Etet 5:11 - Ala Wone Peenok Peebi Mbanak

¹¹ iniki wogoppake logonet, eenggi warak lombok age, apuri aa'mbin-aa'mban ndaganake, aap endagembogut nen ale'nggen oba pege, it aap nagawan-nagawan inom, it aap yi o ndi o unde menggaarak inom, iigak, aap endagembogut imbirak eeke logowak nduk tiyappege, eereegerak nogo paga tiyappake logonet yorage,

Etet 5:11 ပူးပေါင်းရင်းမြစ်များ

Wakkagagerak 31:1

It Laban apurilogwe nen yogo logonet, “Nit ninogoba amindik-amendek abok aret Yakup mban kolage nagaarik, ti paga nen aap eenggi warak aret eekkolage agaarik o,” yinuk, yogwe at Yakup aruk konengge,

Etet 1:4

Kuwak ari wogo mbareegwa, inabugo lake logonet, at abu'me menggim yi mendek ndi mendek mondok iya ineenggi lingginiyak meek kuwak eerak nogo titik irage, ndi, at endage mondok nggwok kenok aakumi nen, Wi, ugwi iigak, alik negen eeke nagagerak nogo mbininirage, eeke kagak, tut 6 peneneegerak.

Etet 3:1

Ti'nuk peebi, aap endagembogut Akatiwerot nogo nen aap ambi anebunu Agak mendek Kamerata aput Kaman nogo it aap inendage warak nagawan-nagawan ando inendage tiyanak negen iigak kwe, at endage abu tiyanak lombok logowak nduk, abu'me logonet, imbirak eeke logowak nen ale'nggen oba pege nagagerik, mippereegerak.

Etet 8:15

Eerit nogwe iigak, at aap Morekayi nogo aap inendagembogut inayum yiko menggaarak mendek enete kibu-kibu inom, yanggwi pogom inom, mbuti emas paga nggare-nggare kole mendaarak inom, kain yawenak maa'ngga kunik yum nggorek inom, yirik logonet aap endagembogut owagam nen wundi wagagerak. Wundi wage mbareegi, wone lengganak liiru mbanogo nappit nagagerak paga it aakumi o Tutan wonogwe abok aret inale'nggen nggwok mbareegwaarak.

Ndawi 49:7

Aap ambi kambunuk nogo menggam noorak lek Eenik mondok logorak onggo puurak nogo ti, Oreewi nen puurak abu meek mondok iya aret me, It aap ineenggi warak ti nen Inoreeluk ambi kambuurak eeke me, Eenik logorak ake wu pugwi, Wake kero onggo wu ambi Ala wogogwi, Eeriyak meek aret o.

Ndawi 52:9

Ala eerit nage paga endage mondok-mondok tiyappege, At endage abu obeelom aret me, Eeppaniyak yegerak nogo an tokkage, Ndi, at apuri ake leenak inenggaanom paga Mondok, “Wa!” lombok yoge, Eeke logogin o.

Yetaya 10:8

An nawuri ineegin warak inoweewi abok ti, inendagembogut mban wonogwe nogo lek a?

Ndaniyen 4:30

“An nendagembogut minggim o Mbaben mondok tiyanak lombok wonage yi, an nomaawi paga pippunuk logonet, eerogo pit nage, nayuk warak neenok, Endage tiyanak wonage me iya! yuwak nduk eerogo pege, eereegirak yi aret nogo lek a?”

Marakut 10:24

Yoragagerak nogo paga at oone waganggwi nogo, “Wi!” yinuk, pi wako mbareegwa, at Yetut nen, “Nawuri o. At Ala abu'me piige menggim unggwi noorak meek negen kagi o.

1 Timotiyut 6:17

It aakumi o yogondak ineenggi warak wonogwe nogo ti paga iniki wogoppako logonet, yi mendek ndi mendek lek ariyak kagak, iniki ti paga lunik logokwak, yorage logot o. Nit ale'nggen mbaruwok nduk, at yi mendek ndi mendek ngginu-ngginu eerogo wo'nirage menggerak Ala paga mban iniki mondok lunik logowak nduk, yorage logot o.