Kolote 3:16 - Ala Wone Peenok Peebi Mbanak

¹⁶ Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wako logonet, “Nogoba wa,” yinuk, Ndawut nen ndawi pereegerak inom, ki wone ndawi inom, Ala eeke menggerak ndawi inom, abok aret warit nogwe, eeko logonip o.

Kolote 3:16 ပူးပေါင်းရင်းမြစ်များ

1 Endagembogut 3:28

At endagembogut Talomo nen kumi ti inawone mbaneegerak paga it aakumi Iterali mendek abok aret konenggo nogogwaarik, “Ala nen aakumi inawone amburu mbangge logowak nduk, iniki warak eeppereegerak ninowe endagembogut yi, Wi!” yinuk, pi wareegwaarak.

1 Mbinineegwaarak 25:7

It yi inom, inoreewi ando ambik aret inom, Aliku ALA alut eekugak yi mendek ndi mendek oone eekak paga eekwi abu kani warak lombok ineebe lambunik ti, dua ratus delapan puluh delapan aret.

Ayup 23:12

At lombok nen, Yogop ee'nu ndogop ee'nu, yo'nege nogo, Mbo pega'lek ti mban mugurok nage, At oone ari menggerak nogo niniki kunik eekko'nok li'lak mban eeke, Eeke agarik o.

Ndawi 119:11

Kat maluk eeppagukwak, koone yugu nogo woppunuk, Ninikime liirogon porogo minggirak o.

Ndawi 119:54

An ya agak nda agak nogo yit nage logonet, Koone lengganak nogo aret ndawi pit nage minggirak.

Ndawi 138:1

Kaliku ALA wae. Niniki ambit eeppunuk, “Wa,” lombok yokkege, Kugi abok inenggaanom ndawi paga Kanep tenok-mbenok tiyangge, Eerigin o.

Ndawi 28:7

Nomaawi inom, nanggeemu kwak inom, Kaliku ALA kat aret o. Niniki koba panggonak wonage neenok, Yeenggwa nege menggendak me, Niniki ale'nggen alik negen ee'nake, “Wa!” lombok yokkege, Eeke logonet, Ndawi wake agarik o.

Ndawi 32:7

An kumaa'nage minggim kat keebe aret o. Aaninggin noba age kero, kat unde wo'nake, “Ala nen kagap ndakerak o,” yinuk, Neebe yendok-wandok ndawi warit nogo logowak nduk, Eerogo piige, Eeke logomunggun o.

Ndawi 71:23

Nagap ndarogo paneegindak an nogo nen Ndawi paga kalut eeke logonet, Niniki ale'nggen lombok nen kuum-keek ari logogin o.

Kini Wuppiige 14:8

Aap iniki warak nen iniki penenak logonet eeke ti, at eerit nage nogo liippege menggerak aret kwe, Aap iniki lek wi negen eerit nage ti, aakumi inambokan laganikit nduk, pilit agan nege menggerak.

Kini Wuppiige 18:1

Aap ambi oreewi inom ogoorak logonet, at eeriyak uugwe mbake nogo mban eerit nage, Aakumi iniki koleewak nen eeriyak op mbakwi nogo yogwi iinok, anini mi'nage, Eeke menggerak.

Ndawi Iya 1:1

Ndawi abok tebenak kagak, aap Talomo nen ndawi ambi abu tiyanak lombok pereegerak yi aret.

Yetaya 10:2

It aap ti nen aakumi ineenggilek nogo obeelom eeppiyoorak koonak kagak non mbanogo piigwi, An napuri tebenak nugwi nogo inawone liirogon koonogo piyoorak kagak maluk-maluk koonogo piigwi, Eeko logonet, Alom lek kagak it kumi togwe inamendek kologwe, Elege moono inageerok ndinggologwe, Eeko menggaarak me, inabuwa o!

Yetaya 26:1

Ne ti eyom paga it Yekura wonogo menggam ndawi wako logogun nogo yi aret. Nit ninawi kota mondok omaawi aret wonage agaarik o. Yugum pak wurik eyak panggonak ti paga ninagap ndarak logowok nduk, ninogoba Ala nen eerogo pinanege me,

Yetaya 30:29

Ndi, inale'nggen eeko logorak ne leenak nogo paga oonikiya inale'nggen logonet, eeko mengga kwak, Kit perak, kinale'nggen nen ndawi wakwi, It aakumi inale'nggen nen mbuti luu'ngget oone eerit Aliku ALA abuut paga laganggwi, Yugum Lunik kwak Iterali inogoba nogo alut eerit laganggwi, Eeko mengga kwak, Kit togop aret kinale'nggen mbakwi, Eeko logomunggup o.

