Kolote 1:23 - Ala Wone Peenok Peebi Mbanak

²³ Keritut ti eereegerak nogo paga, Ala kinom lambumbinagareegerak me, wone obeelom wone kit konenggo nogogutik, abet mbako logonet, “Ala nen togop eeppinanigin kagi,” yinuk, kiniki lunik wonogwe nogo, mbo puurak mage o. Ata, o eyak wurabak kwak Keritut paga kiniki panggombunuk, wone abet mbareegutak nogo, kiniki nu'lek logonet, mugurok nogo logonip o. Ndi, obeelom wone yi awi ndi awi abok aret wiganinuk nage nogo ti, an Pawulut ninom aret yorage logokit nduk, Ala ayeloman agago paneegerak aret o.

Kolote 1:23 ပူးပေါင်းရင်းမြစ်များ

Ndawi 125:5

Ndi, it aap obeelom eekwi nogo mbo punuk, Nomo agan tu alik paga nogwe iinok perak, Aap maluk eeka inenggaawak lek eerogo piige logonet, It inom aret lek eerogo piige, Eeke logot o. It aakumi Iterali iniki ugun tayenak aret logowak o.

Leendawi 3:66

Kaliku ALA wae. Kanini nen muguren-magaren nege logonet, o mbogut abu'me yime nen ineebe lek eerogo piyet o.

Yetikiyen 18:26

Aap iniki abe koonak nen obeelom eerit nage nogo mbo punuk, maluk eerit nage ti paga aret kambigin o. At maluk eeremenggerak paga at kambigin aret kwe,

Marakut 16:15

Mberirage nagagerik, yorage logonet, “Kit yi awi ndi awi o nggween paga yime abok aret nogo logomonggotik, it yi aakumi ndi aakumi wone obeelom wone yoranet nugu logonu o.

Lukat 22:32

kat kiniki noba panggombunuk, abet nombake nogo, lek age kero, an kake tamban eekirak o. Yungguninuk kiyok paga nowagam wage logomenggendik perak, kawuri yi, iniki eyak wappiige logomunggun o,” yinuk, yoreegerak.

Lukat 6:48

Aap o wukwi nogo pogom it aret o. Aap ambi nggween teberogon lombok kabungge nagagerik, yugum abena ndoonak paga lombok o eyak kwippi wambeegerak. Kwippi wambeegerak me, peebi yi wu'nuk wage logonet, o wurik langgonikit nduk eereegerak mendek omaawi ambik wurik me, nu'lek wonagagerak.

Yaya 15:6

Eno'mbak mbanogo mbo nappegaatak mbuk age kenok, aakumi nen kuwak eerogo kani kunik me mbo mambugwi iinok, kani nen nengge menggi kwak, kit an ninom kunik lek kiinok, togop aret eeppinagagin o.

Nappiigak 1:8

Kit nogo Aberiniki kinoba wambi wage logonet, at omaawi eeppinagage kenok, o Yerutalem inom, o Yureya abok inom, o Tamariya inom, yi awi ndi awi irip-irip time abok aret inom, an eerit nege kinigen neego nogogutak wone nogo yoranet nugu logomunggup o,” yinuk, yoragagerak.

Nappiigak 11:23

At Mbaranabat nogo iniki kwi'ndak me, iniki abet mbake logonet, yungguppegak eeke logolik Aberiniki inikime mondok liinik wonage me, nappereegwaarak. Nappereegwaarak nage nagagerik, at Ala iniki kunik en eeppiige nogo enegen kage nagagerik, iniki ale'nggen ambik a'nuk, “Kit kiniki mondok nu'lek logonet, ninogoba Yetut oba panggombunuk logonip o,” yinuk, inaruk wake nagagerak. Inaruk wake inom wonage me, ambi nabek unggwagak mban eeko logonet, Ala apuri ambik aret ogogwaarak.

Nappiigak 14:22

O nogome yanggwagak nogo logonet, “At Ala abu'me unggwi noorak ti, aaninggin-paaninggin ninoba arit unggwage tit kagak aret unggwi noorak o,” yinuk, it Yetut oone waganeegwaarak nogo, iniki eyak wappiigwi, “Wone abet mbakotak nogo mbo puurak mage o. Ata, kiniki nu'lek eeppunuk logonip,” yinuk, kini wuppiigwi, eerit nogogwaarak.

