Leendawi 2:10 - Ala Wone Peenok Peebi Mbanak

¹⁰ O Tiyon Aagalukwe oweewi nen inarugup nggobok togon eerak nggween paga kwi'ndak wonogwe, Liirubu inanobak paga yumbunogo pakwi, Inayum nibinik maluk mendek yikkologwe, Ndi, o kota Yerutalem aagalogwe komologwe nogo nggween paga inanep kumbunuk wonogwe, Eeko agaarik o.

Leendawi 2:10 ပူးပေါင်းရင်းမြစ်များ

2 Tamuwen 13:19

ayum kigirikwe nogo nibinogo pege nagagerik, wun anobak paga yumbunogo patinuk, eenggi anobak paga tebenggo'nok, oone nggwok paga le agan nagagerak.

Yetaya 15:3

Inayum nibinik maluk mendek yippunuk tu paga nugwi, O wurik kirin ndoonak paga inom, oore'nggam inom, Wonogo logonet, it abok aret inali-inale inamiguwak paga wambit wage, Eeko agaarik o.

Yetaya 3:24

Obari abe eeka inoba aago nogo lek age kagak inanggoloppari ndi wuke, Inambilak inomarip paga eerak obaane'me tali akun mbanak yirik nugwi, Ineeruwak mbinuk-mbenak eerak obaane'me inanobak puluk ko aago nugwi, Inambogoyum kigirikwe yirik nogo obaane'me inayum nibinik maluk mendek yirippunuk nugwi, Kumi inete kigirikwe obaane'me inete maluk aremenggerak inenggali mbakak nugwi, Eeko logogun o.

Yetaya 3:26

O Tiyon tu unggwogo menggam nen inerabun ndoongge, inale'nggup maake, Ndi, kumi inakom kin kenok, yinduk-wanduk nggween paga kwi'nogo mengga kwak, o kota ti togop aret age, Eerigin o.

Yetaya 36:22

Puk aret wonogwe iigak, aap endagembogut awi o nggwok abe wurik arum menggaarak inowe Kilikiya aput Eliyakim nogo inom, o abok inake liiru mbangga at Tebana nogo inom, aap endagembogut ake liiru mbangga Atap aput Yowa nogo inom, inayum nibinik yikko'nok, aap wim eeka inowe nen yereegerak nogo, aap endagembogut yori unggwogogwaarak.

Yetaya 47:1

At Ala nen ari logonet, “O Mbaben Aagalukwe Aap Kigin Waka'lek kat yi wae. Kat tiyarogon menggenom nen wambi nanuk, liirubu paga kwi'nage, It Mbaben mendek inaagaluk kat yi wae. Wone lengganogo yorage menggenom kwi'ndak logorak lek nggween paga aret kwi'nage, Eeke logot o. Kolaga abe kigirikwe agabolo anen pera aago yi wae, yinuk, ambinom yokkogo logogun lek me,

Yetaya 47:5

Ala nen ari logonet, “It Mbaben mendek inaagaluk kat yi wae. Koone ambi yaga'lek kwi'nage, Koone lek aret o akem yumaak aago me time unggwi nage, Eeru o. Yi aap ndi aap inabu'me piigo menggam unde ninagalo kwe nggwok kat yi aret o, Yinuk, ambinom yokkogo logogun lek o.

Yeremiya 8:14

It Ala apuri nen yogo logonet, “Nonggop nduk nit yime kwi'ndik-kwi'ndak mban ogoorik? Nit nen at Aliku ninogoba Ala maluk eeppogoorak paga at nen niyo kanggo menggaarak mendek toologo wo'nirage, Ninenggaawak lek eerogo pinanikit nduk koonogo pege, Eereegerak me, Nit mbet-mbet kuwak eekwi, Kuwak eeppunuk, o kota-kota yugum pak wurik me time unggwi nogo logomonggoorik, kambit nogwe, Eeruwok o.

Leendawi 1:1

O kota ti, aa'nduk aakumi ambik inale'nggen nen noone-koone agan nogo nogogwaarak kwe, Yogondak perak, yi oone ndi oone lek agaarak ti, iya! O aa'nduk nen yi aakumi ndi aakumi inenggela'me abu tiyanak wonagagerak kwe, Yogondak kwe nanu pugu kwak aret wonage, Aa'nduk yi kota ndi kota enggela'me kwe nggwok kwak aret wonagagerak kwe, Yogondak perak, aakumi inayeloman kwak agaarak wonage, Eerak aret agaarik o.

Leendawi 1:4

Inale'nggen paga laago nggwok lariyak koonak nogo lari waga'lek iinok, o Tiyon nogo menggam tu nogo nen le ari, O Tiyon tu unggwi wogo menggam abok aret aakumi nebek lek iinok, it aap Ala unde o time eekwi nogo nen, “Nonggop eeruwi o?” yinuk, iniki piirik wonogwe, At aagalogwe komologwe tawe nen iniki wakkologwe, At kunduk, iniki andi eerogo pake, Eeko agaarik o.

