Leendawi 2:12 - Ala Wone Peenok Peebi Mbanak12 Elege ti nen aap inoorak kwak o kota tu paga tu paga inambuluk pit nogwe, Inagalomini inaawi paga logonet kambit nogwe, Eeko logonet, “Kwiya wae. Mbi wo'niru o. Niyo wo'niru o,” yinuk, yorogo agaarik o. အခန်းကိုကြည့်ပါ။ |
Kaagalogwe wologwe iniki lek a'nuk ngginnogwe, Nggwiya keele yilinik kin paga mengga kwak, it togop aret tu nggwok paga ngginnarit nagaarak wonogwe, Eerak aret agaarik o. Aliku ALA anini toolak nogo wogorage, Kogoba Ala nen mberirage, Eekerak paga Ndonggoppiigerak inaanogum panggo eerogo piinet nagaarak agaarik o.
Togop me, it aakumi apit aret inomaluk wagangge, It wone yugu taganogo pereegwaarak nogo inake tamban eeke, Eeke logonet, Waruwok nduk eekwi iigak, eebe ili yikkoloolik teppege, It aap maluk eeka inom wonage ineenggi lingginiyak eebi mbaka'lek wonage, Eereegerak me, Aakumi inamendek ndinik nogo aap yo'nggok wogorage logonet, at inom wogoge, It aap wakaa'ngget aakumi inagugun wogo tumburirage logonet, at inom tumburege, Eerigin o,” yegerak o.
Iterali paga wiganak ineyabu eerak anggen yugu inom, inambi-mbiingga inom, lek eerogo nenet nogwe, Inapuri wologwe-komologwe lek eerogo piigwi, Inaanggumi kambin-ndomba inom, lembu-tapi inom, lek eerogo pit nogwe, Ineyabume anggur yarak ero inom, eyo wuli ero inom, muurogo pit nogwe, Ndi, inawi kota-kota yugum pak wurik me iniki ti paga panggonak wonogwe nogo pup eerogo pugwi, Eeko logogun o,” yinuk, yegerak me yokkiragi o.
At aagalogwe time menggaarak abok nen mbi kwaarit nugu logonet, “Ai-ao,” yogwe, Kangga'lek ineenik logowok nduk inamendek onggo iya mendek paga mbi kunggologwe, Eeko agaarik o. Eekwi me, “Kaliku ALA wae. Aakumi nen, Ogole o, yinuk, yo'nugwi yi, kenegen pe'neege, liippanege, Eeke logot o.” Yinuk, yoge agaarik o.