Ndi, at Talomo nogo, niyo Eparat wappunuk nok, aap Pilitin wonogo menggam nen, o Metit kuli, yi aap ndi aap inabu'me piinok wonogo menggam abok aret inowe endagembogut logonet wone lengganogo yorage nagagerak. At Talomo kangga'lek eenik wonage kagak, it aakumi o time wonogwe apit aret nen at Talomo abu'me logonet, at oone mban konenggwi, inarum wonage onggo wogori wogwe, eeko nogogwaarak.
Leendawi 1:1 - Ala Wone Peenok Peebi Mbanak1 O kota ti, aa'nduk aakumi ambik inale'nggen nen noone-koone agan nogo nogogwaarak kwe, Yogondak perak, yi oone ndi oone lek agaarak ti, iya! O aa'nduk nen yi aakumi ndi aakumi inenggela'me abu tiyanak wonagagerak kwe, Yogondak kwe nanu pugu kwak aret wonage, Aa'nduk yi kota ndi kota enggela'me kwe nggwok kwak aret wonagagerak kwe, Yogondak perak, aakumi inayeloman kwak agaarak wonage, Eerak aret agaarik o. အခန်းကိုကြည့်ပါ။ |
Leendawi 1:1
38 ပူးပေါင်းရင်းမြစ်များ
Ndi, o Yerutalem endagembogut logonet, wone lengganogo yorage logukwak, aap Pirawun Niko nogo nen aap Yowakat keele maarogo o Kamat kota Iribala mambereegerak time wonage kagak, it Yekura mendek yorage logonet, “Wu mbuti perak aaninggin tiga ribu empat ratus inom, emas aaninggin 34 inom, mbet-mbet kuwak eerogo pi wa'nip o.”
Ndi, at Pirawun Niko nen, “Wu mbuti perak-emas ndogop puurak o,” yereegerak nogo, at Yoyakim nen, “Kinalitak lombok kinawu ndogop kuli niri wogo logonip o,” yinuk, it Yekura mendek yorage mbareegi, it aakumi o nogome abok aret wu nogo iri wogo mbareegwa, at Yoyakim nen Pirawun Niko nogo wogoreegerak.
ndi, aap inoweewi inendagembogut inomaawi ambik o Yerutalem unde wonogo logonet, yi o ndi o niyo Eparat nen oonegen kilu yi nage menggim time pa'nggwe wonogwe nogo yorogwe iinok nggween onggo inom, inarum wonogwe onggo inom, unggwi wogo logonet onggo inom, ira nogwe, eeko nogogwaarak abet aret mbanak kagarak o.
Ndi, maluk eerit nogo nogogurak paga ninanggween mili paga yi mendek ndi mendek yakootak anggen ka'let age kenok, it wone lengganogo yo'nirogo logowak nduk, aap inendagembogut mippiyareegindak nogo, it aret nunggwi, ndi, nineebe inom, ninaanggumi inom, ninarum wonogo logonet, eeppinaniyak mbakwi kenok mban eeppinanugwi, eekwi me, nit nonggop eekkoloobok aga o.
Yogwi iinok, inikime mbake logonet, An ndegeninake logokit nduk aap ta nen apuri yi, ndarogo wo'negerak mbakop? Naagalogwe lek ogogwaarak kenok, niniki puru aago wonage, Ambinom ndaganaka'lek wubili wonage, Keele maarogo piya nogogwaarak iigak nalik aret wonage, Eeke nagagirak kwe, Elege-aabologwe yi, ta nen tawe eeginabeegerak mbakop? Mbo paneegwaarak nalik aret wonagagirak kwe, it yi, ngga nen wagaarak wonogo agaarik o? Yinuk, mbake logomunggun o,” yinuk, yoge kagarak o.
It aap wone obeelom wone wonok wogwe, Lambumbagarak wone agan wogwe, Obeelom eeppagarak wone yokkiri wogwe, Kagap ndariyak wone yokkiri wogwe, Kogoba Ala ti, endagembogut aret o, yinuk, kat o Tiyon yokkugwi, Eekwi nogo Puut paga kin ari wogwe iinok, kiniki ale'nggen alik negen nggelok yigin me, iya o!
It aakumi nen at enggali eerogo pugun lek me, at agabiti mbake, Endage maluk eerogo pugun lek me, iniki piirik age, Eerugurik o. Kwe tawe negen logonet eeke nagagerak paga enggali mbakak nege nagagerak nogo ami age, Kwe togwe negen kenok, enggali wappogo nogogwaarak nogo abeka'lek mbo pege, Eerigin o.
Aliku ALA nen yegerak nogo yi aret. “At Yakup eeppuurak paga it iniki ale'nggen nen ndawi wakwi, Yi aakumi ndi aakumi inenggela'me iya lombok ti, Iterali aret me, inale'nggen nen kuum-keek yogwe, Inoone nggwok paga yogwe, Iterali inendage tiyappugwi, eeko logonet, Kaliku ALA wae. Kapuri Iterali eegu yumbunik nogo inagap ndaru o, yinuk, yo'nogo logowak o.
