Kolote 1:10 - Ala Wone Peenok Peebi Mbanak

¹⁰ Kinake tamban eekwi ti, ninowe inikilom kinombaruwak nduk, ndak-ndak eerit nogo logonet, eyoonggen abe yi'nage menggi kwak, obeelom eerit nogwe, ndi, Ala eeke menggerak kineenu ogo logonet, kiniki kole ogwe, eerubagip nduk, kinake tamban eeko monggoorak.

Kolote 1:10 ပူးပေါင်းရင်းမြစ်များ

Kini Wuppiige 16:7

Aap ambi eerit nage nogo Aliku ALA inikilom mbake kenok, Aap ti, awim kunduk at imbirak lambunik obeelom logowak nduk eeppege menggerak.

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Ndaniyen 12:4

Togop aret eeko logogun kwe, kat Ndaniyen perak, wone an yokkigirak mbuku pirik-perek aago paga liiru mbanemenggendak abok aret ti, lambunogo amburu nabenogo punuk, aakumi yoraga'lek keegak, o age yobok kuli aret ari woraagin o. Wone ti, kiraarak kagak, it aakumi apit aret, Yi age yi, nineenu aruwok lak, yinuk, yi awi ndi awi kwaarit namenggaarak kagak kwe, kiraarak mban logowak o,” yinuk, yo'nereegerak.

Mika 4:5

Aakumi inanebunu lombok inagugi inendage tiyappunuk eerit nogo logogun kwe, Nit perak, ninogoba Aliku Ala endage tiyappunuk, mondok-mondok eerit nogo logogun o.

Abakuk 2:14

Niyo nggwok yenggenak laut nen nggween kiiniki paga lombok wonage nogo, nobappunuk menggi kwak, Naliku an ALA abu tiyanak minggirak wone nogo, aakumi o nggween paga ilin-unggut wonogwe abok aret ineenu arugun o.

Yaya 15:16

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

Yaya 15:8

Anggen ambik yi'nogo logomonggotak paga kit abet aret an noone waganggwi mendek kiyaagun me, ti paga an nogoba endage tiyak yigin o.

Yaya 17:3

It aakumi mondok-mondok ineenik logorak nogo ti, kat Ala abet aret kalik menggendak inom, ndi, kat nen nappani wagagindak an Yetut Keritut inom, ineenu ogwe ti aret o.

Oroma 1:13

It endekem konenggulik ando yi awi ndi awi time yoranet nagagirak waganeegwa kwak, kit togop aret waganggwi kiyaakit nduk, yokkira woroorak koongge nagagirak kwe, “Ambi oba yilinik wonage aret kogo o,” mbarubagip nduk, yokkiragi o, noreewi.

Oroma 4:12

Ndi, inagabolo mbanak ti kunduk, inombo Abarakam aret. We inagabolo mbanak ti paga inombo lek o. Ata, at Abarakam nen agabolo mbangga'lek kagak iniki Ala oba panggombunuk abet mba'nuk, eeke nagagerak nogo, nit togon ndak-ndak abet mba'nuk eekwi niinok ti, ninombo Abarakam aret o.

Oroma 6:4

Keritut kangge mbareegi, ndoome pi nogogwaarak nogo ti, at ninom ambit kunik me, niyome wambeegurak nogo paga ninom kanggo mbareegu, ndoome pinani nogogwaarak. Ndi, nineenik ngget mendek a'nuk nogo logowok nduk, at ogoba Ala omaawi ambik menggerak nogo paga kanggo menggam nen at eenik agago mippege logonet, at ninom kunik me, ninom aret mippinaneegerak.

2 Korindut 2:14

Yime wagagirak wonage me, Ala nen mbo panulik o. It aap wim nambuppunuk, “Wi!” iraawak nduk, aap waka'ngget awuri inom ndegen-ndegen aago kombogonak wogo mengga kwak, nit ndak-ndak ninowe Keritut eegin tiyak ari kenok ninom ndegen-ndegen aago mondok tiyanak nugwi me, Ala mondok alut eeko logowok o. Obari obeelom wiganinuk nage menggi kwak, Keritut eeke menggerak obeelom wone nit paga nen wiganinuk nage logowak nduk, Ala nen eeppinanege menggerak.

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

2 Korindut 5:9

Togop me, ninagabolo yi, nggonengga'lek logonet, maluk-obeelom eeko nogogurak nogo, Keritut nen ninowak loonogo onggo ndak-ndak wo'niraawak nduk, nit abok aret at owagam kuwak agago pinanigin me, ninagabolo yi, nggonengga'lek kagak, nggonenak kagak, Ala inikilom ninombaruwak nduk mban eerit noorak mbakoorak me, niniki ale'nggen mban ogoorik o.

