Leendawi 1:3 - Ala Wone Peenok Peebi Mbanak

³ At Yekura aaninggin-paaninggin oba pugwi, Yabu nggwiirit-nggwaarit eeke logowak nduk, inoone omaawi paga at yogwi, Eeppunuk, wonok o nda time mbo pi nogogwaarak o. At yi aakumi ndi aakumi inenggela'me logonet, iniki ugun tayenak wonage lek aret o. Aaninggin oba agaarak paga yagan wake kagak, it aap at mugurok nugwi nen tebenogo pereegwaarak wonage agaarik o.

Leendawi 1:3 ပူးပေါင်းရင်းမြစ်များ

2 Endagembogut 25:11

Pit nogo nogogwaarik, aap endagembogut eebe wonok nega inowe Nebutararan nogo nen it aakumi ando iigak nogogwaarak o kota time wonogwe nogo inom, it aap Mbaben inowe endagembogut inom ogogwaarak inom, ndi, it aakumi ugun nggininik iigak nogogwaarak nogo inom, wogoren nawak nduk koonogo piige,

2 Endagembogut 25:21

Piya nage mbareegi, o Kamat kota Iribala time at endagembogut nogo nen inooruwak nduk, awuri yorage mbareegi, inoorogo piyareegwaarak. It aakumi Yekura mendek inanggween paga nen keele maageren mbo piya nogogwaarak nogo ti aret o.

2 Endagembogut 25:4

Aganake mbareegi, it aap Yekura ineegin warak abok aret oonikiya it aap Mbaben mendek o kota wanggeppiinok wonogwe iigak, o kota yugum pak wurik nogo, eno pelembunuk, aap endagembogut eyabu yarak me koorok owa'nagat peenok-peenok wurik kagak, oolo tu unggwogo menggam nogo paga wundi nogo nogogwaarik, kole mbaganit o Araba niyo Yoraran kobappaga ari nawok nduk nogwe me,

2 Endagembogut 25:5

it aap Mbaben mendek ineegin warak nen muguren, o Yeriko kobappaga taati awuri kole ma'nogwe iigak,

Yeremiya 13:19

Karu nggwok o ame pa'nggwe time kota-kota tu unggwogo menggam narogo pegaarak me, Aap ambi nen paarogo pigin lek o. It Yekura mendek abok aret kugun wogoren nogwe, It ambi teppiiga'lek wogoren nogwe, Eekaarak o.

Yeremiya 16:16

At Aliku Ala nen ari logonet, “It aap yikwe wagangga ambik woraawak nduk yonggo piyaminggirak wogo logomenggaarik, it aap ti, piginabit nogo logogun o. Ti'nuk, towe warit nega ambik woraawak nduk, yonggo piyaminggirak wogo logomenggaarik, it aap ti, puut-puut tiyarogon wonogwe, puut-puut teberogon wonogwe, yugum ambe nggaganak me wonogwe, eerak wonogwe iinok, inooko logogun o.

Yeremiya 24:9

An nen it mak eerogo piyaminggirak yi aakumi ndi aakumi inabu'me piigo menggam o nggween paga wonogwe abok aret inenggela'me time nugwi iinok, Inogole o, yogwe, inoba laarogo yogwe, it eekwi in wakkagak yogwe, meek eerogo piigwi, inagi'ndok kanggwi, pulunogo piigwi, eeko logowak nduk, eerogo piyaagin o.

Yeremiya 39:9

Ti eerogo pogo nogogwaarik, aap endagembogut eebe wonok nega inowe Nebutararan nogo nen, it aakumi ando iigak nogogwaarak o kota time wonogwe nogo inom, it at inom ari wogogwaarak inom, it aakumi ugun nggininik iigak nogogwaarak nogo inom, wogoren o Mbaben naakit nduk, koonogo piige,

Yeremiya 52:15

Pit nogo nogogwaarik, aap endagembogut eebe wonok nega inowe Nebutararan nogo nen it aakumi eekkoloorak meek ineenggi abu lek eegu inom, it aakumi ando iigak nogogwaarak o kota time wonogwe nogo inom, it aap ineenggi amburu eeka ando inom, it aap Mbaben inowe endagembogut inom ogogwaarak inom, wogoren naakit nduk koonogo piige,

Yeremiya 52:8

it aap Mbaben mendek ineegin warak nen muguren, o Yeriko kobappaga taati awuri kole ma'nogwe iigak,

Leendawi 2:9

O Tiyon tu unggwi wogo menggam taannage, Tungga nappegak-wappegak eerak inom, wa'mbit narak inom, maluk age, Eereegerak. At owe endagembogut inom, oweewi nagawan-nagawan inom, yi aakumi ndi aakumi inenggela'me mbo piya nagagerak wonogwe, Aliku ALA nen, “Yogop eeriyak,” yoraga'lek aret wonage, Ndi, Ala yorage kagak yoraga kunduk, Aliku ALA nen inabinggaanggo paga yorage nogo wagangga'lek aret wonogwe, Eeko agaarik o.

Leendawi 4:15

“Kit kinogole warak lombok me, nanip o,” yorogwe, “Nit mbaanniyokwak kineebe tayo yinip. Tayo yinip,” yorogwe, eekwi iinok, It mbaganit yi aap ndi aap wonogwe me ya yembanggak nda yembanggak nugwi iinok, It aakumi ti nen, “Ninom yime elaambirik logorak mage o,” yinuk, yorogo menggaarak.

Leendawi 5:5

Eyo aaninggin tapi uut paga pugu kwak, inoone omaawi nabek lek yo'nirogwe, Nineebe ndeyak ee'ninake kwe, “Yonggonggolaanip o,” yinuk, yo'niraga'lek wonogwe, Eeko agaarik o.

Yetikiyen 5:12

O kota Yerutalem inikime time at aagalogwe ando mogonak kugilingga paga nen ilik, mbi noogelo paga nen a, kanggwi, kota pak wurik endekem ando mogonak wooluwak paga inoorak kanggwi, ndi, ando mogonak o wiya irip-irip warit nage menggi kwak mappiige logominggirik, nawooluwak nutik muguren nage neenok kanggwi, eerugun o.

Pelaareegerak 28:48

at Aliku ALA nen kinawim nappiya woramenggerak nogo inayeloman a'nuk, mbi abu, niyo abu, kinayum yirik lek, kinamindik-kinamendek abu lek we kinagap mbelanak wonogo logonet, inake eeko logomunggup o. Eyo aaninggin tapi enggaanok paga kwippogo mengga kwak, at Aliku ALA nen mbuti aaninggin negen kinali'luk paga kwippinagamenggerak aaninggin ndugu aago logonet, kineebe aret lek ogo logomunggup o.