Leendawi 2:17 - Ala Wone Peenok Peebi Mbanak

¹⁷ Aliku ALA nen eeriyak koonogo pereegerak nogo aret eeke. “Ndogop eerigin o,” yinuk, aa'nduk lombok wone lengganogo yoragagerak a'me nggelok eeke, Eeke logonet, Kabuwa mbaka'lek aret yigirik-noonom eerogo pagage, Kinom wim mbanak nen ineegin tiyak yinuk, “Op togon eeppogo a!” mba'nuk inale'nggen aruwak nduk eeppiige, Kinom ogoorak nen kat tebenogo paganuk inomaawi tiyak yuwak nduk, eerogo piige, Eereegerak.

Leendawi 2:17 ပူးပေါင်းရင်းမြစ်များ

1 Endagembogut 9:7

it aap Iterali inanggween wogoragagim nogome nen kineebe lek eerogo wumbinagage, ndi, an nendage ki logorak nawi wurik leenogo pakirak yi, lek eerogo mbo pege, eerigin o. Ti eeriminggirak paga yi aakumi ndi aakumi abok aret nen it Iterali in wakkagak yogwe, inagi'ndok kanggwi, eeko logogun o.

Ndawi 35:24

Kaliku nogoba Ala wae. Kat aakumi inawone abe mban mbangge menggendak me, It aap nogo nen, “Op togon eeppogo a!” yinuk yogwe, “Kayik a! Nit niniki mbakoorak nogo A'me nggelok yigi,” mbakwi, “Ninambeme abu yonggologo pogo o,” yinuk, yogwe, Eekwi iyo, Kat nawone liirogon mbanogo panege logot o.

Ndawi 35:26

Aaninggin noba age neenok, “Op aret eeppogo a!” yinuk, iniki wogoppakwi nogo Inenggali ogwe, iniki kobak ogwe, Eeruwak o. Aaninggin noba kwi'nagaarak wonage neenok, It aap inale'nggen mbakwi nogo Yum yikkologo mengga kwak, inenggali eekkologwe, Inendage maluk eekkologwe, Eeruwak o.

Ndawi 89:42

At inom ogoorak wonogwe nogo inendage tiyak yuwak nduk inomaawi eerogo piige, At inom wim mbanak nogo nen Inale'nggen mbako logowak nduk eeppiige,

Ndawi 89:43

At awooluwak engget tugunogo pege, At wim eeke kagak, inom aga'lek mbo pege,

Yetaya 14:29

“Yawi muun mbanak paga inooko nagaarak kalok yegerak nogo ti, waalo kwak me, Waalo ti paga waalo muuru ndake, Waalo muuru nogo nen aagalogwe ameyo tenak togon eerogo inooka ndaganake, Eerigin me, It aakumi Pilitin mendek abok aret ti, Yawi muun mbanak paga ninooke nagaarak nogo muk kalok yegerak o, Yinuk, inale'nggen mbarugwaarik o.

Yeremiya 18:11

It aakumi Yekura mendek inom, it o Yerutalem wonogwe nogo inom, wone yoroorak nogo yi aret. Naliku ALA nen it Yekura mendek inom, it o Yerutalem mendek inom, abet aret aaninggin nggwok mendek ambi eeppiyoorak pipuk eerogo pege, inoba kwippiyoorak koonogo piige, eeke me, it inalitik-inalitak maluk eekwi nogo mbo punuk, inobaabut alik ogwe, alik ngget mendek eekwi mamunggologwe, eeruwak, yegerak, yoret o. Ndi, yoramenggendak kwe,

Yeremiya 4:28

Ti eeriyak yagarak ti, mbo punuk alik ambi ari, Ndi, ti koonggirak ti, mbo punuk, alik ambi koongge, Eerigin lek me, O nggween yi nen, Ao, yinuk, le ari, ndi, mbogut nogo o apit age, Eerigin,” yegerak o.

