Kolote 3:20 - Ala Wone Peenok Peebi Mbanak

²⁰ Kit wologwe-komologwe yi wae. Kit kinowe inikilom kinombaruwak nduk, kinagalomini-kinogobamini inoone yokkirogwe abok aret liirogon konembunuk, eeko logonip o.

Kolote 3:20 ပူးပေါင်းရင်းမြစ်များ

Wakkagagerak 28:7

“At Yakup perak, agalo-ogoba inoone liirogon aret konembege nagaarik, o Paran-Aram nagaarak kagi o.”

Wundeegwaarak 20:12

Naliku an kinogoba Ala nen kinanggween wokkiraawam time logonet, li a'nuk kanggo logomunggup nduk, kinagalo-kinogoba inayuk wuko logonet, inoone liirogon konenggo logomunggup o.

Kini Wuppiige 20:20

Aap ambi nen agalo ilik, ogoba a, kugi pulunogo pege kenok, O iniki apit aago paga andi wuninik wonage nogo noguk yigin o.

Kini Wuppiige 30:11

It aap ando inapuri nen inogobamini pulunogo piigo logonet inagalomini inale'nggen inoba piiga'lek mbo piigwi,

Kini Wuppiige 30:17

Wulaga ambi nen ogoba eeke paga enggali nen enegen laambok andiigwi wake, Ndi, agalo yoge nogo, “Eeriyak neebi,” mba'nuk, meek eerogo pege, Eeke nogo ti, Towe ya'ngge-ya'ngge o kobappaga nugwi nogo nen at enegen ti, kilirogo nunggwi, Ndi, towe pen ware nen at eebe warak nibik togon nenggak eekwi, Eeko logogun o.

Kini Wuppiige 6:20

Naput yi wae. Kogoba nen, “Yogop ee'nu ndogop ee'nu,” yokkege nogo liirogon unde wonage, Kagalo nen wone mamunggege nogo kobak eerogo pega'lek porogo wonage, Eeke logot o.

Yeremiya 35:8

At Erekap aput ninombo Yonarap wone lengganogo yo'niragagerak ti abok aret eerit wundi wogo logonet, nit inom, ninakuwi inom, ninapuri wologwe-komologwe inom, abok aret nen anggur amburu nunggwi,

Yetikiyen 22:7

O kota enggela'me time aakumi inogobamini inom, inagalomini inom, meek eerogo piigwi, at enggela'me time aap nggiru aaninggin inoba piigwi, elege moono inom, kumi nanu inom, tebenogo piigwi, eeko nogogwaarak o.

Ala Unde 19:3

Naliku inogoba Ala an aret me, inalitak lombok nen inagalomini-inogobamini inayuk wukwi, ndi, nogo 6 yippunuk, ko'lu paga yonggonggologo logorak nake leenogo pateegirak nogo liirogon aret abekwi, eeko logowak o.

Maleyaki 1:6

At Omaawi Lombok Menggerak Aliku ALA nen ari logonet, “Aap ambi aput nen ogoba ayuk wuke, ndi, aap ambi ayeloman nen ogoba ake eeke nogo ayuk wuke, eeko menggaarak me, an inogoba kenok, nayuk wuko logorak op aret kwe, wuka'lek nonggop nduk agaarik o. Ndi, it an nayeloman mini nake eeka aret kenok, an nayuk wuko logonet, inagabiti mbako logorak op aret kwe, mbaka'lek ti, nonggop nduk agaarik o,” yinuk, yegerak o. “It aap an neebe unde nen aret an nendage maluk eerogo pogo agaarik o. Nendage maluk eerogo pogo logonet kwe, Nit nonggop negen at endage maluk eerogo pogoorak me, yo'nirage agaarik? yinuk, yogwe,

Matiyut 19:19

Kinagalo-kinogoba inayuk wuko logonet, inoone liirogon konenggo logonip o. Kit kineebe kiniki kunik eekkologo monggotak pogom, kinom monggotak togop aret kiniki kunik aganako logonip o.”

Epetut 5:24

Ndi, Ala apuri yi awi ndi awi monggoorak nogo ti, Keritut abu'me logonet, oone konenggo monggoorak nogo pogom, kit kumi togop aret kinogonggelomini inabu'me tebe yinuk, logonet, it inoone mban konenggo logonip o.

Pelaareegerak 27:16

Aap inagalomini-inogobamini inayuk wuka'lek meek eerogo piigwi nogo pulunik aret logowak o, yogwe iinok, It aakumi abok nen, Abet aret o, yogwe,

Pelaareegerak 5:16

At Aliku kinogoba Ala nen kinanggween wokkiraawam time logonet, yi wone ndi wone kinoba aga'lek kineebe obeelom li a'nuk kanggo logomunggup nduk, at Aliku kinogoba Ala nen yokkiragagerak ndak-ndak kinagalo-kinogoba inayuk wuko logonet, inoone liirogon aret konenggo logomunggup o.

Pilipi 4:18

Kit nappani wogogutak nogo, abok aret waganeegirak me, lek aga'lek wonage aret o. Ala ake pugu kani kunggwi obari obeelom kenok Ala nen, “Op wo'nega o,” yinuk, iniki ale'nggen mbake menggi kwak, kit an nake pugu aap Epapororitut nen wo'niruwak nduk nappi wogogutak nogo, wonok niri wage mbareegi, wagangge nagagirik, ndiinik-piinik agago pereegirak lek aga'lek wonage aret o.

Kolote 1:10

Kinake tamban eekwi ti, ninowe inikilom kinombaruwak nduk, ndak-ndak eerit nogo logonet, eyoonggen abe yi'nage menggi kwak, obeelom eerit nogwe, ndi, Ala eeke menggerak kineenu ogo logonet, kiniki kole ogwe, eerubagip nduk, kinake tamban eeko monggoorak.

Kolote 3:22

Kit aakumi inayeloman monggotak yi wae. Kinogobamini inikilom kinombaruwak nduk, inigen wonogwe iinok mban eeko logorak ti mage o. Ata, ninowe ayuk wuko logonet, it yokkirogo menggaarak nogo abok aret, “E o,” yinuk, kiniki abe paga inake eerit nogo logonip o.

Titut 2:9

It aakumi inayeloman nogo ti, inogobamini lombok nen yorogwe nogo, inoone konembunuk, wone onggo yoraga'lek iinok, inogobamini inikilom logowak nduk, yorage logot o.

Iberani 13:21

at Ala eeriyak mbake menggerak nogo, kit mondok ndak-ndak eeko logobagip nduk, yi mendek ndi mendek abe mendek kenok mban li'luk eerogo wokkirage, ndi, Yetut Keritut eereegerak paga kit eeppinagarak inikilom mbake menggerak nogo eeppinagage, eeke logogin me, at endage mondok-mondok tiyappogo logowok o. Amin!

Urut 3:5

Yoge mbareegi, at Urut nen ari logonet, “Yo'negendak nogo abok ndak-ndak aret eerikit o.”