Nappiigak 2:5

Ti eyom paga, it Yakuri mendek Ala inagabiti mbako menggaarak kero, o nggween paga yi awi ndi awi nen o Yerutalem wogogwaarak wonogwe me,

Nappiigak 20:24

Togop kwe, An neebe neenik logorak iya lek o. Ata, Ala iniki kunik en eeppinanege menggerak wone obeelom wone yorage logokit nduk, nogoba Yetut nen yabu unde eeppaneegerak nogo, mbo pega'lek worok togon eeriyak ti mban iya mbake minggirak me, eerit nage agarik o.

Nappiigak 26:16

Kat nayeloman a'nuk, yogondak eeke neegendak inom, peebi eerit nage logorak yokkirigin nogo inom, wone ti yoranet nege logorak leenogo pagakit nduk, nikkeya wagarak me, mi'naru o.

Nappiigak 4:12

It aakumi yi awi ndi awi o nggween paga yime menggaarak abok aret, Aap yi nen aret kinagap ndakkinabigin o, yinuk, endage ambi kunogo yo'niroolik o. Ata, at Yetut alik nen mban kinagap ndakkinabigin o, yinuk, yo'niragagerak o.”

Oroma 10:18

Togop kwe, it abok obeelom wone awo konengga'lek aret wonogogwaarak kenok, yokkirage mbako ogotik? Lek o. “It inoone nogo o nggween paga yime abok aret wiganinuk, nage, Iname yoragaatak nogo, o irip-irip ndak wa'narit nage, Eereegerak o,” yinuk, liiru mbanak ti paga it abok koneneegwaarak aret kenok yokkiragi o.

Oroma 2:7

It aakumi ando nen mbako logonet, “Ala nen tiyappinanege logonet, ninayuk warak agago nabelan-kabelan wo'niraagin o,” yinuk, iniki mondok kwippunuk, puk aga'lek obeelom mban eerit nogwe iinok ti, Ala nen ineenik mondok logorak mendek wogoraagin o.

Oroma 5:5

Ndi, niniki lunik togop aret wonogwe me, at Ala nen Aberiniki wo'niragagerak ti paga Ala iniki kunik nen mondok alik negen ninabuwa mbake menggerak nineenu logonet, niniki lunik wonogwe nogo kolaagun aret mbakwi me, niniki piirik wonogwe lek o.

1 Korindut 15:58

Ti kenok, noreewi o. Kit an niniki kunik me, kiniki mondok kwi'ndak nu'lek logonet, ninowe eyabu aret eekwi kenok ti, we aanom warogo eekwi lek ambi kola noorak nduk eekwi kineenu me, kulinik-kalinik nggwiirit-nggwaarit aret eeko logonip o.

1 Korindut 3:5

An Pawulut kunduk, at Apolot kunduk, nit taani nduk, yogo ogotik? Lek o. At nimbirak ti, Ala ayeloman mban aret me, ninowe nen eeriyak ninalitak lombok mban yo'nirage kenok, yokkira wogogurak paga kit abet mbareegutak nogo o.

2 Korindut 10:1

“At Pawulut nda wonage logonet, agabiti mbaka'lek mondok lok togon yo'nirage, ndi, nit ninenggaanom kenok perak, agabiti mbakak oone yanggorogon yo'nirage, eeke menggerak o,” yogo monggotak kwe, Keritut ninabuwa nen oone yanggorogon yo'nirage menggi kwak, an Pawulut togon ndak-ndak, niniki, “Ao,” mbake logonet, wone ambi yokkira.

2 Korindut 11:23

“Keritut ayeloman logonet, ake eeko monggoorak,” mbakwi me, an kunduk, Keritut ayeloman mondok iya lombok eeke minggirak. Wone yi, aap kumili nen yogo mengga kwak ari kwe, abet aret me, konenggo logonip o. Keritut ayeloman logonet, ake eerit nage neegak, ndonggoppanege, keele maarogo mambiigo menggam kulinik-kalinik mambanugwi, ineenggi lingginiyak meek nookwi, kambikit nduk, nabenak mban an ee'nabeegerak mendek neenik age, it ando teeluk negen eeppiigo logonet, an perak, mondok iya lombok eeppanugo nogogwaarak.

2 Korindut 3:6

“Yogop ee'nu, ndogop ee'nu,” wone yugu liiru mbanak nogo paga nen ninoorogo pinanege menggerak kwe, Aberiniki nen perak, nineenik ee'ninake menggerak me, wone yugu liiru mbanak nogo, nit yorogo logowok nduk mippinanulik o. Ata, Aberiniki nen eeppinaniyak wone ngget mendek koonogo yo'niragagerak nogo, at omaawi paga yorogo logowok nduk, mippinaneegerak.