2 Korindut 9:8

“Ineenggilek iinok, amendek tumburiranet nage, Obeelom mban eeppiinet nage nogo kobak arigin lek, mondok aberak wonage, Eeke logogin o,” yinuk, liiru mbanak nogo ndak-ndak, kit kiniki ale'nggen paga kuwak eekwi kiinok, Ala iniki kunik en kit, “Ndi mendek uugwe,” mbarumonggotak kagak, mbaka'lek mendek ambinom kalo logonogo wokkirage logogin me, kit ambi mendek lek kenok uugwe mbarumunggup lek o. Ndi, aakumi inabuwa nen yeenggwaaroorak kunduk, wonage mban aret kogo logomunggup o.

Epetut 1:17

At ninowe Yetut Keritut ogoba Ala mondok tiyanak menggerak nogo nen, kit kiniki warak eeppinagage, Ala eeke menggerak yelok kaabagip nduk, kineenu eeppinagage, eeke menggerak Aberiniki nogo, ambinom wokkiraawak nduk, kinake tamban eeke minggirak.

Epetut 2:10

Ala nen aret ogobakkigi'ninabeegerak me, nit at amendek aret ogoorik o. Nit nda'naga'lek niigak obeelom eerit nogo logorak Ala nen maan kooneegerak nogo, Keritut Yetut ninom kunik logonet eerit nogo logowok nduk, ogobakkigi'ninabeegerak.

Epetut 4:1

Ti kenok, noreewi o. Kit eeko logorak yonggo pinagareegerak Ala nen kit ndak-ndak aret eerit nogwe kiyaawak nduk, an ninowe oone wonok yoranet nege paga keele maa'nabeegwaarak nogo nen, “Ao,” mbake logonet, yokkiragi o.

Epetut 4:13

Ti eeppinaneegerak nogo ti, nit abok aret Ala aput eeke menggerak nineenu ogo logomonggoorik, abet mbakwi paga niniki ambit a'nuk, Keritut iniki mondok koleewak obeelom wonage nogo kokwak, nit togop aret niniki kole eeppinanit wundi wage logowak nduk, unde eeppinaneegerak.

Epetut 5:10

kit nen, “An eeke yi, Ala inikilom mbake menggerak ndak-ndak aret eeke ilik?” yinuk, liippako logonet, Ala apuri eya paga logonet, eeko mengga kwak, kit togop aret eerit nogo logonip o.

Epetut 5:15

Togop me, kit eerit nogo monggotak nogo, mondok liippunuk eerit nogo logonip o. O yi eyom paga aakumi nen maluk mondok alik negen eerit nogo logorak koonggwi me, kiniki lek we ugun eerit nogo logorak ti mage o. Ata, kiniki mondok warak logonet, “O yogondak obeelom eeriyak ambi yi, nanonggwan agaarak me, eerikit o,” mba'nuk, eerit nogo logonip o.

Epetut 5:2

Ala ake warogo kani kunggwi iinok, Ala nen obari obeelom kage menggi kwak, at Keritut ninabuwa nen, “Inake kambikit,” mba'nuk, ninake kambeegerak nogo ndak-ndak, nabuwa-kabuwa mbako logonet, at ambi obeelom eeppegak eeko logonip o.

Pilipi 1:27

An yime wonage neegak eekwi konenigin a, time kiya wage neenok eekwi kiyaagin a, kit obeelom wone abet mba'nuk waganeegutak nogo, mbo pega'lek kiniki ambit a'nuk, nu'lek logonet, eerit nogwe neenu arigin me, obeelom wone Keritut nen yo'niragagerak nogo, ndak-ndak liirogon aret eerit nogo logonip o.

Pilipi 4:18

Kit nappani wogogutak nogo, abok aret waganeegirak me, lek aga'lek wonage aret o. Ala ake pugu kani kunggwi obari obeelom kenok Ala nen, “Op wo'nega o,” yinuk, iniki ale'nggen mbake menggi kwak, kit an nake pugu aap Epapororitut nen wo'niruwak nduk nappi wogogutak nogo, wonok niri wage mbareegi, wagangge nagagirik, ndiinik-piinik agago pereegirak lek aga'lek wonage aret o.

Kolote 2:19

Ninomanggen ambit paga nineenggi-niniyok yeregerak-peregerak abok aret ninanobak inom yinik-kunik aago logonet, nineebe tawe ogo monggo kwak, nit ninanobak Keritut ninom togop aret kunik me, at Ala nen, “Keritut eebe wigak yuwak,” mba'nuk, ee'ninake menggerak nogo kagak, it aakumi ti, iniki wogoppako logonet, inanobak Keritut nogo mbo punuk, inom kunik lek ugun nugwi me, inoone konenggo logogup o.

Kolote 2:6

Kit aa'nduk nen, “Keritut Yetut ti, nit ninowe aret o,” yinuk, waganeegutak me, yogondak at kinom kunik logonet, yokkirage nogo konembunuk, mondok ndak-ndak aret eerit nogo logonip o.

