Leendawi 2:8 - Ala Wone Peenok Peebi Mbanak

⁸ Aliku ALA nen o Tiyon Aagalukwe obak wurik ti, mondok yigirik-noonom eerogo puurak koonogo pereegerak o. At nen eenggi paga ko wapporogo wonaga'lek yigirik-noonom eerogo puwak nduk, Yagat wurik ti abok aret keele wakkagak paga wakkage mbareegi, “Pup eerogo pinanigin kogo o,” yinuk, yugum pak wurik endekem aken imbirak nen le yogo logonet, langgu-langgu wambit nogogwaarak o.

Leendawi 2:8 ပူးပေါင်းရင်းမြစ်များ

2 Tamuwen 8:2

Tebenggolage nagagerik, ti'nuk, it Mowap mendek tebenogo piinok, inawuri aap ineegin warak nogo nggween paga mbiginogo wimbiinok, keele ambi waganogo mbiginik alom me nen keele nggorek paga wakkaanuk, ambi wakkage logonet, inooke, ti'nuk, keele nggorek ambit wakkaanuk, ineenik teppiige, eerit irip yubuni nagagerak. Ti eeke mbareegi, it Mowap mendek nogo inagabiti nen Ndawut ayuk wuko logonet, inarum wonage onggo wogogo nogogwaarak.

2 Endagembogut 21:13

O nggorek ndak-ndak ilik? yinuk, keele wakkagak eeko mengga kwak, an nen o Tamariya wakkagak eeppiige, ndi, O eyak koonak mi'ndak wonage ilik? yinuk, keele paga wakkagak eeko mengga kwak, an nen aap Akap paga wiganak inom wakkagak eeppiige, eereegirak nogo kokwak, it Yerutalem togop aret wakkagak eeginake logonet, togolowak koorogo abut laganogo amburu mbanggo mengga kwak, an togop aret eerogo piyaagin o.

Ayup 13:21

Kat keenggi pippanogo logonet, Aaninggin noba panege nogo tayoppege, Ndi, nagabiti mbarikit nen, Iniki ma'naruwak nduk eeppiige nogo mendek Noba panegak mban eeke nogo teppege, Eeru o.

Yetaya 22:5

“O Abinggaanggo Kobappaga nogome it aakumi ugun naalop-kaalop eerit nugwi, Aakumi nobogom-kobogom nogo logonet, iniyok aan leben-leben nogwe, Inagabolo nirik-kirik nage kagak pelen-pelen nogwe, Eeko logonet, Pak wurik nogo langgunogo pugwi, Yeenggwaaraawak nduk inoone eerogo puut paga nappugwi, Eeriyak eyom Nomaawi Lombok Minggirak Naliku inogoba an Ala nen koonogo pereegirak wonage agaarik o.

Yetaya 28:17

Yugum ogowa ti paga wurit laganggo logowak nduk, wone a'me nggelok eeka nogo keele wakkagak pogom agago mippege, Abe liirogon eeka nogo keele agi nen ogu wakkagak pogom eerogo pege, Eerigin me, Mayu kumulinggen wambit wage logonet, iri'ngga-kale'ngga yigirogo pit nage menggi kwak, Pilit wone yogwe paga, Nineebe op logorak ninarum wonage, mbakwi nogo lek eerogo pege, Yi wurik nen yi mendek ndi mendek wonok nage menggi kwak, Aap inambokan laganggwi paga nit kumaappinanogo wonage, yogwe nogo lek eerogo pege, Eerigin o.

Yetaya 3:26

O Tiyon tu unggwogo menggam nen inerabun ndoongge, inale'nggup maake, Ndi, kumi inakom kin kenok, yinduk-wanduk nggween paga kwi'nogo mengga kwak, o kota ti togop aret age, Eerigin o.

