Leendawi 3:17 - Ala Wone Peenok Peebi Mbanak

¹⁷ Niniki ugun tayenak wonagagirak nogo lek age, Niniki ale'nggen wonagagirak nogo kobak age, Eereegirak wonage neegak,

Leendawi 3:17 ပူးပေါင်းရင်းမြစ်များ

Wakkagagerak 41:30

ndi, tahun 7 ambi ari wage paga perak, mbi noogelo nggwok arigin o. Mbi noogelo nggwok alik negen age logonet, nggween mbuk age, mbi-mbiingga ero mondok lek age, aremenggerak kagak, mbi-mbiingga aa'nduk ambik kogo logomenggaarak nogo, inami arugun o.

Ayup 7:7

Nogoba Ala wae. An neenik wonage yi, We inambe aagi ne ambit wungge kwak aret wonage abeke logot o. Niniki ale'nggen ambinom kaagin lek aret kagi o.

Ndawi 119:155

It aap maluk mendek nen Koone lengganak, “Konenuwok o,” yinuk, Mugurok nogwe lek iinok, It ambi inagap ndariyak lek aret o.

Yetaya 38:17

An niniki koonnaruwak nduk, aaninggin noba agaarak paga niniki wakkolage nagarak ti abet aret o. An neebe lek eerogo paniyak eekwi me nabuwa nen nili eerogo panege, Ndi, nomaluk abok aret kat kambokan mbo nappege, Eekendak o.

Yetaya 54:10

O puut-puut na'ndo-wa'ndo eeke, Puut-puut teberogon wonage nogo ya langgok eeke, Eeke logonet kwe, Niniki kunik eeppegak mban eeke nogo perak, lek arigin lek kundugu aret wonage, At nimbirak lambunik logorak wone koonogo pereegirak nogo, mbeyok yaga'lek mondok aret wonage, Eeke logogin o,” Yinuk, at kabuwa mbake menggerak Aliku ALA nen aret yegerak me yokkigi o.

Yetaya 59:11

Wam wundikit nduk nggwek ari menggi kwak, Towe puume oone abuwa nggo-nggo ari menggi kwak, nit togop aret, “Ai-ao,” yogo logonet, “A'me nggelok eeppinani woraawak lak, ao,” yinuk, mbakwi kwe, eeppinani waga'lek aret wonage, Ninagap ndariyak niniki lunik logonet, tokkogwe kwe, waga'lek nda wonage, Eeke agaarik o.

Yeremiya 12:12

It aakumi o yi, irip ambime wonogwe nen irip ambime wonogwe nogo abok aret Ineenik ambi teppiyaagun lek Naliku ALA nawooluwak nen nenet nage me, It maluk eerogo piiga nen o karume puut-puut puluk ko aago paga ari wa'nuk, inoba kwi'nari wambi wogo agaarik o.

Yeremiya 14:19

Kaliku ALA wae. It aakumi Yekura mendek abu mbo piige, It Tiyon mendek mondok keebi inombake, Eeke agandik? Nit obeelom ee'ninaburak meek andi mban kogo logowok nduk, nonggop nduk andi-pandi eerogo pinanege agandik? Niniki ugun tayenak logowok mbakoorak kwe, obeelom eerogo pinaniyak ambi ari waga'lek wonage, Andi-pandi ee'ninake nogo lek eerogo pinanuwak lak, ao, mbakwi kwe, ninamineeri ne agan noorak mban ee'ninake, Eeke agaarik o.

Yeremiya 16:5

Aliku ALA nen yegerak nogo yi aret. “An napuri yi, nale'nggen inoba piige nogo ndinogo wagangge, ninom kunik logonet, obeelom eeppiige nogo kuli aret pege, ndi, inabuwa mbake nogo inabuwa mbaka'lek mbo piige, eekirak me, it aakumi kambemenggaarak tabun ndoombunuk wonogwe me, iniya unggwage, inale yi nage, inabuwa mbake, eeriyak mage o,” yinuk, Aliku ALA nen aret yegerak o.

Yeremiya 8:15

Nit niniki ugun tayenak logorak niniki lunik wonogoorak kwe, obeelom mendek ambi eeppinanit wage lek Maluk mban eeppinanit wage, Yogondak yi eyom paga andi obeelom eerogo pinaniyak niniki lunik wonogoorak kwe, Ninamineeri ne agan noorak mban ee'ninake, Eeke agaarik o.

Leendawi 1:16

Togop aret me, nale yikkolage, Nale amburu niyo negen wambit wage, Eeke agaarik o. An niniki eyak wappanega ambi ninom wonage, Niniki teeluk eerogo panega ambi koorok wonage, Eerak lek aret o. An nawim nogo inomaawi ambik lombok me, naagalogwe inamindik-inamendek mondok lek agagerak wonogo agaarik o,” Yinuk, ari agaarik o.

Takariya 8:10

Ti wuriyak awo eeka'lek kagak, aakumi yabu eekwi onggo inom, inaanggumi yabu eeppiigwi onggo inom, wogoroorak lek aret o. Ndi, inom wat-wat yogo logowak nduk, eerogo piyareegirak me, it iname yinggwi-unggwogwe eekwi nogo nen, Ninawim nen eeppinani wogwe iyo, yinuk, iniki aaninggin wonogogwaarak kwe,