Kolote 4:6 - Ala Wone Peenok Peebi Mbanak

⁶ Yi aakumi ndi aakumi inoone yokkira wogwe iinok, onggo yorogo logonet, mbiingga ombat abe kaawak nduk, mayu eeko mengga kwak, kit togop aret kinoone ale lek inabuwa mbako logonet, yanggorogon yorogo logonip o.

Kolote 4:6 ပူးပေါင်းရင်းမြစ်များ

1 Mbinineegwaarak 16:24

At mondok tiyanak menggerak nogo, aakumi lombok inenggela'me mbininogo yorogwe, At iya tit eeke menggerak nogo, aakumi inanebunu lombok yoranet nugwi, Eeko logonip o.

Ndawi 105:2

At ale'nggen mbaruwak nduk, ndawi wakwi, Ndawi paga endage tiyappugwi, Iya tit eeke nagagerak nogo abok aret mbininogo yoranet nogwe,

Ndawi 119:13

Eekaatak ndak-ndak eeppiigo logorak wone koone paga nen yo'nege menggendak nogo, An noone paga mbininogo yoranet nege,

Ndawi 119:46

Koone aberak logorak yugu nogo, It aap inendagembogut inenggaanom paga Nenggali lek logonet yorage, Eeke logogin o.

Ndawi 45:2

Aap ando obeelom negen iigak, Kalik perak, abu obeelom lombok wonage, Koone abu abe yanggorogon mban ari, Eeke menggendak me, Ala ale'nggen koba pagareegerak Mondok-mondok aret wonage agaarik o.

Ndawi 66:16

Kit Ala kinagabiti mbako monggotak yi wae. Ala nen eeppanit wage kagarak nogo Mbininogo yokkirage neegak, Kinaruk liirogon konenggo logobagip nduk, woraanip o.

Kini Wuppiige 10:21

Aap iniki abe koonak inoone paga nen aakumi ambik iniki kole eerogo piigo menggaarak kwe, Aap iniki lek wi nogo perak, iniki lek me, we aret kanggo menggaarak.

Kini Wuppiige 15:4

Inoone yanggonak yogwe paga eyo ki lagangge menggi kwak, aakumi obeelom eerogo piigo menggaarak kwe, Inambokan laganuwak nduk agan nugwi paga perak, aakumi iniki andi eerogo piigo menggaarak.

Kini Wuppiige 15:7

Aap iniki warak nen agan nugwi paga yi wone ndi wone ineenu eeppiinet nugu menggaarak kwe, Aap iniki lek wi kenok perak, togop eekulik o.

Wone Alom Kibingga 10:12

Aap iniki warak nen inoone yogwe ti, aakumi koneniyak inikilom mbako menggaarak kwe, Aap iniki lek wi nen agan nogwe paga perak, it ineebe aret lek eerogo pako menggaarak.

Yetikiyen 43:24

Warogo punuk, warak wonok Aliku ALA enggaanom paga pi wogwe iinok, it at eebe unde nen mayu ineebe paga yumbunogo punuk, Aliku ALA ake kani kunggo logowak o.

Ala Unde 2:13

Gandum anggen yigirik worarogo nake puurak kenok ti, mayu eerogo punuk mban wo'nogo logowak o. It inogoba Ala an ninom wone abuk nggaruk togon mbaneegirak nogo aberak logowak nduk, mayu eerogo mban lako menggaarak me, nake pi wogwe iinok, mayu eerogo mban nake pi wogo logowak o.

Matiyut 5:13

Wone ambinom yorage logonet, “O nggween paga yime mayu andi warak wurik pogom ti, kit aret kwe, mayu andi lek wurik kenok, nonggop agago andi warak eerogo puurak mbakop? Andi wonage nen, ambi eeriyak op aret kwe, andi lek kenok, mbo pegaatak me, aakumi inigen kogo nagaatik, Yi abe lek me, yinuk, iniyok paga pelenogo nappit nogo menggaarak aret o.

Marakut 9:50

Mayu ti, obeelom aret kwe, andi lek wurik kenok, nonggop togon eerogo andi warak eeriyak o? Kit mayu andi warak pogom aakumi inenggela'me logonet, kinom lambunik aret logonip o,” yinuk, yoragagerak.

Lukat 4:22

Yorage mbareegi, it aakumi abok aret, “Wone ti abet aret yigi o,” yinuk, at wone abe kigirikwe ari me, “Wi!” yinuk, pi wako logonet, “Yi aap Yutup aput nogo lek a?” yinuk, yogogwaarak.

Epetut 4:29

Wone maluk mendek kinambe paga nen wumbi woroorak ti mage o. Ata, it konenggwi nogo nen, “Ninabuwa nen yo'nirogwe iigo o,” yuwak nduk, aaninggin ambi inoba age kenok, iniki kole eeppiyoorak wone mban yogo logonip o.

Pelaareegerak 11:19

Kinapuri mbininirogo logonet, oome kwi'ndak logonet, endekem tu paga nogo logonet, yonggonggologo logonet, yabu eeko logonet, liirogon aret mamunirogo logomunggup o.

Kolote 3:16

Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wako logonet, “Nogoba wa,” yinuk, Ndawut nen ndawi pereegerak inom, ki wone ndawi inom, Ala eeke menggerak ndawi inom, abok aret warit nogwe, eeko logonip o.

1 Peterut 3:15

“Keritut ti, nit ninowe aret logowak o,” yinuk, alik leenogo punuk, at mban oone konenggo logonip o. Ndi, kit kiniki lunik wonogwe nogo, it aakumi nen, “Yo'niraanip o,” yinuk, kin wokkiigwi iinok, kiniki abe paga kinoone yanggorogon onggo yoroorak nduk, wone koonogo punuk logonip o.