Yetaya 34:11

Towe tiyu karume mendek inom, towe ndindim engga inom, inawi time miippatinuk wonogwe, Towe mumayo inom, ya'ngge-ya'ngge inom, inawi mbanggola unggwogwe, Eerugun o. At Aliku ALA nen aru-ogwe wakkagak paga wakkaanuk naalop-kaalop eerogo pege, Agi-ogu keele paga wakkaanuk, o wogo logowak nduk, mbo pege, Eerigin o.

Yetaya 5:5

Neyabu anggur yarak eeriyak nogo ti, yora o. Neyabu anggur yarak eyagat wurik nogo minogo pege neenok, lek eerogo nunggwi, Yugum yagat wurik langgunogo pege neenok, nggwiya unggunuk, iniyok aan lebenogo pit nogwe, Eerugun o.

Yeremiya 14:2

“It Yekura mendek iniki puru yogwe, Inawi kota-kota aakumi nebet-ndalok agan nega'lek wonogwe, Nggween paga nden-wan yogo logonet le yogwe, It Yerutalem wonogwe nen yeenggwaaraawak nduk, inoone nggwok paga Ala yogwi, Eeko agaarik o.

Yeremiya 5:10

It inawim nogo nen napuri ineyabu anggur yarak me lagi nogo logomenggaarik, Maluk eerogo pit noorak op aret kwe, abu lek eerogo pugwaarik o. It aakumi yi, Naliku an ALA napuri lek negen iigirak me, Eno'mbak mbanogo mbo nappit nogo mengga kwak it togop aret eeppiinet nogo logowak o.

Yeremiya 52:13

Wage nagagerik, Aliku ALA awi wurik inom, aap endagembogut awi o nggwok abe wurik inom, it aap nagawan-nagawan inawi wurik o Yerutalem wonage abok aret inom, kani pit nage nagagerik,

Leendawi 2:17

Aliku ALA nen eeriyak koonogo pereegerak nogo aret eeke. “Ndogop eerigin o,” yinuk, aa'nduk lombok wone lengganogo yoragagerak a'me nggelok eeke, Eeke logonet, Kabuwa mbaka'lek aret yigirik-noonom eerogo pagage, Kinom wim mbanak nen ineegin tiyak yinuk, “Op togon eeppogo a!” mba'nuk inale'nggen aruwak nduk eeppiige, Kinom ogoorak nen kat tebenogo paganuk inomaawi tiyak yuwak nduk, eerogo piige, Eereegerak.

Leendawi 2:18

It aakumi ti, inoone nggwok paga inogoba Ala yogwi me, O Tiyon Aagalukwe obak wurik kat yi wae. Tat yonggonggolage, kale yaga'lek puk wonage, eeka'lek niyo nage menggi kwak Liingge-oonikiya kali-kale mban nggininogo wurabit wage logot o.

Leendawi 2:2

Abuwa mbaka'lek nogoba Ala nen it Yakup mendek wonogo menggam abok aret pup eerogo pege, At anini nen o Yekura Aagalukwe obak wurik abok aret yigirik-noonom eerogo wurabit nage, At abu'me piige menggim inom, at arum menggaarak nagawan-nagawan inom, inendage maluk eerogo pege, Eereegerak.

Leendawi 2:5

Nogoba Ala ti, aap inom wim mbanak kwak wonage me, Iterali ambeme yonggorinake, Aap inendagembogut inawi nggwok abe wurik nogo yinik-minik eerogo pit nage, At obak wurik yigirik-noonom eerogo pege, Ndi, o Yekura Aagalukwe nogo ambinom iniki wakkolage, leenggu maake, eeke logowak nduk, eerogo pege, Eereegerak o.

Yetikiyen 20:22

neenggi awiippatinuk, puk aret agagirak o. Yi aakumi ndi aakumi inigen iigak Iterali wogoren wundi wagagirak ti nen nendage abe nogo maluk agaarak neegwi iyo, eeppiyoorak kooneegirak nogo lek eerogo pereegirak.