Etet 5:9 - Ala Wone Peenok Peebi Mbanak

⁹ At Kaman nogo kwe Etet laago lareegerak neenok iniki ale'nggen alik negen eereegerak wundi wage logonet, at Morekayi nogo aap endagembogut awi o nggwok abe wurik arungga paga kwi'ndak wonage kage nagagerik, “Mi'na'nuk, nayuk wurigin,” mbareegerak mendek agabiti mbake, ayuk wuke, eeka'lek aret mbareegi, at Morekayi eebe paga anini alik negen agagerak.

Etet 5:9 ပူးပေါင်းရင်းမြစ်များ

1 Endagembogut 21:4

Yoge mbareegi, aap Yiteren mendek Nabot nen, “Nombomini ineyate nggween wo'nereegwaarak nogo wokkirigin lek o,” yinuk, yoreegerak ti paga at Akap nogo ale'nggen lek a'nuk, iniki aagi wo agan ame nage nagagerik, nogo yege menggim winna'nuk, enete aagi wu eeppunuk logonet, mbi nengga'lek wonagagerak.

1 Endagembogut 21:6

Yoge mbareegi, at Akap nen onggo yoge, “An nen aap Yiteren mendek Nabot nogo yoge logonet, Keyabume anggur awi yarak kunikit mbakirak me, wu wokkiriyak ilik, anggur awi yarak, Wo'niriyak, mbake keenok, obaane'me ti aret wokkiriyak a? Yogirak kwe, at nen, Neyabume anggur awi yarak ti, wokkirigin lek o, yo'nege mbaki, niniki aagi a'nuk agarik o.”

Etet 2:19

It kumi tawe aap kigin wogonaka'lek mendek ne ambinom kuwak eerogo piya wogogwaarak eyom paga, at Morekayi nogo aap endagembogut awi o nggwok abe wurik me tu unggwogo menggam at inom arum logowak nduk, mippereegerak.

Etet 3:2

Mippege nagagerik, at ake eeko menggaarak awi o nggwok abe wurik me tu unggwogo menggam wonogwe nogo yorage logonet, “Aap Kaman unggwi wage, wundi nage, eeke kenok, kinendobanggun yindumbunuk, ayuk wuko logonip o,” yinuk, yorage mbareegi, it abok togop aret eeko nogogwaarak kwe, at Morekayi alik perak, endobanggun yindumbunuk, ayuk wuke logolik aret.

Etet 3:5

“At aap Morekayi nogo endobanggun yindumbunuk kat kayuk wuka'lek aret agaarik o,” yogo mbareegwa, at Kaman nen, “Ti abet aret kagi,” mbake nagagerik, anini mondok alik negen age,

Etet 5:13

Yi mendek ndi mendek eeppanugwi yi paga nale'nggen kaakit lak, at aap Yakuri mendek Morekayi nogo aap endagembogut awi wurik tungga paga mban wonage nenegen kage me, nale'nggen lek aret ee'nake o.”

Ayup 20:5

Aap maluk eeka iniki ale'nggen mbakwi nogo we luulu aret mbakwi, Ala mugurok noorak ineebi mbaka inale'nggen kogwe nogo, we ne ambiriluk mban kogwe, Eeko menggaarak o.

Ayup 31:31

Aap ugun-ugun yowaarogo mambiige, It aap nggiru wogwe iinok, Endekem nogo yega'lek ninom nogo yuwok nduk yorage, Eeke minggirak me, It an ninom wonogwe nogo nen yogo logonet, Ayup nen mbi ma'niraga'lek we ninom nogo yogoorak o, Yinuk, taamini nen yogo menggaarak mbakop? Lek aret o, yinuk, yogo menggaarak o.

Ndawi 15:4

Aap maluk mban eerit noorak mbakwi nogo Ineebi inombako logonet kwe, Aap Ala inagabiti mbakwi nogo tiyappiigwi kenok, “Yogop eeppagagun o,” yinuk, Wone kumbuk mbanogo yoragaatak nogo Inamendek lek kwe, kagak eeppiigwi kenok,

Ndawi 27:3

It aap ineegin warak apit aago nen nooruwok nduk wangge'nakwi iigak kwe, Nagabiti nen niniki ma'nage, It ninom wim eeriyak nduk wogwe iigak kwe, Niniki lek arigin lek kwippunuk aret wonage, Eeke logogin o.

Ndaniyen 3:13

Yogo mbareegwa, at aap endagembogut Nebukanetat nogo anini mondok alik negen mi'nage logonet, “It Tarerak, Metak, Abe'nego ti, nowagam wogoren wa'nip o,” yoragagerak wogoren wogo mbareegwa,

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Matiyut 2:16

At Keroret nogo nen, “It aap wone mbiningga nogo nambokan laganggaarak iigi o,” yinuk, anini wu agan nage logonet, it aap wone mbiningga nen, “Laaluguragan o ti eyom paga aret kin age kogoorak o,” yinuk, liirogon yoreegwaarak me, at awuri nen o Mbe'lekem enaagan-ambokan nogome wologwe mbuulogwe ndarak iigak, tahun mbere aago inom, eeka'lek inom, tigitogon inoorit nawak nduk, nappiyareegerak.

Lukat 6:25

Kit yogondak mbi ndonggoppinagagerak wonogwe yi, peebi abu eekkinabigin me, kinabuwa o. Kit yogondak i'ndok kanggwi yi, peebi kiniki puru ari logonet, le yumunggup me, kinabuwa o.

Yaya 16:20

Kiniki puru ari, leenggu maakwi, eekwi kiigak, it aakumi o nggween paga yime menggaarak nogo nen inale'nggen mbarugun. Kit kiniki puru yumonggotak kwe, peebi kiniki puru ari nogo lek age logonet, obaane'me ale'nggen nggwok eekkinake kaamunggup o.

Nappiigak 7:54

Yoragagerak it wone amburu mbangga nogo inaruk konenggo nogogwaarik, inanini wu agan nage logonet, inambe mam kambumbunuk wonogwe iigak,

Yakobut 4:9

Kiniki puru yogo logonet, le yogwe, leenggup maakwi, eeko logonip o. Kit i'ndok kanggwi, kinale'nggen yogwe, eekwi ti mbo punuk, kiniki puru yogo logonet, leenggu maako logonip o.