Leendawi 3:19 - Ala Wone Peenok Peebi Mbanak

¹⁹ An yagan wake, ya agak nda agak nege, ale mendek nengge, wam ambiki kwak nengge, Eeke nagagirak nogo niniki aberak aret agarik o.

Leendawi 3:19 ပူးပေါင်းရင်းမြစ်များ

Nekemiya 9:32

Togop aret me, Ala ninogoba o. Kat komaawi ambik kendage abu tiyanak nit aakumi nen, Iya! yinuk, ninagabiti kombakwi nogo, kiniki kunik ee'ninake logonet, eeppinaniyak koonogo pereegindak nogo nggirik-nggerok porogo menggendak me, aa'nduk aap o Atiyut mendek inoweewi inendagembogut nen aaninggin ninoba pinanit wogogwaarak nok, yogondak kuli ninoweewi inendagembogut inom, ninarum menggaarak ninoweewi inom, kat keebe unde ninogobamini inom, kat koone yo'niraga inom, ninombomini inom, kapuri miirinabeegindak inom, abok aret aaninggin ninoba pinaneegwaarak nogo ti, kat nen, Meek aret eeppiyareegwaarak o, yinuk, ninombariyak ti, mage o.

Ayup 7:7

Nogoba Ala wae. An neenik wonage yi, We inambe aagi ne ambit wungge kwak aret wonage abeke logot o. Niniki ale'nggen ambinom kaagin lek aret kagi o.

Ndawi 132:1

Kaliku ALA wae. At Ndawut aaninggin-paaninggin oba age kagak, Ogogumbuk puk wonagagerak nogo aberu o.

Ndawi 89:47

An neenik wonage ti, Ne ambit liingge lek age nogo abeke logot o. Yi aap ndi aap abok aret We aanom warogo ogobakkigirogo piyareegindak me, ia!

Ndawi 89:50

Nogoba o. Aakumi nen an kayeloman nonggop negen miyuk-meya eerogo panggaarak nogo liippiige, Aakumi inanebunu lombok nen, “Kayik a!” yinuk, Nonggoti eerogo nagi'ndok kanggwi iigak, Noone onggo yaga'lek lambek wonagarak nogo maloppanege,

Yeremiya 8:14

It Ala apuri nen yogo logonet, “Nonggop nduk nit yime kwi'ndik-kwi'ndak mban ogoorik? Nit nen at Aliku ninogoba Ala maluk eeppogoorak paga at nen niyo kanggo menggaarak mendek toologo wo'nirage, Ninenggaawak lek eerogo pinanikit nduk koonogo pege, Eereegerak me, Nit mbet-mbet kuwak eekwi, Kuwak eeppunuk, o kota-kota yugum pak wurik me time unggwi nogo logomonggoorik, kambit nogwe, Eeruwok o.

Yeremiya 9:15

Togop me, at Omaawi Lombok Menggerak Iterali inogoba Aliku Ala nen eeriyak, yegerak nogo yi aret. “An nen it aakumi yi, eyo anggen ale mendek mban nunggwi, niyo kambuurak mendek mban nunggwi, eeko logowak nduk, wogorage neyaamunggun o.

Leendawi 3:15

Eyoonggen ale mendek ndonggorogon naakit nduk wo'nege, Wam ambiki kwak amburu naakit nduk wo'nege, Eereegerak o.

Leendawi 3:5

O tebenogo pi ungguwok nduk wanggeppunuk, nda'nggi pogo mengga kwak, at nen aaninggin-paaninggin noba kwippanege, Niniki andi lombok eerogo panege,