Etet 7:10 - Ala Wone Peenok Peebi Mbanak

¹⁰ Yoge mbareegi, at Kaman nen eyo aap Morekayi tugunogo puurak nduk yineegerak nogo paga Kaman aret enggaanok keele yilinogo tugumbi nogo mbareegwa, aap endagembogut anini mbake nogo teyok yereegerak.

Etet 7:10 ပူးပေါင်းရင်းမြစ်များ

Wakkagagerak 40:22

ndi, at oroti woraka inowe nogo perak, eebe waganogo eyo paga tugunogo pege, eereegerak.

Etet 2:1

Ti'nuk peebi, aap Akatiwerot anini mbake nagagerak nogo tayok ari mbareegi, at kwe Wati eereegerak paga wone lengganogo wumbereegerak nogo iniki nggilu ari nagagerak.

Etet 5:14

Yorage mbareegi, at akwe Tereti inom, oreewi abok aret inom, nen konenggo nogogwaarik, at yogwi, “Ti kenok, it aap inenggaanok keele yilinogo tugumbiigo logorak eyo nggorek metet 23 kero yinu o. Yingge logomenggendik, eyo ti paga aap Morekayi enggaanok keele yilinogo tugunogo wuppi woraawak nduk, ko'lu kuuben aap endagembogut yori namenggendak eeke kenok, kiniki ale'nggen paga aap endagembogut kimbirak mbi na namunggup o,” yoreegwaarak. Yoreegwaarak nogo at Kaman nen, “Op aret kagi,” mbake nagagerik, eyo yinuwak nduk, awuri yoragagerak.

Etet 7:7

aap endagembogut anini nen anggur amburu nengge nogo mbo punuk, mi'nage nagagerik, endekem oore'nggam abe ogobakkigirik me wungge mbareegi, at Kaman nogo nen, “Aap endagembogut yi, an nooriyak nduk aret kooni wungge kagi,” mbake nagagerik, kwe nggwok Etet nogo kwi'nage menggim yonggonggolage wonage me, aap Kaman nogo at eebe ili yuwak nduk, Etet owagam ngginnari nanuk wonage aap endagembogut endekem oore'nggam nen unggwi wage logonet, enegen kage nagagerik, oone nggwok paga, “Nakwe lombok name nimbirak wonage neegak, maluk eeppuurak eeke yi kogop a?” Awo ari kagak, it aap endagembogut ake eeka nogo wogo nogogwaarik, aap Kaman etenggen yum nobappunuk,

Etet 8:7

Yoge mbareegi, aap endagembogut Akatiwerot nen kwe nggwok Etet aap Yakuri mendek Morekayi imbirak yorage logonet, “Aap Kaman nogo it aakumi Yakuri mendek apit aret inooriyak nduk wone lengganeegerak paga Kaman enggaanok keele yilinogo pogo mbaka, amindik-amendek abok aret waganogo kat Etet wokkigirak o.

Etet 9:14

Yoge mbareegi, aap endagembogut Akatiwerot nen Etet yoreegerak nogo ndak-ndak eeruwak nduk, wone lengganogo o Tutan time wumbege mbareegi, aap Kaman apuri ineebe 10 inoorak nogo eyo paga tugunogo piigwi,

Etet 9:25

koonogo pereegerak nogo, kwe Etet nen aap endagembogut yori unggwage mbareegi, aap Kaman nen it Yakuri mendek eeppiyoorak maluk lombok koonogo pereegerak nogo, at endagembogut nen melak togon at oba aruwak nduk, wone lengganogo liiru mbanogo wumbege, at apuri inom inenggaanok keele yilinogo tugumbiige, eereegerak.

Ayup 18:8

Towe pigagangga keele yarak me, At iyok nen wonok eebe aret yilunggola nage, Nggwiya ndalok pugu me at aret ndalunggola wangge,

Ayup 20:8

Inabi kagaatak lek age menggi kwak, Ineebe togop aret ineenggi-iniyok lek, lek ogwe, Oonikiya inabinggaanggo kagaatak lek age kwak, It togop aret lek ogwe, Eekwi iinok,

Ndawi 37:15

It inawooluwak paga nen Yungguk togon it aret wakkologwe, Ndi, ineegin nogo kalenogo pakwi, Eerugun o.