2 Korindut 4:1

Nit wone ti, yorogo logowok nduk, Ala nen ninabuwa mbake logonet, unde eeppinaneegerak me, wagangga'lek iinok, niniki maluk ageelik o.

2 Korindut 6:1

At Ala nen ari logonet, “An nen kabuwa mbariyak eyom paga kat yo'nege nogo an naruk konengge. Kat kagap ndariyak eyom paga yeenggwa kege, Eereegirak o,” yinuk, yereegerak me, kit ninom Ala eyabu ambit eerit nogwe niigak, at iniki kunik nen obeelom eeppinagage nogo, “We aanom warogo eeppiige kagi,” kinombake kero, niniki, “Ao,” mbako logonet, yokkirogo ogoorik o. Kabuwa mbariyak eyom nogo ti, yogondak aret, ndi, kinagap ndariyak eyom nogo ti, yogondak mban aret me, yokkiragi o.

Nggalatiya 4:11

an kinake eeke nagagirak nogo ti, “We aanom warogo eeke nagagirak kulik?” mba'nuk, niniki aaninggin ee'nake o, noreewi.

Nggalatiya 5:5

Nit abet mbareegurak nogo paga Aberiniki nen eeppinanege kagak, Ala nen, “Aap yi, iniki abe koonak aret o,” yinuk, obeelom agago pinaniyak nogo, “Mbet-mbet eerogo pinanuwak lak ao,” yinuk, niniki lunik logonet, tokkogo ogoorik o.

Nggalatiya 5:7

Ala abet aret ari menggerak wone nogo, kit aa'nduk, kiniki aganggen paga op aret mugurok nogwe kiige nagagirak kwe, Ala wone mbo pubagip nduk, ta nen kiniki nggagambunuk nomonggiren nage agaarik o?

Nggalatiya 6:9

Togop me, nit yi obeelom ndi obeelom eerit nogo logonet, anggon-panggon ee'ninake kagak, mbo pega'lek mondok aret eerit nogwe niinok, anggen yugu obeelom mbanggologwe nogo kokwak, nit onggo wo'niroorak nineenu me, ta'liila ee'ninake kenok mbo puurak mage o. Kagak aret eerit nogo logowok o.

Epetut 1:18

Ti eeke logonet, kit kola nabagip nduk kinayonggo pinagareegerak kiniki lunik wonogwe nogo inom, nit at apuri ake leenak kenok eyate mondok alik negen eerogo wo'niraagin kooneegerak nogo inom, ndi, nit abet mbakwi mendek Ala omaawi mondok iya lombok eeppinanege menggerak nogo inom, kineenu arubagip nduk, “Inikime eya eeginake logot o,” yinuk, Ala yoge minggirak.

Epetut 2:21

Ala nen at awi mondok alik leenak obeelom lombok wukkolaakit nduk, nit nineebe alitik-alitak nogo, waganogo ninowe Keritut Yetut eebe ambit nogo paga panggombunuk, oba lu'luk wurit lagangge logonet,

Epetut 3:17

Kit abet mbakwi kiinok Keritut kinikime ye mbanggola unggwage, ndi, eyo omanggen nggween kole paga wuraketak nu'lek menggi kwak, kit togop aret kiniki nu'lek logonet, aakumi kinom kiniki kunik aganakwi, eeko logobagip nduk, kinake tamban eeke minggirak.

Epetut 4:16

Nineenggi-niniyok yeregerak-peregerak abok aret eeriyak ake punik alitak lombok wonage kwe, nineebe ambit ninomanggen paga yinik-kunik eerak logonet, eerit nage kenok, nineebe mondok op aret menggerak nogo kokwak, nit Ala apuri ninanobak kwak Keritut ninom togop aret kunik me, niniki-kiniki kunik eeko logonet, ninalitak eeriyak unde eeppinaneegerak nogo ndak-ndak eerit nugwi niinok, Keritut eebe mondok obeelom aret logonet, nit nineebe paga wiganit nage logogin.

Pelaareegerak 2:25

It aakumi yi awi ndi awi menggaarak abok aret kit eeko monggotak kinabok konenggo logomenggaarik, iniki ma'nage, inaganak nuk-nuk irage, kit paga inagabiti lombok mbakwi, kit kiinok inagabolo ne agan nage, eeruwak nduk, eerogo piyaagin o,” yinuk, yo'nireegerak nogo o.