Yeremiya 40:3

Aliku ALA nen koonogo pereegerak nogo ndak-ndak aret eerogo pegerak me, at eerogo pegerak yi ti, kit aakumi yi, Aliku ALA maluk eeppugwi, at oone kinaruk konengga'lek mbo pugwi, eekwi kiinok, eekerak kwe,

Leendawi 1:5

At inom ogoorak nogo ogobamini negen agaarak wonogwe me, iniki ale'nggen mbako agaarik o. At maluk eerit nage nagagerak paga Aliku ALA nen iniki wakkolaawak nduk, eerogo pereegerak o. At inom ogoorak nen aagalogwe keele maarogo inaa'nduk piinok, wogoren o nda time mbo piya nogogwaarak wonogo agaarik o.

Leendawi 2:8

Aliku ALA nen o Tiyon Aagalukwe obak wurik ti, mondok yigirik-noonom eerogo puurak koonogo pereegerak o. At nen eenggi paga ko wapporogo wonaga'lek yigirik-noonom eerogo puwak nduk, Yagat wurik ti abok aret keele wakkagak paga wakkage mbareegi, “Pup eerogo pinanigin kogo o,” yinuk, yugum pak wurik endekem aken imbirak nen le yogo logonet, langgu-langgu wambit nogogwaarak o.

Leendawi 3:43

Yum tabak lenggenggologo mengga kwak kanini keebe paga luurik logonet mu'niren nege, Ninabuwa mbaka'lek aret ninoorit nage, Eereegindak o.

Leendawi 4:11

Aliku ALA anini tayoppega'lek tek eerogo nappege, Anini kani kunik negen aakumi inoba kilirogo piinet nage, Eeke nagagerik, O Tiyon paga kani negen wuninogo pereegerak pup eerogo nenet nage logonet, nggween mban teppereegerak.

Yetikiyen 5:11

At nen ogole warak ogut eerak an nawi abu alik leenak wurik me mambege logonet, maluk eerogo pege, ogole warak mendek eerit nogo logowak nduk teppiige, eeke paga an nen obeelom eeppege, abuwa mbake, abuwa nen teppege, eeke nogo, ambinom eeppege logogin lek o, yinuk, Neenik Naliku Nitok Minggirak an ALA nendage kumbatinuk, yagi o.

Yetikiyen 8:18

Togop aret me, inoone nggwok paga nabinik-nabenak an yo'nirimenggaarak kwe, inoone konengge, inabuwa mbake, inabuwa nen teppiige, eerigin lek nanini inoba kwippiyaagin o,” yinuk, yo'nege kagagirak o.

Yetikiyen 9:10

an nen it inabuwa mbake, inabuwa nen teppiige, eerigin lek it eekwi ndak-ndak aaninggin inoba kwippiige agarik o.”

Ndaniyen 9:12

Maluk eekwi iinok, ndogop eeppiyaagin o, yinuk, yereegindak nogo, a'me lik togon nit inom, ninoweewi inendagembogut inom, aaninggin mondok alik negen ninoba kwippinanggendak o. Nit o Yerutalem wonogwe me, aaninggin ninoba kwippinanggendak nogo ti, o mbogut abu'me nggween paga yime togop ambi eeppiige kogoolik nogo mendek ninoba kwippinanggendak o.

Mika 2:3

Togop aret eeko menggaarak me, Aliku ALA nen ari logonet, “An nen it aakumi yi, maluk eerogo piyoorak koonogo pege me, inoba kwippiige neegak, kole mbaganggwi, Ne ti, maluk eerogo piyoorak eyom aret me, An iya! mbakak mbaganggwi, Eeriyak meek aret kaagun o.

Tepaniya 1:2

“Yi mendek ndi mendek o nggween paga wonogwe abok aret an nen inenggaawak lek eerogo piyaagin o,” yinuk, Aliku ALA nen aret yegerak o.

Takariya 1:6

An noone ari, wone lengganogo pege, eeke nagagirak nogo, it wone yorage neegak, yoraga nayeloman mini nen yorogo logowak nduk, wone lengganogo yoragagirak nogo, kombomini ndak-ndak eeppiige neyareegwaarak, ilik, lek a? Ti eeke neenok, inomaluk mbo punuk, yogo logonet, Nit nineraambe maluk logonet eerit nugwi, nit maluk lombok eerit nugwi, eeko monggoorak nogo, at Omaawi Lombok Menggerak Aliku ALA nen onggo eeppinaniyak kooneegerak nogo ndak-ndak eeppinanege me, op aret, yereegwaarak nogo lek a? yinuk, yoret,” yegerak me, yokkiragi o, yoragagerak.