Kolote 1:18 - Ala Wone Peenok Peebi Mbanak

¹⁸ Ala apuri yi awi ndi awi kuwak eerit nogo menggaarak lambuk togon Keritut eebe negen nit aret me, ninanobak kwak ti, at aret. Ndi, yi eekwi ndi eekwi alom unde nogo ti, at mban aret me, yi mendek ndi mendek abok aret tebenak kagak, at mban tiyanak logowak nduk, kambunuk nogo menggam nen aa'nduk at aret eenik agago mippereegerak.

Kolote 1:18 ပူးပေါင်းရင်းမြစ်များ

Ndawi 89:27

An naput manggu ndarak negen eerogo pege, O nggween paga yime aap inendagembogut tebenak iigak, At endage mondok tiyappege,

Ndawi Iya 5:10

At niniki kunik ti, Enete teretak wonage, etenggen mbeyo aago tawe wonage, Aap sepuluh ribu wonogwe inenggela'me at tiyanak lombok wonage,

Yetaya 52:13

Aliku ALA nen ari logonet, “An nayeloman nogo iniki warak lombok logonet eerit nagin me, Endage tiyappugwi, wogoppugwi, eerit nogo logogun o.

Matiyut 23:8

kit perak, mamunggirage minggirak an nalik aret o. Ndi, kit nore-kore lombok wonogwe me, aakumi nen, Ngguru wae, yokkiroorak lek o.

Matiyut 28:18

Yetut nogo inowagam panggo yi wage nagagerik, yorage logonet, “Ala nen mbogut paga inom, nggween paga inom, an unde logokit nduk, awone abok aret kili'nereegerak me,

Yaya 1:1

O maan aa'nduk togon mbogut-nggween wakkaga'lek kagak at Wone nogo aret wonagagerak. Wone nogo ti, Ala imbirak aret wonagagerak. Ndi, Wone ti, Ala aret wonagagerak.

Yaya 1:16

At oona ngginik kagak iniki kunik nen eeppinanegak mban, eeppinanegak mban, eeke kenok, nit abok aret waganeegurak.

Yaya 1:27

At nogo ti, nambokan woraagin kwe, at aap nggwok me, an nen iyogogut nggerenak piiniyak meek o,” yinuk, yoragagerak.

Nappiigak 26:23

At Ala nen leenogo mippereegerak Keritut nogo, nit Yakuri mendek inom, it endekem konengga'lek mendek inom, o eya eerogo piige logowak nduk, yagan warogo kangge logomenggerik, kambunuk nogo menggam nen aa'nduk at aret eenik a'nuk mi'narigin o, yinuk, yogo nogogwaarak nogo aret yorage minggirak o,” yinuk, yoragagerak.

Oroma 8:29

At Ala nogo nen nit at awuri apit ninowe manggu pogom logowok nduk, nineebe nda'naga'lek niigak, at aput obaabut pogom aruwok nduk, mii'ninake nagagerik, leenogo pinaneegerak.

1 Korindut 11:3

At Ala abu'me ti, Keritut. Ndi, Keritut abu'me ti, aap. Ndi, aap inabu'me ti, kumi, togop aret monggoorak me, wone ti, liippubagip nduk, yokkiragi.

1 Korindut 12:27

Ti ndak-ndak, kit kineebe lambuk togon ti, Keritut eebe aret. Ndi, kit kinalitak lombok ti, Keritut eenggi-iyok aret ogotik o.

Epetut 1:10

At Ala nen, “An eeriyak mbareegirak nogo, ndiyom paga a'me lik yigin o,” yinuk, kooneegerak nogo ti, mbogut paga mendek inom, nggween paga mendek inom, yi mendek ndi mendek abok aret Keritut abu'me pege logomenggerik, at eebe mondok tiyanak logorak kooneegerak nogo ti aret o.

Epetut 5:23

At Keritut alik nen nit Ala apuri yi awi ndi awi monggoorak nogo, ninagap ndarogo at eebe paga ambit aruwak nduk, kunogo pinaneegerak me, ninanobak kwak Keritut wonage nogo pogom, kit kumi kinanobak kwak ti, kinogonggelomini aret o.

Kolote 1:24

An andi-pandi eeppanugwi nogo ti, “Kit kinake aret eeppanugwi,” mba'nuk, niniki ale'nggen mbake agarik o. Ndi, “Ala apuri yi awi ndi awi kuwak eerit nogo menggaarak lambuk togon ti, Keritut eebe aret me, iniki nu'lek logowak nduk, Keritut wako logonet, it ando nen warulik mbo pereegwaarak nogo, Ala apuri inake an neebe paga eeppaniyak op aret,” mba'nuk, niniki ale'nggen mbake agarik o.

Kolote 2:19

Ninomanggen ambit paga nineenggi-niniyok yeregerak-peregerak abok aret ninanobak inom yinik-kunik aago logonet, nineebe tawe ogo monggo kwak, nit ninanobak Keritut ninom togop aret kunik me, at Ala nen, “Keritut eebe wigak yuwak,” mba'nuk, ee'ninake menggerak nogo kagak, it aakumi ti, iniki wogoppako logonet, inanobak Keritut nogo mbo punuk, inom kunik lek ugun nugwi me, inoone konenggo logogup o.

1 Yaya 1:1

Mbogut-nggween yi, awo wakkaga'lek kagak aa'nduk togon wonagagerak aakumi ineenik eeginake menggerak at Wone nogo, abok paganogo yokkirogo ogoorik o. At oone ninaruk konenggwi, eebe ninigen abe nen kogwe, eerit nage nogo liippugwi, eereegurak eebe lombok nogo aret nineenggi pigaganeegurak o.

Wayu 1:18

Neenik nitok minggirak an aret o. Aa'nduk kambeegirak kwe, yogondak perak, neenik mondok-mondok wonage yi neyet o. Kanggwi inom, kambunuk nogo menggam inom, imbirak an mban aret unde logonet, tu paaka kunci porogo minggirak o.

Wayu 1:8

Aa'nduk wonagagerak, yogondak wonage, peebi logogin at omaawi lombok menggerak ninogoba Ala nen ari logonet, “O maan aa'nduk togon wonagagirak Alpa inom, ndi, peebi irip paga mondok logorak Omega inom, ti an aret o,” yinuk, ari menggerak o.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 21:6

Yo'nege nagaarik, ambinom yo'nege logonet, “O maan aa'nduk togon wonagagirak alom Alpa inom, ndi, irip paga mondok logorak Omega inom, ti an aret me, yokkigirak nogo ti, muk eeke me nduk yokkigi o. It aakumi niyo abu eeginake kenok, an nen niyo ineenik aganake menggerak eneeri wungge me nen onggo lek we aret toologo wogorage logogin o.

Wayu 3:14

“Ndi, ambi at malayikat Ala apuri o Laworikiya kuwak eekwi inarum menggerak nogo nen apuri yoraawak nduk, yoriyak, yokkiri o. At Ala nen yi mendek ndi mendek wakkaakit mbake kagak, wakkagagirak alom an aret me, Ala nonggop menggerak mondok liirogon abet aret paganogo ari minggirak nendage Amin nogo nen,