Leendawi 2:16 - Ala Wone Peenok Peebi Mbanak

¹⁶ Kinom wim mbanak abok aret nen yonggokkabuwok nduk, inambe a aago wonogwe, “At eeppuurak niniki lunik wonogwe, Mandenom maluk eerogo puurak tokkogwe, Eeko nogogurak nogo Muk ari wagaarak me, Ninambe me muk yonggokoorak o,” yinuk, Meek eerogo pogo logonet, ineyak nggilik maakwi, Eeko agaarik o.

Leendawi 2:16 ပူးပေါင်းရင်းမြစ်များ

Ndawi 112:10

It aap maluk mendek nen at eeke nogo, inigen kogo logomenggaarik, inanini mbakwi, Ineebi nen ineyak nggilik maakwi, Iniki andi eekko'net unggwogwe, Eeko logogun o. “Nit ambi eekkolaawok lak,” mbaremenggaarak kwe, Lek aret age logogin o.

Ndawi 22:13

Singa anini warak nen kok eerogo nappiigak At noorak mbaketak nengge menggi kwak It nogo nen inambeme yonggo'nabuwak nduk, inambe a aago wonogwe, Eeko agaarik o.

Ndawi 35:16

Aap maluk mendek eeko mengga kwak meek eerogo panugwi, An neenok, inanini nen ineyak nggilik maakwi, Eekaarak o.

Ndawi 35:21

Inigen loolo eerogo pe'neego logonet, “Kat maluk eekendak ninigen abe nen keegoorak me, Kayik a!” Yinuk, mbelappanogo logonet, “Ha! Ha!” yo'nugwi, Eeko agaarik o.

Ndawi 37:12

It aap maluk mendek nen it iniki abe koonak nogo Maluk eeppiyoorak wone koonogo pugwi, Inanini inombako logonet, ineyak nggilik maakwi, Eeko menggaarak kwe,

Ndawi 41:8

“Wologwe! Andi abu alik mendek eekerak me, At windak menggim nen mi'nariyak mondok meek aret agaarik o,” Yinuk, yogo agaarik o.

Ndawi 56:2

It miyuk-meya eerogo panugwi nogo nen Kubondendok nen nok, oonikiya ari nage kagak, Mu'neren-ma'neren nugwi, It aap iniki wogoppakwi nogo nen Noorogo panuwok nduk, wakkanet nugwi, Eeko agaarik o.

Ndawi 57:3

Kat Ala nabuwa nen kiniki kunik ee'nake, Yaga'ndak ndak-ndak li'luk eeppanege, Eeke menggendak me, It nggobok nirit nugwi nogo tebenogo piinok, An nagap ndaruwak nduk, Kat mbogut paga logonet, Kayonggo nappiya wage menggendak o.

Yetaya 49:19

Kat kame abu kaliirubu koo'nuk wundeegwaarak paga yi oone ndi oone lek agagerak wonage, Kanggween abu maluk eerogo pereegwaarak wonage, Eerak aret wonagagerak kwe, Obeelom ariyak ti eyom paga aakumi apit aret o time yagabit ari unggwogo logonet, nggween yagabit age, It aap lek eerogo pereegwaarak nogo kole o nda time ari namenggaarak wonogwe, Eerugun o.

Yeremiya 26:6

an nen nawi wurik yi, o Tilo kwak eerogo pege, yi aakumi ndi aakumi o nggween paga wonogwe nen o kota yi, pulunogo pegak eeko logowak nduk eeppiige, eerigin, yegerak, yoret o,” yinuk, yoge mbareegi, yoragagerak.

Yeremiya 29:18

It inom wim mbanak nen inookwi, mbi abu nen kanggwi, kugilingga inoba a'nuk kanggwi, eeruwak nduk, eeppiinet nage neenok, it aakumi inabu'me piinok o nggween paga wonogwe yi abok aret nen, Inogole o, yinuk, yogwe, it aakumi inanebunu lombok inenggela'me mak eerogo piyaminggirak nogo nen pulunogo piigwi, Yi aago nugwi yi, iya, yinuk, yogwe, inagi'ndok kanggwi, miyuk-meya eerogo piigwi, eeko logowak nduk, eerogo piyaagin,” yegerak o.

Yeremiya 50:17

“Singa nen ndomba mappiigaatak inalitak mak aago nugu mengga kwak, Iterali togop aret mappiigo logonet, Aa'nduk it Atiyut mendek inowe endagembogut nen ambeme yonggorinake, Ti'nuk, yogondak yi, it Mbaben mendek inowe endagembogut Nebukanetat nen inowak nenenogo nengge, Eereegwaarak,” yegerak o.

Yeremiya 50:7

Aakumi ambi inom aabuk a'nuk inambeme yonggorinakwi, Ndi, it inawim nen yogo logonet, It inagari'ngga abe nenet nugu menggam kwak ti, Aliku ALA aret me, at maluk eerogo pugwi, Inombomini iniki lunik Aliku ALA maluk eerogo pugwi, Eereegwaarak kenok, Inooreegurak me, nit maluk eerulik o, yinuk, yogwe, Eereegwaarak o.