Pelaareegerak 4:19

Ndi, oonegen inom, tut inom, laaluguragan inom, mbogut paga wonage abok aret ti, yi aakumi ndi aakumi o nggween paga yime menggaarak abok aret at Aliku kinogoba Ala nen terak ninake wo'niragagerak me, kit nen oonegen inom, tut inom, laaluguragan inom, mbogut paga wonage abok aret kinigen nikkogo logomonggotik, inayuk wukwi, inalut eekwi, eeko logobagip nduk, aakumi nen kiniki nomongginabi worookwak, Mage, yokkirage agarik o.

Kolote 1:25

Wone o maan nen yogondak kuli kote kumaarak kagak, aakumi nda'narit wundi wogo nogogwaarak kwe, yogondak iluk, it at ake leenak Ala apuri iinok, kin eeppiyareegerak Ala wone kit yokkirage logorak unde eeppaneegerak nogo ndak-ndak, it Ala apuri yi awi ndi awi kuwak eerit nogo menggaarak abok aret inake eeke logokit nduk, inayeloman agago paneegerak o.

Kolote 2:7

Eyo omanggen nggween me yarak nu'lek logonet, mondok mili kwit agan lagangge menggi kwak, kit togop aret Keritut paga kinomanggen yarak logonet, kiniki kole ogwe, ndi, abet mbareegutak nogo nu'lek porogo logobagip nduk mamunggirogogwaarak nogo, ndak-ndak porogo wonogwe, eekkologo logonet, kiniki mondok aganggen kekererak lagi wage logonet, Ala, “Wa!” yogo logonip o.

1 Tetalonika 3:5

Togop me, an ambinom puk logorak abu meek ee'nake mbareegi, at niniki nggagangge menggerak nogo nen kit kiniki nggaganiyak kagak nit aanom warogo wone yokkirogo nogogurak kero, niniki piirik logonet, kit kiniki abet mbakwi nogo nonggop wonogwe an neenu arikit nduk, aap Timotiyut kinake nappi wagagirak nogo o.

1 Tetalonika 5:8

it liingge eeko menggaarak nogo mendek nit aret me, nit nogolumok yaga'lek tum mban wako logowok o. Tum wako logonet, nit niniki abet mbakwi, aakumi niniki kunik aganakwi, eekwi nogo paga ninarin pogom yirikkologwe, ndi, aap wim nambuka anobak me warukwak nduk, petagi mbuti mendek yirikkolage nogo kwak, ninagap nda'ninaburak niniki lunik wonage nogo abekwi, eeko logowok o.

2 Tetalonika 2:16

Kit obeelom eerit nugwi, wone obeelom mban yoranet nugwi, eeko logobagip nduk, at ninabuwa mba'nuk iniki kunik ee'ninake logonet, niniki mondok-mondok eyak wappinanege, niniki lunik abe nogo mendek wo'nirage, eeke menggerak ninogoba Ala nogo inom, ninowe Yetut Keritut inom, imbirak nen kit kiniki eyak wappinagagwi, kinomaawi eerogo pinagagwi, eeko logowak o.

1 Timotiyut 1:12

An nomaawi eeppanege menggerak nowe Keritut Yetut nogo nen, “Aap yi, ambi eeke logowak nduk, unde eeppege neenok, liirogon aret eeke logogin,” nombake nagagerik, an yabu ambi eeke logokit nduk, unde eeppaneegerak me, “Wa,” yoge minggirak.

1 Timotiyut 2:7

Ala nen yi aakumi ndi aakumi abok eeppiyoorak kooneegerak nogo, it aap endekem mendek Ala ari menggerak wone ineenu a'nuk, abet mbariyak wone nogo, agan nage logokit nduk mippanege, ndi, yi awi ndi awi yoranet nege logokit nduk, nappiigak agago panege, eereegerak o. Wone ti, pilit lek abu abet aret yokkigi o.

1 Timotiyut 3:16

Nit Ala wone abet mba'nuk waganggo monggoorak kote kumaarak lombok wonagagerak nogo yi o. “At aap aret kin ari wage mbareegi, Yi Ala aput, mbaruwak nduk, Aberiniki nen kin eeppereegerak. Kin eeppege mbareegi, it malayikat nen at eebe inigen kogwe, Ala wone ineenggo'lek mendek wonogome yoranet nogwe, it aap abok aret at abet mbakwi, eeko mbareegwa, Wi, ugwi iigak, wonok laganeegerak o,” yinuk, yogo menggaarak nogo mondok abet aret kogo o.