Ka wogo mbareegwa, at Tapan ombooluk Akikam aput Nggeraliya nogo nen it inawuri inom wogogwaarak nogo yorage logonet, “It aap Mbaben mendek inabu'me logonet, inayuk wuriyak kinagabiti mbariyak mage o. Ata, o yime wonogo logonet, aap Mbaben inowe endagembogut abu'me logonet, ayuk wukwi kiinok, kineebe op aret logomunggup o.
Ala yoge kagak yoraga Yeremiya nogo ka wogo nogogwaarik, at yogo logonet, “Nit aa'nduk aakumi ambik aret wonogogurak kwe, nineebe we mbuuluk mban yumbunogo pinaneegwaarak wonogwe nogo kenegen abe nen niigendak me, nit yumbunik abok aret ninake nen kogoba Aliku Ala nggino yo'nok nduk, kat kowagam ari wogo o.
At Omaawi Lombok Menggerak Iterali inogoba Aliku Ala nen ari logonet, “An nen o Yerutalem inom, o Yekura kota-kota abok aret inom, aaninggin mondok iya inoba kwippiige neyareegwaarak nogo o. It maluk lombok eerit nogo nogogwaarak paga yogondak o ti, aakumi wonogwe lek, o wogo langgu-langgu eerak aret agaarik o. An wonage neegak kwe, inombomini inom, it inom, inagugi ineenggo'lek mendek ake obari abe kaga kani kunggwi, abu'me tebe yinuk ayuk wukwi, eeko nogogwaarak paga nanini nen o ti maluk eerogo pereegirak o.
Ndugwi nen puut lenggenogo pit nage menggi kwak, Nogoba Ala anini o Tiyon Aagalukwe oba lenggenogo pereegerak ti mondok iya o! Iterali endage tiya agan mbogut paga ari laganeegerak nogo nggween paga mbo wuppi wage, At anini eeppiyoorak eyom paga at iyok pi wangge menggim teppega'lek anini inoba kwippege, Eereegerak o.
O Tirut eeppege neenok, it niyo aa'nggi paga wonogwe inoweewi nagawan-nagawan nen it wone lengganogo yorogo menggam mbo pugwi, inendagembogut logonet inayum nggorek yiko menggaarak nogo nggoorogo pugwi, inayum yabenggek aago nogo nggoorogo pugwi, eerugun o. Eeppunuk, inamineeri ne agan nage kagak nggween paga kwi'na'nuk, inaganak wako logonet, O kota Tirut eekerak ti iya! yinuk, ineenggi ineyak tikkologo logogun o.
“Aakumi nen ndarak yi wae. O kota Tirut nen o Yerutalem abok mbangge logonet, Yi aakumi ndi aakumi yinggwi-unggwogwe eeko menggam kota Yerutalem ti, abu yigirik-noonom agaarak wonage me, yogondak tu an paga wogo logogun o. At yinik-minik eerak wonage kagak, an perak, iya lombok arigin o, yinuk, yereegerak me,
Inom wim mbanak nen aakumi Iterali iname nen mugogo wumbiinok, muguren inoorit nogwe iinok, yi aakumi ndi aakumi inanebunu alitak lombok inenggela'me ma'narit nawak nduk, inom wim mbanak yonggo piyaminggirak eeppiya wogwe iinok, Iterali inawi kota abe wurik ti lek age, ndi, inanggween nogo ti, we o wogo wonage, eeke logogin o.
O kota ineebe op wonogo logonet, iniki ugun tayenak inale'nggen paga wonogwe eeppiyoorak nogo ti aret. At mbake logonet, “An neebe yi ti, iya aret me, an kokwak ambi lek aret,” mbareegerak kwe, O karume aakumi lek nggween mbuk aago menggi kwak aago wonage, Ndiimbu-nggwiya eyonggaame mendek time ye mbambatinuk wonogwe, Eekwi yi, mondok iya o! It aakumi tu ti paga nogo logonet, “Kayik a! Op togon eerogo pigi,” yinuk, enggali wappegak nogo logogun o.
At Mbaben nogo ti, kwe yawukak nogo pogom me, iniki mbake logonet, An kwe togwe wonage nen niniki wakkolage logonet, le yikit lak kwe, aap pe'neya wogo menggaarak ineebe ambik wonogwe me, An kwe nggwok aret kagi, mba'nuk, niniki ale'nggen ambik mbake agarik o, yinuk, Iniki wogoppake logonet, endage tiyanak paalo aago mban wonage nogo obaane'me ale'nggen lek age logomenggerik, Iniki puru ari, andi yagan yobak-nggolak wake, eeke logowak nduk, aaninggin mondok oba kwippogo logonip o.
ကြော်ငြာတွေ