Ndawi 7:16

Aakumi maluk eeppiyoorak koonemenggerak nogo yungguk togon at aret oba kwippake, Anini paga eeppiyoorak mbaremenggerak nogo melak togon yugum negen anobak paga kwi'nage, Eeke menggerak o.

Ndawi 94:23

Kat nen it aap ti, inomaluk onggo ndak-ndak eeppiige, It maluk eekwi paga ineebe lek eerogo piige, Kaliku ninogoba Ala nen ineebe pup eerogo piige, Eerumunggun o.

Kini Wuppiige 11:27

Aap ambi obeelom eeriyak mugurok nage kenok, aakumi nen at inikilom mbako menggaarak kwe, Maluk eeriyak mugurok nage kenok perak, maluk ti nen melak togon at oba kwi'nage menggerak.

Kini Wuppiige 11:8

It aap iniki abe koonak nogo aaninggin inoba wonogwe me nen inagap ndake kagak, Inobaane'me aap maluk mendek inoba kwi'nage menggerak.

Kini Wuppiige 26:27

Aap ambi nen aap alik ambi yigeebu wambuwak nduk nggween kabunogo pemenggerak kwe, at aret wangge, Ndi, yugum paga aap alik aan lebenuwak nduk, wogonogo pemenggerak kwe, melak togon at aret aan lebeni wage, Eeke menggerak.

Yeremiya 34:17

Togop me, Aliku ALA nen yegerak nogo yi aret. “It an noone yorage nogo liirogon konenggwi, Ninoreewi wondet agago piyaawok o, yinuk, yogogwaarak nogo ndak-ndak eekwi, eerulik me, yogondak Naliku ALA nen wondet eerogo piyoorak mendek eeppiyoorak nogo yi o. Wooluwak paga, kugilingga paga, mbi noogelo paga, kambuwak nduk, inagabolo wondet agago teppiyaagin o. It aakumi o nggween paga inabu'me piigo menggam abok aret inigen iigo logonet, Inogole o, yinuk, inamineeri ne agan nawak nduk, eeppiyaagin o.

Yetikiyen 5:13

Ti eekwi iinok, nanini wungge nogo lek age, nanini nen eeppiyoorak mbake nogo tayok ari, Abu ndak-ndak aret eeppigi o, yinuk, nini tayok ari, eerigin o. Nanini mbake nogo abok aret eeppiyaminggirak lek age kenok, Aliku ALA mondok anini mbake logonet yo'niragaarak kogo o, yinuk, ineenu arugun o.

Ndaniyen 6:24

Kogo nogogwaarik, at aap endagembogut nogo nen it aap, “Ndaniyen ndogop eekerak o,” yinuk, yereegwaarak nogo, wogonabi nawak nduk, yoragagerak wogoren wogo mbareegwa, it aap ti inom, inakuwi-inapuri inom, mbuun ambena singa wonogwe me nogome mbo wuppiyareegwaarak mbuun o'luwam awo ari wangga'lek iigak, singa nogo nen ineebe ineyak nggerembiinok inowak abok aret yigirik-noonom eerogo piyareegwaarak.

Ndaniyen 6:25

Piigo mbareegwa, at aap endagembogut Ndariyut nogo nen yi aakumi ndi aakumi inom, yi o ndi o aakumi inanebunu lombok inom, inoone alitak inom, it o nggween paga wonogwe abok aret liiru mbanogo nappiinet nagagerak nogo yi aret. “Napuri wa! Kit eerit nogwe paga kinale'nggen nggwok mbarit wundi wogo logomunggup o.

Takariya 6:8

Yombonit nugwi iigak, at nen an yo'nege logonet, “O omarip paga pa'nggwe nagaarak ti, it o omarip paga pa'nggwe wonogwe nanini eeppiyoorak mbake nogo, nini tayenogo panegaarak ti ket o,” yinuk, yo'nege kagarak o.

Owak Loongga 15:7

Kani kumbiigo mbareegwa, at Timoton nogo nen yorage logonet, “Kit togop eekotak me, an nen inane'me wagangga'lek logonet, an puk arigin mondok lek mbako logonip o.”