Etet 5:1 - Ala Wone Peenok Peebi Mbanak

¹ Nogo mbere yippunuk, ko'lu at aap endagembogut nogo at wone lengganogo yorage menggim kwi'na'nuk, tu unggwogo menggam ena looge wonage me, Etet nogo kumi yo'nggok inayum yiko menggaarak mendek yippunuk, aap endagembogut awi wurik akem ko kole wone mbanggo menggam at wonage engga loolo ari nage mbareegi,

Etet 5:1 ပူးပေါင်းရင်းမြစ်များ

Etet 2:5

Ndi, aap Yakuri anebunu Mbeniyamin mendek Kiti nen Timeyi ndake, Timeyi nen Yayit ndake, eereegwaarak me, at Yayit aput Morekayi nogo ne ti eyom paga aap endagembogut awi o nggwok abe wurik o Tutan time wonagagerak.

Etet 4:11

“It aap a, kumi a, wiiraga'lek kagak aap endagembogut awi wurik ko kole wone mbanggo menggam aken time at owagam unggwi nogwe iinok ti, Kambuurak aret o, yinuk, wone ambit ti aret koonak wonage me, it aap endagembogut inom eeko menggaarak inom, it aakumi at abu'me piige menggim yi o ndi o wonogwe inom, abok ineenu aret o. Togop kwe, aap endagembogut nogo nen owaanggun mbuti emas paga ogobakkigirik nogo titik irage kenok perak, kambugun lek ineenik logogun o. Togop aret me, at endagembogut owagam noorak wiinega'lek kagak nogo 30 yigirak me, nonggoti o?” yinuk, yoreegerak.

Etet 4:16

“It aakumi Yakuri mendek o Tutan wonogwe nogo abok aret kuwak eeppiya nage logomenggendik, ko'lu-kii'me niyo inom, mbi inom, nengga'lek kinambe mage negen logonet, an nake tamban eekwi kiigak, nogo kenagan yumunggup o. Ti eekwi kiigak, an togon, it an ndegennako menggaarak kumi tawe togon, togop ndak-ndak aret eeko logogun o. Eeko logomonggoorik, wone yugu nogo an taganogo punuk, aap endagembogut owagam unggwi naminggirak me, Kambuwak o, yo'nugwi iinok ti, an kambuurak op aret o,” yinuk, wone eerogo nappereegerak.

Etet 4:17

Ndi, kwe Etet wone eerogo nappereegerak nogo at Morekayi yoge mbareegi, at Morekayi nen ndak-ndak aret eeri nagagerak.

Etet 6:4

Ti eyom paga at Kaman nen aap Morekayi enggaanok keele yilinogo eyo paga tugumbuurak aap endagembogut yorikit nduk, wagagerak at awoore'nggam wonage aap endagembogut nogo nen kage nagagerik, “Aap nawoore'nggam unggwi wagaarak wonage ti ta o?”

Etet 8:15

Eerit nogwe iigak, at aap Morekayi nogo aap inendagembogut inayum yiko menggaarak mendek enete kibu-kibu inom, yanggwi pogom inom, mbuti emas paga nggare-nggare kole mendaarak inom, kain yawenak maa'ngga kunik yum nggorek inom, yirik logonet aap endagembogut owagam nen wundi wagagerak. Wundi wage mbareegi, wone lengganak liiru mbanogo nappit nagagerak paga it aakumi o Tutan wonogwe abok aret inale'nggen nggwok mbareegwaarak.

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Matiyut 11:8

Nano mendek kaawok nduk nogotak? Aap ambi yum kigirikwe yirik kaawok nduk, nogotak ya? Wologwe! Yum kigirikwe mban yikwi ti, aap inendagembogut iname time mban yiko menggaarak o.

Matiyut 27:64

at oone waganggwi nogo nen wogo logomenggaarik, eebe kote woppunuk, aakumi yorogo logonet, Kambunuk nogo menggam nen eenik a'nuk mi'nagaarak o, yinuk, yorogwe iinok, at Yetut aa'nduk aakumi iniki nomoninabeegerak ti, mbuuluk negen, ndi, it at oone waganggwi nogo nen nggwok togon nomoninakwi iyo, kat nen Yetut warak eebe pegam nogome ne kenagan kuli paga tum wako logowak nduk, kawuri yoret o.”

Lukat 22:30

kit an nabu'me piige minggim mbi nunggwi, yi nunggwi, ndi, aakumi wone lengganinako menggam logonet, aakumi Iterali inanebunu 12 nogo inowak loonggwi, eeko logobagip nduk, unde eeppinagagi o,” yinuk, yoragagerak.

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.