Kolote 3:19 - Ala Wone Peenok Peebi Mbanak

¹⁹ Ndi, kit aap yi wae. Kinakuwi inabuwa mbako logonet, kinoone andiigwi yorogo logogup o. Ata, kinoone yanggorogon yorogo logonip o.

Kolote 3:19 ပူးပေါင်းရင်းမြစ်များ

Wakkagagerak 24:67

Mbininogo yoge mbareegi, Itak nen kolaga Iribaka nogo kolage nagagerik, wonok agalo Tara ame wonagagim nogome imbirak unggwogogwaarak. Unggwogo nogogwaarik, “Yi nakwe aret kolagi,” yinuk, iniki kunik eekkolage logonet, agalo kambeegerak paga iniki puru ari nagagerak nogo lek aret agagerak.

Wone Alom Kibingga 9:9

Oonegen abu'me yime we aanom warogo keenik logorak ne Ala nen eeppagareegerak nogo, lek ari nage kagak, at kiniki kunik eeke kakwe nogo kimbirak kinale'nggen mbako logonet, eerit nogo logonip o. Ne aanom warogo kineenik logorak wokkiragagerak nogo lek ari nage kagak eeko logorak punik wonage, ndi, oonegen abu'me yime ligak wuundamo eerit nogwe, eeko logorak nogo ti aret.

Lukat 14:26

“Kit kinogobamini-kinagalomini inom, kinakuwi-kinapurilogwe inom, kinowelogwe-kinawurilogwe kumi-aap inom, ndi, kit kineebe lombok inom, Yi neebi o, mbaka'lek kagak an nowagam wogwe kiinok, an noone waganggwi mendek arumunggup lek o.

Oroma 3:14

Inikime maluk mban yagabit aago logonet, aakumi pulunogo piigwi, Inoone andiigwi mban agan nugwi, Eeko menggaarak o.

Epetut 4:31

Kinoreewi kinom ogoorak wonogwe, neebi-keebi yogwe, nanini-kanini yogwe, wone wakwi, miyuk-meya eerogo piigwi, kinoreewi maluk eeppiigo monggotak nogo mendek abok aret mbo pogo logonip o.

Epetut 5:25

Ndi, kit aap yi wae. Kit kinakuwi warak kenok, Keritut nen nit Ala apuri yi awi ndi awi monggoorak nogo, ninabuwa mbake logonet, “Inake kambikit o,” yinuk, ninake kambeegerak nogo kwak, kit kinakuwi togop aret inabuwa inombako logonet, obeelom eeppiigo logonip o.

Epetut 5:33

Ata, kit aap kineebe kiniki kunik eekkologo monggotak kokwak, kinalitak lombok kinakuwi inabuwa mbakwi, ndi, kit kumi kunduk, kinogonggelomini inayuk wuko logonet, inabu'me tebe yinuk, inoone konenggwi, eeko logobagip nduk, inom aret yokkirage agarik o.

Kolote 3:21

Ndi, kit aap kinapurilogwe warak yi wae. Iniki wakkologo logonet, inogogumbuk ogwe iyo, kinoone panggok togon kinapurilogwe inaruk wakak yuurak mage o.

Yakobut 3:14

“Niniki warak aret,” mbakwi kwe, kinoreeluk ambi anini eeppogo logonet, worokot liinik agan nugwi, “An koongge mban eeriyak,” mba'nuk, agan nugwi, eeko logonet kwe, “Niniki warak o,” yinuk, wogoppatiyak ti, mage o. Togop agan nugwi paga Ala ndogop menggerak wone yugu kagak, abut laganggwi me, kit pilit pugunit nugwi aret kiigi o.

1 Peterut 3:7

Togop me, yogondak kit aap kinakuwi warak nen eeko logorak ambi yokkira o. It kumi ineebe ndeyak inomaawi lek wonogwe me, kinakuwi kinom logonet, inabuwa mba'nuk yeenggwaarogwe, ndi, kiniki ogoorak logonet, kinom tamban eeriyak meek eekkinake kero, “Ala ninabuwa nen nineenik mondok logorak mendek ninakuwi ninom ndak-ndak unde eeppinanigin o,” yinuk, obeelom eeppiigwi, eeko logonip o.