Leendawi 1:11 - Ala Wone Peenok Peebi Mbanak

¹¹ At aagalogwe time menggaarak abok nen mbi kwaarit nugu logonet, “Ai-ao,” yogwe, Kangga'lek ineenik logowok nduk inamendek onggo iya mendek paga mbi kunggologwe, Eeko agaarik o. Eekwi me, “Kaliku ALA wae. Aakumi nen, Ogole o, yinuk, yo'nugwi yi, kenegen pe'neege, liippanege, Eeke logot o.” Yinuk, yoge agaarik o.

Leendawi 1:11 ပူးပေါင်းရင်းမြစ်များ

2 Endagembogut 6:25

Eekwi tit iigak, mbi noogelo nggwok agagerak me, mbi abu nen keledai ambit anobak onggo nggwok mbuti perak 80 paga kunggwi, ndi, towe puume inaan wurik togolowak mbuuluk yonggolak ti, onggo nggwok mbuti perak 5 paga kunggwi, eeko nogogwaarak.

Ayup 40:4

“An aap abu yunduurak aret me, Wone nonggop yokkirubok kenok, noone lek puk ari o.

Ndawi 79:4

Togop aago wonogwe iinok, Aakumi ninom korotok wonogwe nen ninagi'ndok kanggwi, Ninaagan-ambokan menggaarak nen, “Op eeppiiga,” yinuk, Miyuk-meya eerogo pinanugwi, Eeko agaarik o.

Yeremiya 15:19

Yoge mbaki, at Aliku ALA nen yo'negerak nogo yi aret. “Kat komaluk mbo punuk, kiyokan yungguninuk neya wage keenok, Aa'nduk eeke nagandak kwak eerogo pagage neenok, nake eerit nage logonok nduk eeppagage, Ndi, koone abe lek ugun-ugun agan nage nogo mbo punuk, wone abe mendek mban agan nage keenok, An ari neegak yoraga mendek eerogo pagage, Eerigin o. Kat nen it iya nagak eerugun o. Ata, it nen mban kat keya wagak eeko logowak o.

Yeremiya 19:9

Inawim nen oonda mbanogo inoorit ungguwok nduk wakkagak mban eekwi iigak, Mbi lek me nano nawi? yinuk, inapuri wologwe-komologwe inoorogo inenggaanggum nunggwi, inoreewi inooppunuk inenggaanggum nunggwi, eeruwak nduk, eerogo piyaagin, yegerak, yoret o.

Yeremiya 38:9

“Nowe kendagembogut wae. It aap yi nen Ala yoge kagak yoraga Yeremiya eebe waganogo niyo kabunik me wuppegaarak nogo, o kota yime oroti abu lek arit nage paga kambuwak nduk, eekaarak ti, mondok maluk aret eekaarak o.”

Yeremiya 52:6

Ndi, tut 4 penenak tanggal 9 paga o kota time aakumi inambi noorak abu lek aret agagerak me, mbi abu mondok iya aganabeegerak.

Leendawi 1:8

O kota Yerutalem ti, maluk lombok eerit nage nagagerak me, ogole warak aret wonage agaarik o. Aa'nduk at ayuk wuko nogogwaarak abok aret nogo nen agap mbelanak wonage inigen kenok, meek eerogo pugwi, Ndi, at kunduk, “Nonggop agi?” yinuk, enggali nen ena ambokan na'nagik wonage, Eeko agaarik o.

Leendawi 1:9

Omaluk nogo ayum irip paga lenggenak wonage, “Peebi ndogop eeppaniyak,” iniki liippega'lek wonage, Eereegerak me, At tebenogo pereegwaarak nogo ti, mondok iya aret o! It ambi nen iniki eyak wappega'lek aret wonogogwaarak me, “Kaliku ALA wae. Nawim ineegin tiyak yegerak paga eerogo panugwi yi, kenegen pe'neyet o,” yinuk, yoge agaarik o.

Leendawi 2:11

An nanebunu mendek inenggaawak lek ogwe, Inapuri wologwe komologwe inom, elege ngget ndarak inom, o kota tu paga tu paga time inambuluk pit nogwe, Eekwi ti paga Le ari logonet nenegen piirogo panege, niniki andi lombok ee'nake, niniki awi lik-lek eerogo panege, Eeke agaarik o.

Leendawi 2:12

Elege ti nen aap inoorak kwak o kota tu paga tu paga inambuluk pit nogwe, Inagalomini inaawi paga logonet kambit nogwe, Eeko logonet, “Kwiya wae. Mbi wo'niru o. Niyo wo'niru o,” yinuk, yorogo agaarik o.

Leendawi 2:20

“Kaliku ALA wae. An eeppanege yi kwak, Ambi ta eeppigirak, nduk eeppanege agandik? Lek aret me, An yi, kenegen pe'neege, liippanege, eeru o. It kumi inaagalogwe inikime nen lombok ndarak inabuwa mbako logonet, ndegeninakwi nogo inoorogo nunggwi, Ndi, it aap keebe unde inom, yorage keegak yoraga inom, nogoba Ala kawi wurik alik leenak me nogome nen inoorogo piigwi, Eekwi ti, op mbaken?

Leendawi 5:1

Kaliku ALA wae. Nit ninoba agagerak nogo abe'ninake, Nit tebenogo pinaneegwaarak ninendage lek agagerak nogo kenegen pe'niige, liippinanege, Eeru o.