Leendawi 3:28

Aap ti nogo, aaninggin oba age kenok, “Aliku ALA nen aret noba panegerak o,” yinuk, Yi yagak ndi yagak yaga'lek oone lek alik aret logowak o.

Leendawi 4:16

Aliku ALA nen aret it ineebe mugogo-magago nappiyareegerak me, enegen wogonaka'lek aret wonage agaarik o. Togop me, aakumi nen it at eebe unde nogo inayuk wukwi, It aap inanggok inabuwa mbakwi, Eeka'lek aret menggaarak o.

Leendawi 4:5

It aa'nduk nen mbi-mbiingga ombat abe mban nunggo nogogwaarak nogo, yogondak inambi abu nen tu paga kambit nogwe, It maan nen nogo yum abe laambu paga nogo yogo nogogwaarak nogo yogondak nen aakumi inambeebuk pugu logonak paga nogo yugwi, Eeko agaarik o.

Leendawi 5:12

It ninoweewi nagawan-nagawan nogo ineenggi keele maappiinok tugunogo piigwi, Aap inanggik-inanggok inayuk wuka'lek mbo piigwi,

Leendawi 5:14

Aap inanggok o kota tu unggwogo menggam kuwak ari waga'lek wonogwe, Wologwe tawe nggitat oone eeka'lek wonogwe, Eeko agaarik o.

Yetikiyen 27:30

Inoone nggwok paga le yogwe, Yi eekerak nineebi o, yinuk, yogwe, Liirubu inanobak paga yumbunogo pakwi, wun inikime nden-wan yogwe,

Yetikiyen 27:31

At eeremenggerak paga it inanobak puluk ko eerogo pakwi, Yum maluk nibinik mendek yikkologwe, Eeppunuk, At eeremenggerak paga iniki puru yogo logonet, aleenggu maakwi, Leendawi aanggili-aanggelo yogwe, eerugun o.

Yetikiyen 7:18

Eeko logonet, inayum nibinik maluk mendek yirikkologwe, inagabiti mban inagabolo paga ninggirik wonogwe, inenggali nen inete kumaakko'nok nugwi, inanobak puluk ko eerak wonogwe, eerugun o.

Yowen 1:8

Togop me, kolaga ambi ogonggelo imbirak awo lambumbiigaarak imbirak iniki kunik nogo, Woronogo punuk kangge kenok, purok yikut eeppunuk, aleenggu maake menggi kwak, Kit leenggu maako logonip o.

Amot 5:13

It aap iniki warak nogo nen, “Inowak loonggwi eyom ti, maluk ariyak eyom aret me,” yinuk, Inoone ambi yaga'lek puk aret menggaarak o.

Amot 8:13

Ne ti eyom paga Wologwe-komologwe ineebe yaambu-laambu abe tawe nogo an noone abu nen inambuluk pit nagun o.

Amot 8:3

“Ne ti eyom paga o nggwok abe wurik me ndawi wako logomenggaarak nogo obaane'me leendawi piyanggwi, ineebe inoorak ambik aret mbo nappiinet namenggaarak iigwi, eeko logonet, inoone lek inigen keme yogwe puk aret logogun o,” yinuk, Aliku Itok Menggerak ALA nen aret yegerak me, yokkiragi o.

Yunut 3:6

At Yunut wone yoragagerak nogo, aap endagembogut o kota Niniwe mendek aruk konengge nagagerik, kwi'ndak logonet wone lengganogo yorage menggim nen wambi wa'nuk, aap inendagembogut inayum yiko menggaarak yirik nogo, nggoorogo punuk, yum maluk nibinik mendek yikkolage nagagerik, liirubu paga kwi'nagagerak.

Yotuwa 7:6

Inoori wogo mbareegwa, at Yotuwa inom, it aakumi Iterali inoweewi inom, nogo nen inayum nibinik-ndelenak eerogo pakwi, wun waganogo inanobak paga yumbunogo pakwi, eeko nogogwaarik, Aliku ALA aloobut mbanak enaame taati inetenggen wanduk ngginnogogwaarak wonogwe iigak, o aret kiip agagerak.

Wayu 18:19

wun inanobak paga yumbunogo wuppako logonet, “O kota nggwok abe menggendak yi, kabuwa o. Aakumi inanebunu lombok abok aret inamindik-inamendek yi awi ndi awi nen yiiro paga wonok wogwe iinok, Kunggologo logonet, ineenggi warak eeppiige nagandak kwe, Ne ambit 1 jam paga aret lek agandak me, kabuwa o,” yinuk, ale yogwe, aleenggu maakwi, eekwi iigirak.