Kolote 3:2 - Ala Wone Peenok Peebi Mbanak

^2-3 Kit kanggo mbareegup, Ala nen kineenik agago mippinagage nagagerik, Keritut kinom Ala iniki me kumaappinagago wonage me, kiniki nggween paga mendek paga panggombunuk logogup o. Ata, kiniki agi mendek paga mban panggombunuk logonip o.

Kolote 3:2 ပူးပေါင်းရင်းမြစ်များ

1 Mbinineegwaarak 22:19

yogondak aret kit kiniki inom, kineebe inom, waganogo Aliku kinogoba Ala wogo'nuk, At mban mugurok nogo logowok o, yinuk, abuk nggaruk togon koombunuk, mugurok nogo logonip o. At Aliku ALA aloobut mbanak me wone abuk nggaruk togon kooneegerak yonggolak nogo inom, yi mendek ndi mendek eekak Ala ake leenak nogo inom, Aliku ALA endage ki logorak awi wuruwam nogome mambi woraamunggup nduk, Aliku Ala alut eeko logowam aret wu'nip o,” yinuk, yoragagerak.

1 Mbinineegwaarak 29:3

Ndi, Nogoba Ala awi wuriyak, uugwe lombok mbake minggirak me, yi mendek ndi mendek pipuk eerogo pigirak nogo, oba lunogo an nogoba Ala awi wuriyak ake an namendek lombok mbuti emas inom, perak inom, pereegirak nogo ti,

Ndawi 62:10

Aakumi inamendek nomonogo kologwe paga Kiniki panggonak wonogwe, Inamendek ndinggologwe paga kiniki wogoppakwi, Eeko logorak mage o. Kinamendek ambik age kenok, Kiniki ti paga panggonak logorak mage o.

Ndawi 91:14

At Aliku ALA nen ari logonet, “At aap ti, iniki kunik ee'nake me, agap ndake, Ala ti, an nogoba aret o, yinuk, ari me, arum wonage,

Kini Wuppiige 23:5

Towe pen ware oo'nu enaabit wungge nagaatik, wiga agan ogona time iyok lek lek ari nage menggi kwak, Kamendek wonage ti, kenegen awo pekkage keegak, aret lek arigin o.

Wone Alom Kibingga 7:14

Ne obeelom logorak ari wage kenok, kinale'nggen mbakwi, Ndi, ne maluk logorak ari wage kenok perak, “Peebi ee'ninaburak nit aakumi nineenu arukwak, Ala nen ne obeelom logorak inom, ne maluk logorak inom, imbirak eerogo pinanegerak kogo o,” yinuk, liippugwi, Eeko logonip o.

Matiyut 16:23

Yoge mbareegi, at Yetut ena logurogon pekkage logonet, Peterut yoge, “Kat Ibilit negen ari yi, Ala iniki mbake nogo eeriyak mba'nuk ari lek o. Ata, aakumi iniki mbakwi nogo eeriyak mbake logonet, an non mbambanege me, mondok nak o,” yoreegerak.

Matiyut 6:19

Wone ambinom yorage logonet, “Nggween paga yime kit kinamendek yininuwo nibingge, yi'mbaani kungge, it aap yogoot wagangga nen tu kuurogo kinamendek wa unggwogwe, eeko menggam yime kinamendek kuwak eerogo pako logogup o.

Lukat 12:15

Yoge nagagerik, Yetut nen aakumi yorage logonet, “Kinamendek apit wonage nogo paga kineenik eeko logorak lek me, uugwe-uugwe mbakwi kiyo, kiniki tum wako logonet, liippogo logonip o,” yoragagerak.

Lukat 16:11

Togop me, yi mendek ndi mendek nggween paga mendek nogo liirogon unde wonogwe lek kenok, abe mendek unde logobagip nduk, ta nen unde eeppinagagin mbakop?

Pilipi 1:23

An Keritut nimbirak logorak ti, op lombok mbake logonet, nggween paga yime mbo punuk, ka noorak, “Ao,” mbake kwe, kit ninom logonet eeppinagarak ambi wonage mban me, niniki abu mbere ee'nake o, noreewi.

Kolote 3:1

Keritut eenik agago mippege logonet, kinom kineenik agago mippinagareegerak me, Keritut Ala eenggi abe'nggan paga kwi'ndak menggim mbogut paga eeko menggaarak wone nogo mban kiniki panggombunuk, logonip o.

Kolote 3:5

Togop me, noreewi o. Kumi ugun wurinabit nogwe, kiniki kumi paga mban lunik nugwi, kiniki nengge nogo mugurok nogwe, maluk eeriyak mban kinikilom mbakwi, yi mendek ndi mendek koloorak uugwe mba'nuk, tiyappugwi nogo ti, kugiwak alut eekwi ndak-ndak me, uugwe-uugwe mbakwi, eeriyak mage o. Ti eerit nogwe kiinok, Ala anini abet aret kinoba pinagarak me, ti eeriyak eekkinake nogo abok aret mondok warogo wuppogo logonip o.