Kolote 3:20

Kit wologwe-komologwe yi wae. Kit kinowe inikilom kinombaruwak nduk, kinagalomini-kinogobamini inoone yokkirogwe abok aret liirogon konembunuk, eeko logonip o.

Kolote 4:5

It aakumi abet mbaka'lek mendek kinom eerit nogo logonet, “Ala abet mbaruwak nduk, wone yoroorak nanonggwan aga o,” yinuk, kiniki mondok kwippunuk, eerit nogo logonip o.

1 Tetalonika 4:1

Ndi, noreewi o. Wone irip paga iluk ambi yokkiroorak mbakoorak me yokkiraawi o. Ala inikilom kinombaruwak nduk, “Nonggop eerit nogo logorak?” mamunggirogogurak nogo, muk eerit nogwe aret kwe, ambinom mondok nggwok togon eerit nogo logobagip nduk, ninowe Yetut nen yo'nirage kenok lengganogo yokkirogo o.

2 Timotiyut 2:4

Aap ambi nen, “Nowe wim mamunnegerak inikilom nombaruwak o,” yinuk, yi mendek ndi mendek eeriyak mbo punuk, wim eeriyak mban iniki lunik logonet eerit nage menggerak nogo o.

Titut 3:1

Aakumi nen it o arum waka pemerintah inom, it aap inayuk warak menggaarak inom, inabu'me logonet, inoone konenggwi, ndi, eeriyak obeelom ambi kin age kenok, “Eeko logowok o,” yinuk, mbako logowak nduk yorage, eeke logot o.

Titut 3:14

It ninapuri ti, eyo anggen yegeelik pogom logokwak, it aakumi aaninggin inoba age kenok yeenggwaarogo logowak nduk, yabu liirogon eeriyak mamunggologo logowak o.

Iberani 11:5

Aap Enok kunduk, iniki abet mbareegerak paga kambulik Ala nen eenik wonok laganeegerak kagak, oreewi nen kwaareegwaarak mendek lek aret kogogwaarak. Wonok lagangga'lek kagak, “At Ala imbirak iniki kunik wonagagerak o,” yinuk, Ala wone liiru mbanak paga kogo monggoorak nogo o?

Iberani 13:16

Ndi, ti eeko logonet, Ala ake warogo wogogo nogogwa kwak, at ake aakumi obeelom eeppiigwi, yeenggwaarogwe, eekwi niinok, Ala inikilom ninombake menggerak me, mari eerogo puurak ti mage o. Ata, eeppiinet nogo logonip o.

Iberani 13:21

at Ala eeriyak mbake menggerak nogo, kit mondok ndak-ndak eeko logobagip nduk, yi mendek ndi mendek abe mendek kenok mban li'luk eerogo wokkirage, ndi, Yetut Keritut eereegerak paga kit eeppinagarak inikilom mbake menggerak nogo eeppinagage, eeke logogin me, at endage mondok-mondok tiyappogo logowok o. Amin!

2 Peterut 1:8

Ti eeko logorak nogo mendek abok aret nggwok togon eerit nogwe mban kiinok, aakumi nen, “Inowe Yetut Keritut ineenu kwe, anggen alik mendek yi'nage kiraap!” yinuk, yogo logogun lek o. Ata, “Inowe Yetut Keritut abet aret ineenu me, anggen obeelom mendek nggwok togon yi'nage agaarik o,” yinuk, yogo logogun o.

2 Peterut 3:18

Ninogoba Ala iniki kunik nen eeppinanege menggerak nogo kit kiniki kole aruwak nduk, ambinom eeppinagage, ndi, at ninagap ndaka ninowe Yetut Keritut eebe kineenu aret kwe, ambinom kineenu arubagip nduk, eerogo pinagage, eeke logogin o. Yogondak nen, nok, mondok logorak kuli at eebe mondok tiyanak aret logowak o, yinuk, an Peterut nen abu aret yokkiragi o. Wa!

1 Yaya 3:22

At Ala nen, “Yogop ee'nu, ndogop ee'nu,” yinuk, yo'nirage menggerak wone inom, at eeriyak inikilom mbake menggerak nogo inom, ndak-ndak eekwi me, nit yi mendek ndi mendek wo'niraawak nduk, nggino yogwi nogo, at wo'nirage logogin aret o.

1 Yaya 5:20

At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.

3 Yaya 1:6

It nogo nen Ala apuri yime kuwak eeko menggaarak inenggaanom mbininggo logonet, “Aap Nggayut iniki kunik ee'ninake logonet, ndogop eeppinanege menggerak o,” yinuk, yo'niragaarak me, aap togoti mendek ambi keya wogwe iinok, Ala inikilom kombaruwak nduk, inamendek ambi lek kenok, wogorage logomenggendik, nappiyoorak ti op aret o.