Etet 5:4 - Ala Wone Peenok Peebi Mbanak

⁴ Yoge mbareegi, kwe Etet nogo nen wone onggo yoge logonet, “Nogoba o. An nen kat kake laago lake me, yogondak aap Kaman kimbirak na noorak op mbake keenok, na namunggup o,” yo'nuk, nagagerak.

Etet 5:4 ပူးပေါင်းရင်းမြစ်များ

Wakkagagerak 27:25

Yoge mbareegi, at Itak nen, “Napuluk. An nengge logominggirik, nawone kilikkirikit nduk, la'nuk wagandak ti, wo'niri omok o.” Yoge mbareegi, at Yakup nen kambin larak inom, anggur amburu toolak inom, wogoge mbareegi,

Wakkagagerak 32:20

Kat kayeloman Yakup perak, peebi wage agaarik o, yinuk, wone ti inom yo'nu o,” yoragagerak. Ti eereegerak nogo ti, iniki mbake logonet, An Etawu ake pigirak yi, aa'nduk wogori namenggaarak enegen kage logomenggerik, iniki yanggo yemenggerak me, nage neenok, iniki ale'nggen paga wo'nabuwak, mbake nagagerik, eereegerak.

Etet 1:9

Ne ti eekwi eyom paga mban aap endagembogut akwe Wati nogo nen it kumi at ogonggelo endagembogut Akatiwerot awi o nggwok abe wurik me wonogwe nogo inake togop aret laago lareegerak.

Etet 3:15

Mbanogo pogo mbareegwa, it aap wone lengganak liiru mbanak wonok nawak nduk, yoragagerak nogo nen, “Aap endagembogut nen nappinani waga o,” yinuk, mbet-mbet yi o ndi o tumburiranet nogwe, ndi, aap endagembogut awi o nggwok abe wurik o Tutan nogome yorogwe, eerit nogwe iigak, aap endagembogut Kaman imbirak kwi'na'nuk, anggur amburu nunggwi ugun iigak kwe, it aakumi o kota Tutan wonogwe nogo perak, wone ti konembunuk, iniki ma'nagagerak.

Etet 5:3

Mbaanggage mbareegi, aap endagembogut nen, kwe Etet nogo yoge, “Etet yi wae. Kat kwe nggwok aret me, nano uugwe mba'nuk wagan o? Kat uugwe mba'nuk wagandak nogo yo'nege keenok, an teppatigin lek abok wokkege logonet, o an unde minggim yi togon mogonogo wokkirigin aret me, yo'niru o.”

Etet 5:5

Nage mbareegi, aap endagembogut nen, “Kwe Etet nen ninayonggo pegerak me, aap Kaman woraawak nduk, mbet yori nanip o.” Yoragagerak yori nogogwaarak wage mbareegi, aap endagembogut imbirak at Etet laago pipuk eereegim nogome nogogwaarak.

Etet 5:8

Kat nogoba kendagembogut nabuwa mbake, ndi, an uugwe mbake inom, nggino yokkiriyak mbake inom, ndak-ndak eeppikit nombake, eeke keenok, ko'lu kinake laago ambinom larigin me, kat Kaman kimbirak na woraamunggup o. Na wogwe kiinok, Wone yu o, yo'negendak nogo ti, yokkirigin o,” yinuk, yoreegerak.

Ndawi 112:5

Aap ambi iniki ndoobu wonage, “Namendek luulu porogo logonip o,” yinuk, wogorage, Yi eekak ndi eekak eerit nage logonet, ndak-ndak aret kolage, Eeke menggerak nogo Ale'nggen aret wonage logogin o.

Kini Wuppiige 29:11

Aap iniki lek wi negen nogo nen anini mbake nogo kuli pegeelik anini wunggak mban eeke menggerak kwe, Aap iniki warak nogo nen perak, anini wungge nogo tebenogo punuk wonage menggerak.

1 Korindut 14:20

Noreewi o. Kit kiniki koonggwi nogo ti, it wologwe-mbuulogwe iniki koonggo mengga kwak, kiniki togop koonggo logogup o. Ata, it aap iniki warak koonggo menggaarak pogom koonggo logonip o. Maluk eeriyak eekkinake kero, elege awo ngget ndarak maluk ineenggo'lek menggaarak nogo pogom, kit togop aret logonip o.