Yetaya 5:1

Nore niniki kunik eeke nogo ake ndawi wake, At eyabu anggur yarak ndawi paga anep pege, Eerigin nogo yi o. Nore niniki kunik nogo puut elan me anggween mili paga anggur awi yarak wonagagerak.

Yeremiya 15:16

Komaawi Lombok Menggendak Kaliku Ala wae. An paga kendage wiganit nege me, koone ari konengge nagarik, abu liirogon waganggirak paga Ninikime mondok lik yi unggwage logonet, nale'nggen nggwok ee'nabit unggwage, eeriyak ninikilom mbake, Eekirak o.

Matiyut 26:30

Yorage nagagerik, ndawi wappunuk, wundi nogo nogogwaarik, puurom Tayitun paga lagi nogogwaarak.

Lukat 2:51

Ti'nuk, at inom o Nataret nogo nogogwaarik, at agalo-ogoba inabu'me logonet, inoone liirogon konengge kagak, at agalo nogo nen perak, it aakumi agan nugwi nogo inikime liippake nagagerak.

Yaya 15:7

Kit an ninom kunik logonet, an noone kinikime wonage kenok, Nit ndi mendek wo'niraawak, mba'nuk, nggino yo'nugwi kiinok, ti aret wokkirage neyaamunggup o.

Oroma 10:17

Ti kenok, Keritut ninake eereegerak wone ti, yoragaatak paga konenggwi, ndi, konembunuk, abet mbako logonet, waganggwi, eeko menggaarak o.

Oroma 15:14

Noreewi o. Kit kiniki mondok obeelom yi mendek ndi mendek abok aret kineenu logonet, kit-kit aret, “At ambi mamunegak eeko logorak op aret,” mba'nuk, yokkirage agarik o.

1 Korindut 14:15

Ti kenok, an tamban nonggop eeke logi o? An tamban eeke kenok, niniki kobak logonet, ambi inoone lalin negen woppunuk, eerigin lek o. Niniki nen abeppunuk, aakumi inoone paga aret eeke logogin o. Ndi, ndawi ari kenok, aakumi inoone lalin negen woppunuk kobak logonet ari logogin lek mban. Niniki koombunuk nen aakumi inoone yogo menggaarak nogo paga kin aret ari logogin o.

1 Korindut 14:26

Ti kenok, nit nonggop yuwok o, noreewi. Kit kuwak eeppunuk logonet, aap ambi nen ndawi tiyaniyak mbake kenok tiyangge, ambi nen wone ambi mamuniroorak mbake kenok mamunirage, ambi Ala nen paganogo yoge kagak, yoroorak mbake kenok yorage, ambi, it ambi inoone lalin negen woppunuk, yoroorak mbake kenok yorage, ambi, “Togop yigi o,” yinuk, abut laganogo yoroorak mbake kenok yorage, yi eeriyak ndi eeriyak ti abok aret eeko logonet, it Ala apuri iniki nu'lek eerogo piyoorak kenok mban eeko logonip o.

Epetut 1:17

At ninowe Yetut Keritut ogoba Ala mondok tiyanak menggerak nogo nen, kit kiniki warak eeppinagage, Ala eeke menggerak yelok kaabagip nduk, kineenu eeppinagage, eeke menggerak Aberiniki nogo, ambinom wokkiraawak nduk, kinake tamban eeke minggirak.

Epetut 5:17

Kumili negen kiniki lek ugun eerit nogo logogup o. Ata, ninowe nen eeriyak kooneegerak nogo mban liippunuk, eerit nogo logonip o.

Epetut 5:19

Ndi, kit-kit aret kiniki mondok ale'nggen paga ninogoba endage alut eeko logonet, Ndawut ndawi pereegerak nogo inom, ki wone ndawi inom, Ala eeke menggerak ndawi inom, abok aret warit nogo logonip o.

Epetut 5:26

Nit Ala apuri yi awi ndi awi monggoorak ninake kambeegerak nogo ti, “An napuri inoba mili lenggenak yinik-pinik aago ineebe yinuk-punuk eerak iigak koloorak neebi o. Ata, ineebe kikak naka'lek mondok alik leenak abe kigirikwe lombok iinok kolaakit o,” yinuk, ngguu'mo wappiigo mengga kwak, at oone waganggwi paga ninomaluk lek eerogo pinanege logomenggerik, Ala ake leenak logowok nduk, ninabuwa mbake logonet, ninake kambeegerak o.

