Leendawi 1:7 - Ala Wone Peenok Peebi Mbanak

⁷ O kota Yerutalem nogo aaninggin-paaninggin oba kwi'nage, andi nen yagan wake, eeke ti eyom paga O maan aa'nduk amendek obeelom mban iniki kundugu wonagagerak nogo iniki abe'nage menggerak o. Aagalogwe awim ineenggime agagerak me, it ambi nen at yeenggwaaga'lek aret wonogogwaarak o. At yigirik-noonom eerak awim nen inigen kenok, agi'ndok kanggo nogogwaarak.

Leendawi 1:7 ပူးပေါင်းရင်းမြစ်များ

Ayup 29:2

“An ti, tut aa'nduk penenak paga wonagagirak nogo Ndak-ndak logokit lak, Ao, mbake agarik o. Ne ti eyom paga Ala nen an unde wo'nake,

Ndawi 42:4

Aa'nduk lombok aakumi ambik inale'nggen paga Ala awi wurik me kuwak eeri nogwe me, An naa'nduk a'nuk ninom nage logonet, Ninale'nggen paga keekok yogwe, “Wa!” yogo logonet ndawi wakwi, Eeko nogogurak nogo Abeppunuk niniki abu puru agan nage agaarik o.

Ndawi 77:3

Ala oba abe'nage kenok, niniki oone ari, Ninikime koonit nage neegak, Nomaawi lek ee'nabit unggwage, Eekerak o.

Ndawi 79:4

Togop aago wonogwe iinok, Aakumi ninom korotok wonogwe nen ninagi'ndok kanggwi, Ninaagan-ambokan menggaarak nen, “Op eeppiiga,” yinuk, Miyuk-meya eerogo pinanugwi, Eeko agaarik o.

Yetaya 64:10

Kat kagota ambik abu obeelom alik leenak menggerak nogo muk o karume pogom age, O Tiyon nogo kunduk, karume kwak age, Ndi, Yerutalem nogo, o wogo aret age, Eekerak aret agaarik o.

Yetaya 64:11

Kat kawi wurogo pereegwaarak ninombomini nen kendage tiyappogo nogogwam abu obeelom alik leenak kenok, Wi! yogwe nogo, Kani pegaarak paga pup eerogo nengge, Ninamendek niniki kunik lombok nogo, abok aret yigirik-noonom age, Eekerak o.

Yeremiya 37:7

“Iterali inogoba Aliku Ala nen ari logonet, Kin wokkeyaawak nduk, it nappiya wagaarak nogo nen Yekura inowe endagembogut yoriyak nogo yi aret. Aap Pirawun awuri ineegin warak yeenggwaaraawok nduk, wundi wagaarak nogo iniyokan iname o Metit nagun kwe,

Yeremiya 48:27

At nen it Iterali mendek inagi'ndok kangge, It Iterali aap yogoot kiraaka inenggela'me inom wonogwe iinok, Mbelaappege logonet, anobak yelo-walo mban ari, Eeke logolik a?

Leendawi 4:17

“Nit yeenggwa niraawak lak, ao,” mba'nuk, ninigen na'nagak mban eereegurak kwe, We aanom warogo aret ninigen andi mban ee'ninabeegerak. Aakumi inanebunu ambi nen yeenggwa nira woraagun nduk, o nggayo logorak wurik paga nen toriigo nogogurak kwe, Yeenggwa nira woroolik aret o.

Yetikiyen 25:3

Yorage logonet, Aliku Itok Menggerak ALA nen yegerak nogo kinaruk konenggo logonip o, yinuk, yorage logomenggendik, Aliku Itok Menggerak ALA nen yegerak nogo yi aret o. An nawi wurik alik leenak nogo maluk eerogo pugwi, it Iterali inanggween paga yi oone lek ndi oone lek logowak nduk, eerogo pugwi, ndi, it Yekura mendek keele maageren mbo piya nogwe, eekwi iinok, it nen, Kayik a! Op togon eeppiiga, yinuk, yereegwaarak me,

Yetikiyen 25:6

Aliku Itok Menggerak ALA nen yegerak nogo yi aret. “O Iterali eeppugwi iinok, it o Amon mendek nen, Op togon eeppega, yinuk, iniki ale'nggen nen ineenggi telak eekwi, iniyok lubuk yogwe, eereegwaarak paga

Oteya 2:7

It at iniki kunik eekwi nogo muguren namenggerak kwe, inom lambungge, Kwaaganabit namenggerak kwe, ambit iluk ambi kwaakkage, Eerigin lek o. Togop me, at nen, Nore aa'nduk nimbirak logonet op aret wonagagirak o. Ndi, neebe yogondak wonage yi, nale'nggen lek aret wonage me, niyokan nogonggelo aa'nduk wogo nogo ka naakit o, yinuk, yigin o.

Mika 4:11

Togop aret eerigin kwe, o yogondak nen yi aakumi ndi aakumi ambik lombok nen tebenogo pinagawak nduk, kuwak eeppunuk yogo logonet, It maluk eerogo piyaawak o. O Tiyon aagalogwe maluk eerogo piigwi iinok, inagi'ndok kanggo logowam ninigen loorogo logowok o, yinuk, yogwe kwe,

Lukat 15:17

Ti'nuk, ne ambi paga iniki liippege nagagerik, A puk! An nogoba ayeloman mini yabu eekwi onggo kologwe nogo, ineebe apit logonet, mbi ndiinogo pegak nonggo menggaarak kwe, an perak, mbi abu nen kambigin kagi.

Lukat 16:25

Yoreegerak kwe, Abarakam nen at yoge logonet, Naput o. Kat keenik logonet, paalo aago mban wonagagindak nogo o. Ndi, Latarut yi perak, ninggin-nanggin wonagagerak nogo kiniki aberu o. Yogondak Latarut yime logonet, iniki tayok yegerak kwe, kat perak, yagan yobak-nggolak wake agandik o.