe'nggan kinookwi iinok, peenok inom kinooruwak nduk, wogoraanip o.

Lukat 6:29

Ndi, kinagandin peenok paga kinookwi iinok, peenok aret wogorogwe, kinayum togwi yum waganggwi iinok, kinayum agi yirika ili yugup o. Ata, inom aret wogorogwe,

2 Korindut 11:20

It aakumi nen inayeloman eekkinakwi, kinamendek lek eerogo nenet nugwi, inabu'me tebenogo pinagagwi, tiyappako logonet, meek eerogo pinagagwi, kinetenggen paga tela eerogo kinookwi, eekwi iigak, “Op aret o,” yinuk, puk ogwe kiigirak kwe,