Yeremiya 51:34

Aakumi Mbaben mendek inowe endagembogut Nebukanetat nen ambeme yonggo'ninake, Mak eerogo pinanege, Niyo toolak porok togon nunggwi kwak eerogo pinanege, Waalo tinambe nen yonggorinake menggi kwak, nit yonggo'ninake, Waalo ombat abe kenok ndonggorogon nenok, kilirogo pege menggi kwak togop aret eerogo pinanege, Eereegerak me,

Leendawi 1:21

An nen, Ai-ao, ari nogo, aakumi inaruk konenggwi kwe, it ambi nen niniki eyak wappanega'lek aret agaarik o. An noba agaarak nogo, nawim abok aret nen nabok konenggo nagaarik, kat eerogo paneegindak paga inale'nggen mbakwi me, An aago wonage kwak it ndak-ndak aago logowak nduk, eeppiyoorak yoragagindak nogo mbet-mbet eeppiya mok o.

Leendawi 3:46

Ninom ogoorak nen inambeme yonggo'ninabuwok nduk inambe a aago wonogwe,

Yetikiyen 23:32

At Aliku Itok Menggerak ALA nen yegerak nogo yi aret. “Oweeluk aniyoowak ti, ambe nggwok o'lu warak lombok eno korok togon toolak wonage me, awuluk aret nagin o. Ti nengge kenok, aakumi nen miyuk-meya eerogo pugwi, Ha! yinuk, agi'ndok kanggwi, eerugun o.

Yetikiyen 25:15

Aliku Itok Menggerak ALA nen yegerak nogo yi aret. “It Pilitin mendek nen yogo logonet, Iterali mendek ti, abu nineebi o, yinuk, inanini nen eereegwaarak onggo inookwi, ndi, O maan aa'nduk nen ninom wim mbanak yi aret o, yinuk, it Yekura mendek mondok pup eerogo piyoorak mbakwi, eekwi iinok,

Yetikiyen 25:3

Yorage logonet, Aliku Itok Menggerak ALA nen yegerak nogo kinaruk konenggo logonip o, yinuk, yorage logomenggendik, Aliku Itok Menggerak ALA nen yegerak nogo yi aret o. An nawi wurik alik leenak nogo maluk eerogo pugwi, it Iterali inanggween paga yi oone lek ndi oone lek logowak nduk, eerogo pugwi, ndi, it Yekura mendek keele maageren mbo piya nogwe, eekwi iinok, it nen, Kayik a! Op togon eeppiiga, yinuk, yereegwaarak me,

Yetikiyen 25:6

Aliku Itok Menggerak ALA nen yegerak nogo yi aret. “O Iterali eeppugwi iinok, it o Amon mendek nen, Op togon eeppega, yinuk, iniki ale'nggen nen ineenggi telak eekwi, iniyok lubuk yogwe, eereegwaarak paga

Yetikiyen 36:3

it puut-puut ti, eeppiyoorak yorage logonet, Aliku Itok Menggerak ALA nen yegerak nogo yi aret. It Iterali inawim inaagan-ambokan wonogwe nogo nen it Iterali menggam puut-puut time yi oone lek ndi oone lek o wogo eerogo pugwi, yi aakumi ndi aakumi unde eekkolaawok nduk, tebenogo piya unggwagak eekwi iinok, aakumi abok aret nen inabok mbanggwi, meek eerogo piigwi, eeko nogogwaarak me,

Yetikiyen 5:15

An nanini mbake, niniki aagi wungge, noone lok togon mberege, eeke logonet, maluk onggo eeppege neenok, it yi aakumi ndi aakumi enaagan-ambokan wonogwe nogo nen, at meek eerogo pugwi, Op togon eeppigi, yinuk, Kayik a! yogwi, pekkenok inagabiti mbakwi, At paga ninamineeri ne agan nage yi, iya, yogwe, eerugun o, yinuk, Naliku an ALA nen aret yagi o.

Oteya 8:8

Yi mendek ndi mendek maluk agaatak kenok, Yi an uugwe lek o, yinuk, mbo pogo mengga kwak, It Iterali nogo inawim nen inambeme yonggorinakwi, It aakumi inambik inenggela'me logowak nduk mak eerogo piigwi, Eereegwaarak Wonogo agaarik o.

Mika 4:11

Togop aret eerigin kwe, o yogondak nen yi aakumi ndi aakumi ambik lombok nen tebenogo pinagawak nduk, kuwak eeppunuk yogo logonet, It maluk eerogo piyaawak o. O Tiyon aagalogwe maluk eerogo piigwi iinok, inagi'ndok kanggo logowam ninigen loorogo logowok o, yinuk, yogwe kwe,

Nappiigak 7:54

Yoragagerak it wone amburu mbangga nogo inaruk konenggo nogogwaarik, inanini wu agan nage logonet, inambe mam kambumbunuk wonogwe iigak,