Titut 3:7

At Ala iniki kunik nen eeppinaneegerak paga, “Aap yi, oba lek o,” yinuk, abu obeelom aret eerogo pinanege nagagerik, aap ambi ogoba eyate kolage menggi kwak, nit nineenik mondok-mondok logorak niniki lunik nogo kolaawok nduk, Aberiniki ndonggok togon wo'niragagerak.

Iberani 3:14

Nit aa'nduk wone konembunuk, “Yi abet aret o,” yinuk, waganeegurak nogo, nggirik-nggerok agago porogo wonogwe niigak, o age yobok ari nage kenok, Keritut ninom kunik me, eeppinaniyak mbareegerak nogo, eeppinanege logogin aret o.

Iberani 3:6

Keritut perak, ogoba Ala awi wurik unde aput at aret me, togop aret ko'lu-kii'me eeke menggerak. Ndi, nit perak, nit niniki lunik ale'nggen mbakwi nogo, “Abet aret ee'ninabi woraagin o,” yinuk, at woroorak tokkogo logonet, mbo pega'lek mondok nu'lek porogo wonogwe niinok, Ala awi wurik ti, nit nineebe aret mbaruwok o.

Iberani 4:14

Nit Ala unde ninowe nggwok Ala aput Yetut nogo, mbogut ta'mban-mban aago kagak irimbaga agi lombok tiyarogon kwi'nari lagangge nagagerik, yogondak ninake eeke wonage me, nit wone abet mba'nuk waganeegurak yogo monggoorak nogo, mondok nggirik-nggerok agago porogo logowok o.

Iberani 6:19

Yiiro niyo wonok nage kero, eyo nggwok paga mbarembogo mengga kwak, nit niniki ti, niniki lunik nogo paga aret mbarenak wonage o. Yiiro eyo nu'lek paga mbarembogo mengga kwak, niniki lunik nogo ti, Ala awi wurik me yum oolo ogoorak kagak akem time mbarenak wonage me, lek arigin lek mondok nu'lek mbarenak aret logogin o.

1 Peterut 1:3

At ninowe Yetut Keritut ogoba Ala nen ninabuwa nggwok lombok mbake nagagerik, obeelom eeppinanege logonet, at Yetut Keritut kambunuk nogo menggam nen eenik agago mippereegerak nogo paga ninake punik nineyate kokwak pili age, yi'mbaani kungge, lek age, eekeelik mondok mbogut paga pinanogo wonage niniki lunik wonogwe nogo, kola nawok nduk, niniki ngget nda'ninabeegerak me, “Ninogoba Ala wa,” yinuk, endage tiyappogo ogoorik o.

1 Peterut 1:5

Ninake pinanogo wonage kola noorak nit nogo ti, abet mbakwi niinok, Ala nen o age yobok paga ninagap ndariyak kooneegerak nogo, peebi togop ndak-ndak eeppinanikit nduk, yogondak Ala omaawi paga nggelorogon pinanogo wonage nogo, ninake aret pipuk eerogo pinaneegerak mbogut paga wonage o.

1 Yaya 2:27

Napuri o. Aberiniki kinoba wuppinagi wagagerak kinikime wonage me, aap ambi nen kit mamunggiroorak lek aret o. At nen yi wone ndi wone abok aret mamunggirage logonet, pilit mamunggirageelik abet mban mamunggirage menggerak me, at mamunggirage nogo ti, ndak-ndak eekwi kiinok, Keritut kinom kunik aret logomunggup o.

Wayu 2:10

Togop eeppiigwi iigak kwe, it Ala apuri eeppiyoorak koonak wonage nogo ti, lek aga'lek awo aret wonage me, inagabiti mbakwi iyo, apuri yoraawak nduk, yoriyak, yokkigi o. Tile nen ari logonet, An aaninggin-paaninggin inoba piige neenok, nonggop eekwi iyaamun? yinuk, inabut mbanikit nduk, aakumi iniki nggagangge mbaremenggi, it Ala apuri o Timirina ineebe keele maarogo o mbuuluk me mambiyamenggaarak wonogwe iigak, nogo aap ambit eenggi aret yugun o. It nogo nen, Eeppinanugwi iigak, kambi noorak kuli ariyak op aret o, yinuk, mondok inogogumbuk logonet, waganggwi iinok, mondok-mondok ineenik logorak mendek nggare-nggare mendaarak nogo yippiyaagin o.