Etet 6:1 - Ala Wone Peenok Peebi Mbanak

¹ At aap endagembogut nogo oonikiya ti eyom paga nogo yuurak abu meek eeke mbareegi, at abu'me piinok wonage logonet, eerit nage nagagerak mbuku paga liiru mbanak wonage nogo at enggaanom paga lunuwak nduk, “Wonok woraanip o.” Yorage mbareegi,

Etet 6:1 ပူးပေါင်းရင်းမြစ်များ

Wakkagagerak 22:14

Kani kungge nagagerik, at Abarakam nen o nogo endage, “Ninogoba Ala Nen Punogo Pereegim o,” yinuk, tooneegerak me, puut nogo endage, “Iniki Mbakwi Punogo Piige Menggim Ala Abuut o,” yinuk, yogwe wonogwe aret o.

Etet 10:2

Ndi, aap endagembogut nen yi eekak ndi eekak abu iya tit nggwok lombok eerit nege nagagerak nogo inom, aap Morekayi tiyappereegerak paga endage nggwok agagerak nogo inom, abok aret it aap Meriya mendek inom, Peritiya mendek inom, inoweewi inendagembogut eeko nogogwaarak liiru mbanak wonage nogo, inom liiru mbanogo pereegwaarak nogo lek a?

Etet 2:21

At Morekayi nogo aap endagembogut awi o nggwok abe wurik tu unggwogo menggam eyabu eeke wonage kagak, it aap endagembogut ake eeko logonet, tu unggwogo menggam arum wonogwe aap Mbigatan, Terek imbirak inanini nen aap endagembogut Akatiwerot nogo wariyak wone mbaneegwaarak.

Etet 2:22

It iniki ambit a'nuk, wone mbanggwi nogo, at Morekayi eenu age nagagerik, wone nogo at kwe nggwok Etet yoge mbareegi, Etet nen aap endagembogut yoge logonet, “Kat kooriyak yogwe nogo at Morekayi nen konenggerak kenok, yokkiri wagi o,” yoreegerak.

Etet 2:23

Yoge mbareegi, wone ti, alom kwaake nagagerik, abet aret mbareegi, it aap ineebe mbere nogo inenggaanok keele yilinogo eyo paga tugumbiyareegwaarak. Ti eereegwaarak nogo abok aret aap endagembogut Akatiwerot enegen kagak it aap inendagembogut eeko menggaarak liiru mbanogo pugwi nogome inom liiru mbanogo pereegwaarak.

Etet 5:8

Kat nogoba kendagembogut nabuwa mbake, ndi, an uugwe mbake inom, nggino yokkiriyak mbake inom, ndak-ndak eeppikit nombake, eeke keenok, ko'lu kinake laago ambinom larigin me, kat Kaman kimbirak na woraamunggup o. Na wogwe kiinok, Wone yu o, yo'negendak nogo ti, yokkirigin o,” yinuk, yoreegerak.

Yetaya 41:17

“It aap inalik eekkoloorak meek inom, ineenggi lek inom, nen niyo kwaaremenggaarak kwe, lek aret kogwe, Niyo abu nen inamili mbuk aago wonogwe, Eeko logonet, Nggino yo'nugwi iinok, Iterali inogoba an Ala nen mbo piyaagin lek Naliku ALA nen naruk konenigin aret o.

Ndaniyen 2:1

Aap Nebukanetat nogo endagembogut logonet, wone lengganogo yorage kagak, tahun ambi eeppunuk, ambi eeke ti paga nogo yege me, abinggaanggo kage nagaatik, iniki piirik logonet, nogo teberogon yuurak abu meek aret age nagagerak.

Ndaniyen 6:18

Pogo nogogwaarik, at aap endagembogut nogo awi nggwok abe wurik me nogome nage nagagerik, oonikiya paga mbi-niyo nengge, “Niniki ale'nggen eerogo pani wa'nip o,” yinuk, ambi yorage, eeka'lek, “Nonggop aga,” yinuk, iniki nggiluuge wonage kagak, o kilim nagabeegerak.

Maleyaki 3:16

Yorage nagagerik, it aap Aliku ALA inagabiti mbako nogogwaarak nogo nen it-it wone mbanggo logonet, it nen yogwi iinok, at Aliku ALA liippege, aruk konengge, eereegerak o. It aap Aliku ALA inagabiti mbakwi, at endage tiyappogo logonet ayuk wukwi, eeko nogogwaarak nogo inendage aberak logowak nduk, at Aliku ALA enggaanom paga mbuku pirik-perek aago paga inendage liiru mbanogo pereegwaarak.

Oroma 11:33

Ala iniki warak lombok nen yi wone ndi wone eenu menggerak me, oba ngginik kagak obeelom eeppinanit wundi wage menggerak me, iya! At iniki koombunuk eeke menggerak nit nen kibinit ungguurak op mbakop? Ndi, at eeke menggerak nit liippit ungguurak op mbakop?