Kolote 1:28

Togop me, noreewi o. Kit ninapuri abok aret Keritut kinom kunik logonet, kiniki muk kole agaarak kenok, “Ala owagam wokkiren pinagi nawok,” mba'nuk, Keritut eeke nagagerak wone yokkirogo logonet, kinaruk wakwi, niniki abu kwippunuk, eekkinake mugurok mamunggirogwe, eerit nogo ogoorik o.

Kolote 1:9

Kit togop eerit nogwe ninaruk koneneegurak kuli nen puk aga'lek kulinik-kalinik kinake tamban eeko logonet, Ala nen eeriyak mbake menggerak abok aret Aberiniki nen kineenu eeppinagage logonet, yi wone ndi wone alom abok aret yelok kogwe, ndi, kiniki warak eeppinagage, eeke logowak nduk, Ala yogo monggoorak.

Kolote 4:6

Yi aakumi ndi aakumi inoone yokkira wogwe iinok, onggo yorogo logonet, mbiingga ombat abe kaawak nduk, mayu eeko mengga kwak, kit togop aret kinoone ale lek inabuwa mbako logonet, yanggorogon yorogo logonip o.

1 Tetalonika 1:8

Kit eekwi paga ninowe wone nogo o Makendoniya inom, o Akaya inom, time mban wiganinuk noolik o. Ata, yi awi ndi awi abok aret kit Ala abet mbareegutak nogo wiganinuk nagagerak me, nit wone ambi yorogo logorak lek aret kogo o.

1 Tetalonika 4:18

Wone ti, ninowe nen aret yo'niragagerak me, ti paga kiniki eyak wat-wat eeko logonip o.

2 Tetalonika 3:15

“Ninawim kwak me,” nduk, eeppuurak ti lek o. Ata, “Ninore aret me,” mba'nuk, we aruk liirogon aret wa'nip o. Wone yokkirogoorak yi abok aret ninowe Yetut Keritut nen yo'nirage kagak lengganogo yokkirogo o.

1 Timotiyut 6:17

It aakumi o yogondak ineenggi warak wonogwe nogo ti paga iniki wogoppako logonet, yi mendek ndi mendek lek ariyak kagak, iniki ti paga lunik logokwak, yorage logot o. Nit ale'nggen mbaruwok nduk, at yi mendek ndi mendek ngginu-ngginu eerogo wo'nirage menggerak Ala paga mban iniki mondok lunik logowak nduk, yorage logot o.

2 Timotiyut 3:15

Ala yereegerak wone liiru mbanak paga Keritut Yetut abet mbakwi niinok, ninagap ndariyak nineenu ee'ninaburak wone wulaga mbuuluk paga kat keenu agagindak nogo, abeke logonet, nggirik-nggerok porogo logot o.

Titut 3:6

At ninagap ndaka Yetut Keritut eereegerak paga Ala nen Aberiniki ndonggok togon wo'niragagerak.

Yakobut 1:5

Kit nen eeriyak ambi kineenggo'lek kenok, “Ala yo'nip o.” Yogwi kiinok, at eebi mbakeelik yanggonak paga yi aakumi ndi aakumi abok aret kalo logonogo wogorage menggerak nogo nen ambi eerumunggup nduk, kineenu eeppinagage logogin o.

Yakobut 3:17

At agi iniki warak menggerak nogo nen koonogo pinanege nogo ti, nit kikak naka'lek obeelom mban wonogwe, ugun logowak nduk, “Mage,” yorogwe, niniki yanggonak paga yorogwe, yo'nirogwe iinok, “E o,” yinuk, eekwi, aakumi inabuwa nen obeelom eeppiigwi, eyoonggen abe yi'nage menggi kwak, nit togop aret obeelom eerit nugwi, aap ambi obeelom eeppugwi, ambi maluk eeppugwi, eeka'lek ndak-ndak eeppiigwi, niniki laakot logonet yoraga'lek abe paga mban yorogwe, eeko logowak nduk, ee'ninake menggerak aret o.

Yakobut 5:13

Aap ambi kinenggela'me nen aaninggin-paaninggin oba age kenok, at tamban eekkolage logowak o. Ndi, ambi iniki ale'nggen mbake kenok, ndawi wake logonet, Ala endage tiyappege logowak o.

1 Yaya 2:14

Kit an nogobamini yi wae. At o aa'nduk nen nok-nok, yogondak kuli itok mondok-mondok menggerak kineenu ogogutak me, Liiru yi, mbanggirage, Kit an nawuri yi wae. Kit Ala wone kinikime kologo nogogutik, kiniki kole ogogutak nogo nen at maluk ee'ninaka nogo tebenogo pereegutak me, Liiru yi, mbanggirage, Eeke agarik o.

1 Yaya 2:24

Kit perak, o maan aa'nduk togon wone konembunuk, waganeegutak nogo, kinikime mondok aberak logonet, porogo logonip o. Mondok nu'lek porogo wonogwe kiinok, ninogoba Ala aput imbirak kinom kunik aret logomunggup o.

1 Yaya 2:27

Napuri o. Aberiniki kinoba wuppinagi wagagerak kinikime wonage me, aap ambi nen kit mamunggiroorak lek aret o. At nen yi wone ndi wone abok aret mamunggirage logonet, pilit mamunggirageelik abet mban mamunggirage menggerak me, at mamunggirage nogo ti, ndak-ndak eekwi kiinok, Keritut kinom kunik aret logomunggup o.

2 Yaya 1:2

Ala ndogop menggerak wone waganeegurak ninikime wonage nogo ti, mondok-mondok logogin aret me,

Wayu 14:3

Konengge nagarik, at wone lengganogo yorage menggim menggerak eebe nogo inom, it aakumi nen iigulik mendek ineebe 4 nogo inom, ndi, it mbogut paga wonogwe inoweewi inom, wonogwe iigak, it ineebe seratus empat puluh empat ribu nogo nen inabu'me wanggeko logonet, ndawi ngget mendek wakwi iigirak. Ndi, ndawi wakwi iigirak nogo ti, it aakumi ugun nen mamumbunuk tiyaniyak abu meek o. Ata, at Ala nen, “It o nggween paga time logorak lek o,” yinuk, aap seratus empat puluh empat ribu inonggo mbaneegerak nogo nen mban tiyaniyak perak op me, tiyanggwi iigirak o.

Wayu 15:3

ndi, Ala ayeloman Muta endawi inom, Ndomba Aagaluk nogo endawi inom, wakwi, eeko logonet, “Komaawi lombok menggendak ninogoba Ala kat aret o. Kat eeke menggendak nogo ti, eerubok mendek mondok iya lombok eeke menggendak o. Yi aakumi ndi aakumi aa'nduk wonogogwaarak, yogondak wonogwe, peebi logogun abok inowe kendagembogut kat aret o. Kat eeke menggendak nogo ti, mondok a'me nggelok abe mban eeke menggendak o.

Wayu 19:10

Yo'nege mbaki, abu'me tebe yinuk, alut eerikit nduk eeke me, at nen yo'nege logonet, “Togop eeriyak mage o. At Yetut wage nagagerik, Ala ndogop menggerak o, yinuk, paganogo yoragagerak wone koreewi waganggo nogogwaarik, porogo wonogwe nogo inom, kat inom, an kit pogom Ala ayeloman aret me, Ala abu'me tebe yinuk, at mban alut eeke logot o. At Yetut nen paganogo yorage nagagerak wone nogo ti, nit abok Aberiniki nen yo'nirage kagak yorogo monggoorak me nduk, yokkigi o,” yinuk, yo'nege kagarak.

Wayu 5:9

ndawi ngget mendek wako logonet, “It aakumi inanebunu alitak lombok inom, inoone alitak lombok inom, inagabolo alitak lombok inom, yi aakumi ndi aakumi abok aret wonogwe kwe, Inenggela'me nen ambitak nggiginogo Ala apuri aruwak nduk, kat kooko mbareegwa, kamiya paga inonggo mbaneegindak ti paga mbuku pirik-perek aago keele 7 maarak nogo, kat nen waganogo piiniyak op aret o. It kat kamiya paga inonggo mbaneegindak nogo, ninogoba Ala abu'me piinok, Ala unde logonet, ake eeko logowak nduk leenogo mippiyareegindak me, Inendagembogut logonet, aakumi nggween paga ogu time wonogwe nogo wone lengganogo yorogo logogun o,” yinuk, at yogwi naruk konenggirak. Konengge nagarik, it inoweewi ineebe 24 nogo nen nggitat inom, togolowak mbuti emas paga ogobakkigirik obari abe kaga toolak nogo inom, inalitak lombok porogo logonet, ndawi paga yogwi iigirak o. Obari abe kaga togolowak mbuti emas paga toolak nogo ti, it Ala apuri ake leenak tamban eeko nogogwaarak inoone toolak negen aret kagarak.